殺戮職場：老闆洗碗老闆娘送外賣
1 :
GS(14)@2012-09-03 09:43:31http://www.sharpdaily.hk/article/sup/20120903/129279
上週《蘋果》報導實施最低工資後飲食業有工冇人做，樓面洗碗人手不足，要酒樓經理去洗碗。其實何只經理，連老闆都一樣要洗碗。
我經常光顧的茶餐廳，老闆出8,000元月薪請不到洗碗工，茶餐廳跟酒樓集團或連鎖快餐店不同，沒有經理主任，結果老闆落手洗碗。老闆奇怪：「為甚麼以前六七千多元有人做，o依家八千幾都冇人吼？」「因為以前冇得揀，o依家有！最低工資實施後，好多工好似管理員、大廈清潔人工都好過洗碗甚至樓面；老細，打茶餐廳工冇停手，畀你點揀？」我說。
我工作大廈的清潔阿姐，以前就是做洗碗工，她說o依家「他條」好多。另外，替我做腳底按摩的雲姐，做過酒樓知客、樓面，她說現在收入好過以前之餘，時間也好得多。
樓面欠缺人手，茶餐廳老闆的解決方法是增聘「外賣鐘」。所謂「外賣鐘」，即是在飯市客人多時，請幾個人專送外賣，就不用樓面「行開」影響堂食服務；而且三個鐘計最低工資28蚊，老闆每月也不用太重經濟負擔。還有，為了吸引「外賣鐘」，老闆將外賣「貼士」全歸員工。
不過，午市後外賣工走人後誰來送外賣？通常我叫下午茶餐，送外賣的多數是老闆娘。
作者：CK Leung
2 :
GS(14)@2012-09-04 10:40:47http://www.sharpdaily.hk/article ... 6%E4%B8%8B%E9%99%8D
其實飲食業不但出現人手不足，同時面對青黃不接的問題，廚房工作辛苦令年輕人卻步，樓面服務水準亦日益下降。
做了幾十年飲食業的徐生告訴我：「呢行要早起身，但收工又收得夜，邊有後生肯入行！」廚房缺乏人手，好多酒樓惟有做不用烹煮的特價火鍋。「做飯店老闆，除非你自己係廚（師），如果唔係冇得做，要加幾多錢至留住成個廚房！都未計加租。」徐生說。
員工流動快，食肆只好不斷請冇經驗的生手，特別是中年女性新移民，早就成為飲食業的支柱，不妨觀察附近的酒樓食肆，總會發現有鄉音未除的女性侍應生。樓面工作屬低技術工種，如傳菜員一般都沒有學歷要求，於是好些來港不久或已養育孩子的新移民主婦，都會以此為進入香港職場的入門階。
至於土生土長的港男港女，除非是早年入行，否則即使中年失業，都因其工作勞累時間欠佳而不喜入行。
家居附近的茶餐廳正好見證了食肆的人事狀況。樓面幾位員工，有頭髮花白的老人、中年轉業的偷懶漢，其他全是中年女性。當中一位生面口的女侍應，我每次叫她落單她總是搖頭，終於有一次她坦白說：「鵝唔識丁唔即寫！」
作者：CK Leung
職場掙扎20年，做過boy又做過老闆，才知豬與狼都不易做
電郵：
[email protected]
逢週一、 二