退役警員頂證差館黑幕
1 :
GS(14)@2011-11-21 23:08:37http://hk.apple.nextmedia.com/te ... 867&art_id=15819745
「明明有畀人打過，投訴都唔成立……呢啲事屢見不鮮，呢件只係冰山一角。」 Billy當警察的十多年間，見盡種種不公，令他鬱鬱寡歡。「警隊成日都話自己個形象公開、公平、公正，但內部其實有好多問題。」
他憶述，於 07年某日在報案室當值時，有一名婦人前來訴說兒子被追數，先遭貼街招、繼而上門，她不堪滋擾報警求助：「一睇佢個地址就知係住舊樓……負責同事聽完佢講，就話件事只係『低度威嚇』，打發佢走。」未幾，同區豪宅一名闊太進來，稱自己因生意糾紛被人找麻煩， Billy以為她亦會被打發，怎知上司一句「佢已經打咗電話畀大 Sir」，案件馬上交 CID跟進，「當下我唔出聲，走出外冷靜一下……根本接受唔到」。
最重要打關係
Billy一心想做個情理兼備的好警察，但很多時卻要違背良心：「上頭試過要我哋每日交 40張亂過馬路告票，阿婆、細路、學生哥都要捉……唔應該只為交數，呢啲嘢警誡下咪夠囉！」
Billy又稱警隊內最重要是打關係，能否調到心儀部門，工作表現是其次。他舉例稱， 07年有一名特遣隊便衣警員丟失了手銬、快速上彈器兼六發子彈，「因為佢老竇係刑偵組沙展，同好多大 Sir熟絡，最後不單止無事，家仲喺總部駐守。」
2 :
草帽(1253)@2011-11-22 09:08:49這是真事. 因為我都係差人既家屬.
3 :
肥B(18468)@2011-11-22 16:10:31「他舉例稱， 07年有一名特遣隊便衣警員丟失了手銬、快速上彈器兼六發子彈，「因為佢老竇係刑偵組沙展，同好多大 Sir熟絡，最後不單止無事，家仲喺總部駐守。」 」
請到咁正義, 做乜唔篤佢出黎? 怕咪唔出名, SEND 個消息俾毒果, 佢實跟進個喎....又唔係得佢 一個知, 邊鬼個發現你係25仔? 唔駛咁鬼鼠, 走左先爆大鑊吧...
4 :
GS(14)@2011-11-22 21:12:11他唔是唔想講的，可能都是聽聞