老店拒撐梁振英 索性當日休市
1 :
GS(14)@2013-06-29 17:53:00http://hk.apple.nextmedia.com/news/art/20130629/18316475
工商聯會聲稱號召150商戶推出慶回歸折扣優惠，並安排在當日下午2時至5時7.1遊行期間舉行。所謂慶回歸優惠計劃，除早前被踢爆是假優惠，原來不少參加的商戶並非撐梁振英政府而加入，而是遭工商聯會賣豬仔。位於深水埗的藝光圖章原子印務東主盧婆婆，昨向本報申訴「被優惠」經過。
盧婆婆在上址經營製圖章生意60多年，兩星期前，一名20多歲女子來到店前，表示為慶祝7.1回歸，要求圖章店當日給予巿民購物優惠。
盧婆婆說，一開始便拒絕對方，「點知個女仔死纏爛打，好似做quota咁，係咁叫我填表參加優惠計劃，話好簡單咋。俾佢係咁煩，最終答應咗。佢問我畀乜嘢優惠，我話優惠價70蚊做一個章，其實我一向賣開70蚊，佢完全冇核實。之後佢要我喺舖面貼張慶回歸海報」。
「好似俾人賣豬仔咁」
76歲的盧婆婆老馬有火說：「我唔知佢係乜嘢人，係乜嘢團體。呢幾日先知呢個活動背後有政治目的，我冇政治立場，而家好似俾人賣豬仔咁，激到我即刻撕咗海報。再見到個女仔，我實鬧佢呃我。」餘怒未息的盧婆婆續表示：「7.1當日我索性關門唔做生意，去美孚打麻雀。」
同區另一間「被優惠」的小店永昇燈飾布藝，負責人范小姐對本報說，半個月前有年輕女子到店舖，游說她填表格參加慶回歸優惠計劃，對方未有說明計劃的背景及內容。她其後知道只在7月1日2時至5時遊行時段推行優惠，感覺有些奇怪，「而家諗番起有被呃嘅感覺」。她說，7.1當日不會將慶回歸宣傳海報貼在店內，因為不想一盤生意淪為政治工具，無辜遭巿民杯葛。
平日做街坊生意的李金華茶莊一向無參與政治活動，負責人稱有人跟他說參加慶回歸優惠活動可增加知名度，「平時冇人同我做宣傳咪冇參加囉，話我哋做生意有政治考慮，我唔開心」。在優惠名單上的盈竣科技公司也改變初衷，負責人表示在商言商，參與計劃是想藉工商聯會免費宣傳，後來知悉要付廣告費便退出。
7.1「被優惠」小商戶語錄
商戶：藝光圖章原子印務
語錄：俾人賣豬仔，7.1索性唔開門，去美孚打麻雀
商戶：永昇燈飾布藝
語錄：俾人呃咗，7.1唔敢貼慶回歸優惠海報
商戶：盈竣科技
語錄：想藉慶回歸免費宣傳，話要畀錢（廣告費）當然走啦，退出計劃
商戶：李金華茶莊
語錄：平時冇人同我做宣傳，咪參加囉；（外界）話我哋做生意有政治考慮，我唔開心
2 :
hh0610(1603)@2013-06-30 00:42:02"佢問我畀乜嘢優惠，我話優惠價70蚊做一個章，其實我一向賣開70蚊，佢完全冇核實。"
看來是阿婆過左人一棟.