📖 ZKIZ Archives

慳家老闆黃浩?

1 : GS(14)@2013-03-10 12:00:02

咁都叫慳?
http://hk.apple.nextmedia.com/financeestate/art/20130310/18190219
生意足迹處處，自稱有實力及與富豪後代為友的黃浩，其實毋須為節儉一分一毫費神。不過樂此不疲的他接受訪問時表示，試過晚晚揮霍使過萬元食飯，但做每件事都計過數，一個月可以慳到30萬，自己不想再使冤枉錢。他從好友新鴻基地產（016）創辦人郭得勝外孫黃纘嘉身上獲得啟發，「受阿爺阿嫲教落慳儉，佢係好有錢，但都坐經濟艙，連喺高級餐廳飲68蚊一罐可樂都覺得唔應該。」
高峯期擁51張信用卡
父母自小已經熏陶和灌輸財技，黃浩說，父親教導他一定要同銀行做好朋友，閒時可向銀行申請信用卡和借小額貸款，才能有紀錄建立信用。他曾開立超過10個銀行戶口，「一來要試，睇下邊個對我好，表現積極就揀佢；二來係分散投資。」
他最擅長是碌卡享盡商戶優惠，最高峯在07年同時擁有51張卡。他即場展示常用信用卡，「見到有新優惠就會申請，又幫老婆開附屬卡，通常冇優惠就cut，至今剩落26張。」
如何管理如此大量信用卡？他坦言，最開始都會用張A4紙列出每張卡的截數日和碌卡最賺積分日，「例如1號係找數日，我就一定喺呢日之後先用呢張卡，可以最大化享有免找數嘅日數。咁喺星期六日就會碌富邦卡，有雙倍積分，食飯就一定用星展有三倍分，平日買嘢用美國運通，特別係買保養性嘅產品，有退貨保證同保養期延長；揸車畀錢一定用大新Autotoll卡……用到優惠上限就換另一張找數。後來用慣咗就自然記得，自細對數字都好敏感。」
原來使用信用卡積分都有技巧，黃浩指出，一定不會要現金回贈或兌換禮券，而最抵的兌換方式是購買一張經濟艙機票後，再用積分升級至商務艙。如換購澳洲來回機票，3.5萬積分可以當2萬元使用，等於近5%回贈，但市面優惠最多只有1%；而且該段旅程還可儲到飛行里數及航班程數，便能維持馬可孛羅鑽石會籍，很多時有助升級至頭等艙。
除了經常做「空中飛人」傾生意，他入住海外酒店都用盡會籍優惠。「同一集團酒店每年累積入住25次或50晚，就可以維持鑽石會籍，可以升級三至四級嘅房。咁我玩搬酒店儲夠不同集團嘅次數，四晚住四間酒店，咁住最頂級嘅房每晚要兩萬蚊，我只係需要8,000蚊，仲有好多嘢送。」
食飯自備酒　只畀開瓶費
同樣的妙法，黃浩還應用於商場消費，必定蓋印享受免費泊車，起初太太都不能理解，但他說：「呢啲係我應得嘅，既然有得慳番90蚊，等於5%回贈，點解唔攞？」他食飯聚會通常光顧可減免開瓶費的餐廳，「我一定會自備支酒，就算計埋開瓶費，都仲平過喺嗰度開酒一大截。又好少會叫貴價海鮮，我識好多供應商，攞返嚟煮，只需要出五分一價錢就食到。」

---

2 : GS(14)@2013-03-10 12:00:30

http://hk.apple.nextmedia.com/financeestate/art/20130310/18190221


【年少得志】
剛滿40歲的黃浩，已涉獵過娛樂製作、餐飲、零售和金融業，生意遍佈多國。他自言愛捉緊每個生意的投資機會，嘗試合作的可能性，「我唔係成功生意人，都係無憾生意人。」
涉獵生意多元化

當年剛畢業回港的黃浩，欲報考督察遭母親否決後，他覓得統籌藝人到內地開演唱會的工作。22歲已輕易賺到達七位數的第一桶金，購入首個物業。此後在台灣和新加坡發展經理人和娛樂製作事業，至03年沙士回流本港，已有能力一筆過買逾600萬元的漾日居。
未夠30歲已擁有千萬身家，07至08年間他與生意夥伴炒凱旋門，狂賺逾六成，其後他轉戰新加坡物業，在港無再入市，現租住比華利山別墅。
與一般商人創業要做大做強不同，他似乎對很多生意並不「長情」，輕易便可抽身離去。黃浩說：「我做做吓睇到個勢唔掂，就唔會守落去。但碰到好機會都會盡量試。」除了為人所知的餐廳台灣一品花雕雞，他近年與錶廠合股開店售李小龍陀飛輪手錶，又與摩通銀行家合作做股票貸款。

---

3 : GS(14)@2013-03-10 12:00:39

http://hk.apple.nextmedia.com/financeestate/art/20130310/18190222


【守望相助】
與城中不少富豪關係友好的黃浩，近期因「迷幻飯局」事件惹來爭議，甚至被其「契爺」向華民的阿嫂陳嵐，直斥他後台隨時不保。黃浩與向華民並無正式上契，但他指兩人沒有矛盾，今年農曆新年都有致電向華民拜年，關係正常。對於向華民有甚麼實質幫助，他僅說：「係朋友梗係守望相助㗎。」
夥黃纘嘉投資

黃浩稱自己並非大家族後代，但父母分別是馬來西亞和印尼華僑，逾30歲才到香港發展；母親是進取型的炒樓和生意能手，故能夠為黃浩提供理想成長環境。「喺澳洲讀書買得起架跑車仔畀我。」
與黃浩最為老友的是新地後人黃纘嘉，二人合夥用「黃氏兄弟投資公司」名義，打理旗下多個生意。另又與擁有凱悅酒店的新加坡家族第二代合作，搞公關和咖啡店生意，「我鍾意攤開條數畀人睇，均真先有長期朋友。」
連剛洗禮做基督徒的陳振聰亦屬朋友，08年以3,000萬元買下黃浩在中環的「鮨久」壽司店，超過他的投資額五倍，「出到咁好條件，梗係賣啦！」

---