謝偉銓評敗選：ABC專攻建築界
1 :
GS(14)@2016-09-13 07:57:45【本報訊】被視為梁粉的謝偉銓於建築、測量、都市規劃及園境界敗選，成為功能組別唯一墮馬議員。謝偉銓分析「死因」，既因反梁氣候下業界求變心切，亦因另一建制入閘分票。建築界向來被視為梁振英票倉，謝偉銓相信反梁者專攻此界別，或因ABC（Anyone but CY）看準有額外效果。
料選委會再掀攻梁戰
議會生涯僅4年，謝偉銓帶點阿Q說：「選到都係一種壓力。」他戰績較上屆更佳，得票率由33.9%增至35%，但與上屆同樣兩建制與一泛民競逐的格局相比，今屆當選的泛民姚松炎得票率為43.4%，較上屆吳永輝的29.7%激增，謝的得票增幅不及泛民對手。謝坦言敗選或因反梁氣氛令業界求變心切。他未有直接評論梁粉之名是否拖累選情，但承認相對4年前，梁振英支持度驟減，更指部份公務員選民或另有想法：「可能覺得有啲人（議員）搞搞震，（公務員）就唔使做嘢，唔使日日都要搞賣地嘞喎！」政協林雲峰同時入閘，謝亦認定令泛民漁人得利。雖然上屆謝亦與建制派劉秀成分票，但謝指今時不同往日，「以前係界內嘅唔同專業，互相競爭，但今次係建制派同民主派或者反對派嘅競爭，所以資源同票數上要更集中，一分散就有問題」。個性亦影響成敗，謝承認太少運用媒體：「好多人批評我，點解你收收埋埋，人哋做少少嘢就放大，你就倒轉，做咗嘢就將佢冚埋。」他稱此界別對泛民而言別具戰略價值，「只要佢哋集中資源去攞呢個界別，特登就要呢個，係較容易做到，而且多咗一啲額外效果，因為梁振英本身都係測量師」，他覺得此舉意有所指，「有啲人覺得，你（梁）自己界別都保唔到，咁專攻呢個，咪多啲效應出嚟囉」。上屆建築界選委會選舉30席中，梁粉佔25人，鄔滿海更成票王，謝相信下一場攻梁戰會在選委會展開，指建制陣營須調整選舉策略。■記者許偉賢
來源:
http://hk.apple.nextmedia.com/news/art/20160913/19769270