講膠所手記：佔領都要講道理嘅
1 :
GS(14)@2012-09-12 22:10:28http://www.sharpdaily.hk/article ... 3%E7%90%86%E5%98%85
昨日，獅子行終於搵執達主任出手清場，將佔領中環嗰班後生仔請走，獅子行個場足足俾佢哋「佔領」足10個月，私人機構嚟講都真係算大方，試嚇掉轉因為窗檯呃人去佔領長實吖，包保10個鐘唔夠俾人清走，又或者根本冇可能佔領到。
查實呢個參照佔領華爾街嘅行動，好早前已變曬質，最初嘅時候由雷曼苦主主導，慢慢，個個埋去抽嚇水，最後仲有自由行背囊友，冇人知呢班後生仔女想點。嗰班雷曼苦主呢？一早拆掂曬喇，唔識字嗰堆賠得唔錯，識字嗰批，有好多因為面子問題唔敢追，就算唔介意公開自己俾人呃，都係賠好少，公道嗎？睇你點睇囉！
年輕人去追求公義真理平等係啱嘅，但激進還激進，咪亂嚟，你哋睇嚇反國教嗰班幾清晰，圍政府吖嘛，全香港都支持，下次再搞反金融霸權，唔好再貪有瓦遮頭喇，誠意啲去圍番政府吧啦，所有唔公道，要政府首肯，霸權先可以做㗎，明未？
YY