|
||||||
|
如常到陸羽飲 茶，見到一位外籍人士，十分面善噃，似曾相識，但佢係邊位呢？竟然一時間想唔起，陸羽有好多老茶客，大家相見十幾年，但互不相問對方名字嘅。於是問餐飲 M：「你記唔記得呢位鬼佬係邊個？」餐飲M一望，立即話：「你失憶咩，佢咪係葛輝囉！」真係冇記性，見咗葛輝咁多年，竟然要到依家先至知道佢身份與姓名。 葛輝離開之時，有茶客同佢握手，話聲：「We support you!」葛輝笑容滿面咁離開，左丁山截住佢問一句：「到立法會係唔係好緊張呀？」佢又答得妙：「我講真話就幾輕鬆！」 呢 單咁嘅IT招標風波，揭出嚟一塌糊塗，原來主角iPro A又係與唐英年競選安排有關，內情愈覺複雜，我地難以明白真相。據大編輯講，有神秘線向報章發送一份內部PowerPoint，蘋果收早一日，立即爆料， 故事見報後，大編輯就收到份，但已俾蘋果飲咗頭啖湯咯，於此可見那一個所謂「競選網絡」，早已給不知「何許人也」知悉內情。 唐英年本是下任 特首大熱門，不知何故，接二連三馬失前蹄，似足美國NBA球隊打到第四節，仍然領先二十分之時，竟會俾對手反勝一樣。美國評述員會用self- destruct（自我毀滅）嚟形容呢種情況，唐先生領先咗咁耐，唔會臨到第四節最後三分鐘self-destruct啩？在此緊張關頭，場邊嘅教練最講 功夫，一個好教練會嗌暫停，穩定軍心，鼓勵士氣，勾劃最後進攻或防守嘅戰術，以保持勝果；水皮教練就只識在場邊空着急，眼光光咁睇住己隊反勝為敗，黑晒 面。邊位係唐生教練呢？佢依家好需要一位Phil Jackson噃。 有消息話，范太已打電話俾唐生講句抱歉，佢本來支持唐生嘅，但考慮一輪，決定入閘參賽，所以向唐生打吓招呼先。既然如此，特首選情變成三國演義，港澳辦主任王光亞來港訪問，會否勸退范太，以免影響中央部署呢？好有趣。 |
||||||