出大鑊會計師行老細原來好「正氣」?
1 :
GS(14)@2013-08-06 23:34:40嘩，陳葉馮的陳維端先生真是好啦
http://www.metrohk.com.hk/index.php?cmd=detail&id=216908&search=1
每逢到暑假，唔少市民同議員都會出埠去旅行，散吓心充吓電咁。唔離港，暑假又成日打風同落雨，市民要被迫留喺屋企，總之呢段時間就冇乜人捐血，搞到血庫缺血。民記立會議員EQ(葛珮帆)噚日就帶咗8名黨友去捐血站撐捐血，仲手持橫額，齊聲呼籲「恒常捐血，救人不絕」、「每份捐血都是生命之禮」嘅口號，叫大家要發揮救人精神。佢哋仲叫啲區議員去番自己嗰區捐血，兼呼籲市民大眾去捐血?，實行全港18區齊齊撐捐血咁話。帶隊嘅EQ自己食開素，有啲貧血就捐唔到；但61歲嘅中常委陳維端就認真巴閉，噚日係維端叔捐第95次血！其實維端叔年紀都唔細，但就好有心，佢堅持每年要捐4次血咁 多，真係做善事不遺餘力囉。維端叔話，佢08年已開始捐血，仲笑住話，捐血唔單止幫到有需要嘅人，仲有助血液循環，對身體有益。到第100次時紅十字會會送番個紀念章畀捐血者，咁維端叔好快就拎到喇。厲害！厲害！