📖 ZKIZ Archives

學生年宵檔　賺錢賺經驗

1 : GS(14)@2011-02-04 13:46:36

http://hk.apple.nextmedia.com/te ... 307&art_id=14940401

每年維園年宵，都是一班創業新丁的少林寺，面對近距離競爭，年輕創業家各出奇謀。理工大學學生會逾 50同學，吸取去年失敗經驗，捲土重來，賺口碑更要賺現金。 12位順利天主教中學同學，漁翁撒網，為要撈盡各方顧客的心。一星期歷練，換來比金錢更重要的經驗。
記者：黃碧珊　攝影：梁鑑章
理大生創意實際兼備

由 04年開始，理工大學學生會屬會每年都會在維園擺年宵。踏入第八年，今年的攤位由約 50名學生合資 8萬餘元經營。讀酒店管理系二年級的攤位負責人 Kenneth說，舊年出錢參加，今年做埋搞手。年輕人創意無限，但多不切實際，去年賣諷刺特首慳電膽事件的吹氣電燈膽，名副其實「叫好不叫座」，加上受天雨影響，結果「夾咗 1000蚊，收番 500。」
「定價唔會好 shocking」


年輕人轉數快，吸取失敗經驗，今年產品雖然繼續玩噱頭、玩自家設計，但加多一項元素──實用性。印有「特首兔」派錢圖案的孖煙囱，男女合穿，包裝成糖果般寓意「政府派糖」。 Kenneth說：「拍板賣孖煙囱前，曾諗過啤牌或熱賣嘅 iPhone套，但前者需要設計好多款圖畫，嘥時間、成本又高。 iPhone套預咗場裏面有好多人賣，市場又有好多選擇，所以打消念頭。」
要有利潤，除貨品有市場，還要懂得控制成本，同學從阿里巴巴網站找尋鄰近的內地廠家生產，由於做內褲的廠家不多，綜合資料找到 3家虎門的內褲廠，「但聯絡後先發現，原來同屬一家廠，由於時間緊迫，惟有搵家呢間做。」
難題又豈止於此！通脹及人民幣升值等問題，這班年輕創業家亦要面對，「成本比預算高咗近五成，我哋要求廠家減價，廠家只係肯每件減 1蚊，但就答應包運輸同包裝。」
定價是一門藝術，定得低隨時虧本，定得高沒人吼，「我哋估吓賣到幾多貨，計番條數。開價 48蚊，價錢唔會令人好 shocking，畀 50蚊都有兩蚊找。」
議價功力遜師奶


今年天公造美， Kenneth說：「首 3日已賣出約三成 boxer，預計可以賺兩至三成。」除配合天時、地利、人和，年宵擺檔，更需臨場應變，遇到顧客議價，「要睇吓買幾多，買得多咪平得多囉。不過，有個師奶講價 30蚊，見佢咁想買，叫佢細聲啲， 30蚊賣畀佢。」他強調， 30元是蝕本價，但由於存貨多，故賣多一件得一件。為促銷產品，參與的同學，無論男女，一齊穿孖煙囱在場內走，「證明 free size，男女都啱着。」
Kenneth今年投資 1.2萬元，結果收回 2.4萬元，賺 1倍。他說，今年最大收穫是做生意經驗，由構思、設計、生產、宣傳、擺檔均有份參與，「尤其搵廠生產及 deal嘅過程，中間阻滯重重」，而且更得到書本以外知識。
中學生創業靠大包圍

順利天主教中學 12位中五學生在星展銀行贊助下，開設年宵檔。雖然參加者有既定規則可跟從，基本攤位設施亦已完備，又有老師、星展導師及社企從旁協助，但小小空間仍能發揮創業心思。
Danielle 及「 C+」分別負責產品及宣傳，首先面對的問題是資金如何分配。根據遊戲規則，參加者有最多 2萬元作營運資金，其中 1萬元須與指定社企合作，所有收入扣除營運資金後，悉數捐贈該社企。她們將 1.6萬元作入貨成本，餘下 4000元資金作運輸及宣傳雜費。
缺乏創業經驗，不懂市場口味，一班中學生在選擇貨品時，實行「寧濫勿缺」的策略，希望迎合各類逛年宵的市民，「曲奇花適合情侶，放滿曲奇嘅木盒唔止食得又用得，兔仔咕美觀又實用。」用了逾萬元向社企入貨，貨種雖多，但數量少，為免無貨賣，所以一班學生想到價廉應節的揮春，「有傳統嘅『招財進寶』，啱年輕人嘅『發到 O嘴』，啱家庭嘅『大吉大利』。」同樣要一網打盡各類顧客。
設計由同學負責，但由於訂貨數量少，單是切割模費成本已 1000元，不化算，「我哋動員全 form同學幫手，約 180人，做咗兩、三日，每日做 3個鐘，先 cut好啲揮春。」
降價促銷減心理壓力



買貨有策略，貨品定價亦設定機制，「星期日晚見差不多回本，為咗快啲去貨，減低心理壓力，決定減價」，減價幅度因貨品而定，如成本較高的 3塊裝曲奇，由 10元減至 8元，減幅 20%，揮春則半價出售。不過，減價設時限，周一晚已回復原價。
雖然是次擺年宵，賺蝕亦只是數字遊戲，但 12位同學說，賺到社會經驗，與商業機構合作，並將課堂知識實踐，如營銷中的市場、定價、計算成本及檔位流程安排等。
獨家產品引免費宣傳

香港市務學會主席嚴啟明認為，選擇年宵貨品時，應具獨特性、話題性，吸引傳媒報道，收免費宣傳之效。切忌產品種類過多，除了令人花多眼亂，更要顧及場地及時間限制，建議設計一、兩款具吸引力「獨家」產品。
在促銷方法，嚴啟明說，嗌口號可增加熱鬧氣氛，但生意主要來自年三十晚，屆時場面可能過份擠逼嘈雜，未能帶出訊息。此外，減價促銷亦要注意時機，以免過早減價，降低利潤，最好待年宵市場結束前數小時才決定是否減價。

---