| ||||||
|
某日睇「南華早 報」言論版，睇到一封讀者來函，聲稱當今教科書書價昂貴，低下基層買教科書係一個重擔，請政府正視，幫助基層，刻不容緩。睇完只係得啖笑，係人都知道香港 學校有書簿津貼，低收入家庭可以申請（其實有四成學生受惠），而且經過業界不斷要求，可以提早發放，所以嗰位讀者之「低收入家庭嘅書價重擔」，事實上不存 在，何解仲要向報紙投訴政府？識英文嘅人士未必一定有好嘅常識。 一位讀者寫信畀左丁山，自稱係「一教科書從業員」，反駁不少人之「書商掠水論」，佢話： 「不 要再說書商『掠水』，要掠不如做地產，不明所以最好自己做出版社出教科書，看看如何可以『掠』？家長一年花三、四千元（平均一個月三、四百元）是被書商剝 削，那補習一個月五、六百至過千是甚麼？每星期花數十元、即月花一至三百元買八卦雜誌是甚麼？日花百多元飲茶又算甚麼？原來甚麼都不貴，只有買教科書最 貴！當然有貧困的家長，但香港有書簿津貼，有各式各樣的助學金資助；有能力的家長也要問問自己為何捨得買iPhone給子女及付數百元月費而不覺電訊商 『掠水』！」 好似有一位大學導師在報紙寫過，幾位美少女在書店文具店買嘢，揭開一本書睇咗幾頁，睇嚇價錢係七十元一本，連聲呼貴，放低唔 買，但佢地身上佩戴之流行飾物，件件都在一百元以上，故此導師慨嘆香港乜嘢都「便宜」，只有書本「最貴」，寫書人嘅腦袋及心血係好唔值錢嘅，外國有富作 者，香港只有窮作者，呢個就係原因嘞。
要仔女學琴，學小提琴，學芭蕾舞，學費閒閒地幾百蚊一個鐘頭，一年都唔知要用幾多 錢，相比之下，一年用三千零蚊買教科書，濕濕碎到極，但總係有人不斷指責教科書價錢貴。唉，古語云：「萬般皆下品，唯有讀書高」，在今時今日嘅香港，應該 改為「讀書最下品，唯有炒樓高」。因為要打擊教科書出版商，教育局嚴令學校不准收取書商贈送教材、學材、試題，連借用都唔得，包括sample（樣書）在 內，一位中六老師急如鍋上螞蟻，明年文憑試怎麼辦？用乜嘢嚟教書，各位家長如有子女升讀中六，請你地注意嚇。 | ||||||