📖 ZKIZ Archives

商場攻略： 貨車變身宣傳平台　憑創意　搵商機

1 : GS(14)@2011-03-05 20:37:08

2011年03月05日

去年，周秀娜等一眾 o靚模被禁在書展場內辦簽名會，「你有張良計，我有過牆梯」， o靚模租來貨車，以透明膠片圍着貨斗，將貨車改裝成金魚缸般的流動簽名車，反而更收宣傳之效。想出以貨車作流動宣傳舞台的易通集團主席洪家恆喜歡冒險嘗新，「樣樣嘢都諗吓，睇吓有冇得諗。」
記者：陳皓怡　攝影：梁鑑章
易通集團於 2001年成立，專門代理外牆、的士車身及車頂廣告。廣告界最緊要識「食腦」，一家之鼠、蜘蛛俠爬於的士頂正是來自易通的手筆。
近年的新猷是改裝貨車作宣傳平台，「當時想推廣自己嘅產品，如果擺喺超市或者連鎖店，會收好貴嘅上架費同好難接觸外面嘅客，嗰陣見電訊商用客貨車做宣傳，就諗到用貨車可以做推廣，接觸面會廣啲，不過貨車外形唔夠靚，索性買架車返嚟整到靚靚仔仔。」
實踐天馬行空思維
要消費者對產品留下印象，順理成章要譁眾取寵，流動展覽車變身試身室、美味廚房，甚至 o靚模坐鎮的「金魚缸」，但客戶的創意有時亦考起老行尊，「試過有客人想將展覽車裝飾到成架汽水機咁，入個假硬幣，打扮成朱古力條嘅特技人會喺車側碌出嚟。」
洪家恆說，起初工程部主管鄭王光以安全為由婉拒，後來經多番商討及研究技術可行性，最終透過在車旁裝設斜台及軟墊，減低特技人受傷機會，達到客戶要求。「其實啲客諗嘢有時幾天馬行空，好似雀仔喺天上飛，不過飛飛吓唔見咗影，我哋就用繩綁住佢隻腳，將佢哋嘅思維拉返嚟，或者畀啲反建議佢哋。」
月食十張「牛肉乾」
貨車作流動展覽場另一難題是搵位泊車。雖然選擇上落貨區泊位，但少不免仍會被抄牌，洪家恆說每月平均收到 8至 10張「牛肉乾」。「家啲客好少擺旺區，譬如租 28日，可能只有 4、 5日喺尖沙嘴、旺角，就算停都係停一、兩個鐘就去第二度，啲客都想去多啲地方。」
創意無極限，唯一限制是，「我哋唔賣嘢，一來當你係小販，二來我唔想損害商戶嘅利益，同埋未必符合法例。」
放大圖片
易通集團發展史
2001年　易通集團成立
2002年　首創的士車頂燈箱廣告
2003年　首創雙路軌式活動廣告，並取得世界首創專利設計
2007年　發明首部戶外流動展覽車，並獲得香港、新加坡及內地等專利
做生意　預咗破產
洪家恆 02年從父親手上接過廣告業務，在香港浸會大學主修生物科技系，畢業後一心只想創業。不過， 02年被同事撬走所有客戶， 03年沙士，這位滿腹理想的年輕人未嘗做老闆已要迎接挑戰，「 03年真係絕望，冇生意，個戶口又冇錢，日日喺度諗──唔知聽日破產未？」
窮則變，變則通，「嗰陣度到一個動感 project（雙軌式活動廣告）出嚟，希望救番盤生意，點知啟動時遇着沙士，好似最後一啖氣都攞走埋。」捱足 3年，年半冇糧出，終靠信念度過難關。「『做生意預咗破產』，冇呢個思維就唔好做生意。」寫字樓搬到工廠大廈、電話全是追數公司打來，洪家恆都咬緊牙關度過。
建人際網絡擴客源
深信運氣由人際網絡中建立，「做生意唔係只得一次，你今次可能蝕畀個客，下次關係好咗可以賺返。舉個例，塊布噴得唔靚，要賠租金同製作費，有啲公司同你講合約精神話唔賠，個客一定唔開心，下次唔會幫襯。」他們亦很少拖數，因為有需要時找幫手容易點，夥伴又會介紹客人，擴闊客源。
申請專利　防抄橋
07年「發明」流動展覽車，至今已有 8架，不少品牌曾採用這服務。業務以 B2B為主，客源九成源自客戶網絡，一成是上門客，租流動展覽車最少 1星期至最長 1年，每月每架流動展覽車收費為 8萬至 18萬元。
僅涵蓋車上功能
有創意、有諗頭，還要防好橋被抄，別人後發先至。一不做、二不休，申請專利絕後患，但總不能禁止別人用貨車做宣傳吧！易通流動展覽車專利主要涵蓋車上功能，包括透明車箱、 LED跑字燈，及車頂上的電動廣告牌等，「我哋拎嘅係短期發明專利， 2016年就可以公開俾人用，好多人以為有專利之後，所有 Moving Showroom（流動展覽車）唔做得，其實你可以做，但唔可以用 LED跑字燈，車箱唔可以透明……」
流動展覽車的生意現時佔公司整體生意兩成，但洪家恆坦言，現時香港流動展覽車生意已接近飽和，故他們已經在內地、新加坡等地申請專利，在當地尋找合作夥伴，擴展業務。

---