出口轉內銷的始祖 老占的博客
http://oldjimpacific.blogspot.com/2011/05/blog-post_13.html
每當我老占有乜諗嘢諗唔開，彈盡糧絕，比供應商或者比啲女追到氣咳，要避避風頭，需要一貼心靈雞湯時，我第一時間會搵老李。
老李是廠佬，也是善心人，是一位智者，充滿草根智慧，獨力贊助過百名希望工程的貧困學生，有一兩個苦學生不辜負老李多年的寄望，早幾年考上國內重點大學，全條村與感榮焉，即刻要燒炮仗。
老 李是出口轉內銷的始祖，踎喺中山三十年，人民幣升值關佢事，原材料加價關佢事，珠三角民工荒關佢事，黨政軍拉人翻艇走私漏稅通通關佢事，無他嘅，做廠嘅生 涯就係要貼住政策走，爹親娘親不及父母官親，好多同佢差不多時候搞廠的廠佬，己經頂唔順被震走，佢成日話：唔夠底子厚，學乜人搞品牌？炒樓好過啦！
老李上世紀己經搞品牌，我問佢做乜改個牌子叫 Jenova，你係咪串錯字？定係打Final Fantasy 7上咗癮？因為FF有個機械人 Jenova，「梗係唔係啦，我每兩年去德國參展，一定同老婆囡囡落意大利玩，見Genova咁鬼靚，我叫阿John，咪改個牌子叫Jenova囉。」
深耕20年，加上佢自己係攝影發燒友，家陣出口單都費 Q事理，一心研發攝影包、相機袋、脚架等攝影器材，冇覺意搞下搞下搞到全中國No.1，打低咗Lowepro呢啲來路貨，連黃山嘅山巔，故宮入便，都有佢嘅貨賣，連新華社都同佢攞貨，歐洲中東東南亞更就唔駛講。
佢話：全世界嘅龍友，大部份都係有錢、有時間嘅中年人，肯孭幾十磅長短火大炮去影一兩張相嘅超級發燒友大有人在，我就係專做呢啲Niche Market。
我學郭台銘咁，年年攞好多產品專利，最近我又有個新發明，又係全球首創，打開是一支可承受50Kg的脚架，摺埋是一個背囊，一開一合變咗個拖喼，幾十磅拉住走，輕鬆呀！全球全國啲代理，睇完Demo之後隻眼放光，抬錢來要貨！300歐羅，冇人嫌貴。
「老李，呢個好似係變型金剛Transformer喎！」
聖經裡浪子回頭，家人殺牛宰羊歡喜迎接。中國外銷商回大陸，卻是一場苦戰。中國許多出口商為全球名牌代工，成績不錯，照理名牌打天下頗有可為，但是，出口轉內銷，怎麼轉？缺的是什麼？
1. 缺品牌，但不缺技術：做加工，做出口，不需要品牌，只需要提供低廉的生產成本和生產能力，品質有保證就可以，但做國內市場，做消費市場，需要的是品牌，出口型企業不缺技術，但缺少的是品牌。這是出口企業轉內銷所遇到的第一道坎。
2. 缺 行銷，但不缺產品：出口型企業產品齊全，可對開拓國內市場而言，卻沒有行銷產品，行銷能力。做生產和代加工，並不需要針對終端市場的行銷，但做國內市場銷 售，就必須面對一線市場，而這一點，也正是出口型企業所缺少的。缺行銷，但不缺產品，轉內銷，就是要解決如何把現有產品做好行銷的問題。
3. 缺經驗，但不缺市場：消費市場是一潭深水，會游泳的人游得樂哉悠哉，不會遊的人卻會嗆得滿口是水。中國消費市場的巨大和旺盛是不可否認的，所以，對出口型企業來講，並不缺少市場容量，缺少的恰恰是他們運作市場的經驗。
4. 缺資源，但不缺機會：中國市場經濟剛剛滿三十年，很多行業還很不成熟，蘊藏著巨大的成功機會，老李的背包攝影包、相機袋、脚架等行業，中國目前還沒有一個龍頭品牌，對他而言，機會還是很大的。呢條路佢行過曬！
「喂！你幾時帶我影靚模，見米原康正先？」
「你比唔比個香港代理我先？」