十大品牌 進駐雅虎香港Outlet 黛安
1 :
GS(14)@2013-04-22 22:52:50http://www.skypost.com.hk/column ... 6%B8%AFOutlet/90123
雅虎香港電子商貿總監李真怡（中）說，「Yahoo！Outlet」會24小時無休，提供廉價高質的口碑產品。
繼團購之後，雅虎香港又有新搞作，上星期宣布推出網上名店倉「Yahoo！Outlet」。單睇介面同團購差唔多，一樣提供大量折扣，細心睇就發現入面全為具口碑嘅品牌產品，現暫有十大品牌率先合作，包括聯想、孖人牌、Francfranc、Nissen、納朗廚具等。
為咗「造勢」，Outlet呢幾個星期會推出「一折秒殺」產品吸客。黛安最感興趣嘅係下月六日推售嘅Lenovo H330纖巧型桌上電腦，一折價500元有找。聯想（香港）有限公司香港及澳門區總經理翁雅麗（Alice）話，公司嘅理念同雅虎相同，希望合作後可令市民更易買到佢哋嘅產品。
拓網上銷售商機多
近年不少公司銳意發展網上銷售，大眾網站正好提供平台為品牌試水溫。孖人牌港澳總代理昌興行政總裁余壽寧（Homer）同黛安分享，幾年前開始試辦團購優惠，至今賣出過萬件產品，最高紀錄係三日賣出三千套刀具，成績驕人。而喺香港未正式有網上銷售平台嘅swatch亦透露，會考慮如何喺呢方面發展。
此外，銀行亦為搶攻網購份額頻頻出招，好似星展銀行近日就與時裝品牌Nissen、酒店訂購網Expedia及雅虎香港合推額外折扣及現金回贈。
星展零售銀行業務信用卡及私人貸款業務副總裁黃丹丹（Maidy）透露，優惠成功吸納一批年輕人及OL客源；而以易儲飛行里數作招徠嘅DBS Black Card，透過朋輩互相介紹，亦帶來不俗申請。