美股繼續上。電腦製造商戴爾(DELL) 樂觀的盈利預測，農業及建造設備生產商Deere業績理想，以及企業併購消息，推動美股朝早大幅抽高。雖然中段受伊朗軍艦打算通過蘇伊士運河進入地中海， 令中東局勢柔有些緊張的消息拖累跳水，險些打回原形。不過杜指好快就來個‘V’ 型反彈，收市再創多年以來新高。杜指升62點，報12288點，標普500指數漲9點，收1336點；納指升21點，造2826點。杜指期貨最新報 12250點，比現貨低水38點。 港股美國預託證券造好，ADR港比指數收23418點，比香港收市高261點或1.1%。匯控收90.38元，比香港高1.7%，中移動收74.35元，比香港高0.3%。 以色列外長警告伊朗，講兩艘伊朗軍艦打算通過蘇伊士運河進入地中海，係一種「挑釁」行為，中東局勢又轉趨緊張。以為美股昨日的升勢就些玩完，誰知急跌之後又急彈，收復上日的失地。 點解美股近期走勢咁勁，可以企得咁硬？相信原因有三，首先係美國經濟正不斷改善，復蘇步伐穩定。家庭開支有所增長，昨日公布的1 月份新屋開建數量就較上月大漲14.6%，好過預期，聯儲局亦上調2011年美國經濟增長速度的預期從3%到3.6%至3.4%到 3.9%；其次係資金從債市流向股市；最後就係聯儲局表示堅持到底的第二輪量化寬鬆(QE2)。昨日，聯儲局發布1月份貨幣政策制定會議的會議紀要，美聯 儲理事「繼續對就業市場的增長速度和不均衡狀況感到失望」，指出高失業率要五至六年時間才能回復到正常水平，即係回到5%至6%，而美國的通脹率又處於極 低水平，因此QE2將不會改變，市場水浸，股市唔想跌，應調整亦未調整。 近日有兩單新聞惹人談論，一單係中大統計系碩士失業靠綜援渡日，另一單係太子爺田北辰玩扮窮人去掃地。雖然唔係咁財經，但係好想講兩句。 網 友大笨袋鼠的回應都幾正，抄兩段，佢話:「睇番人民電台做窮富翁大作戰，雖然睇佢好多條友都捱唔足日數，但又唔係想佢條命，而且始終或多或少有切身體 驗，佢話鱓窮人生活點慘，比較有點說服力。袋鼠所看，大慨可以說，他們在體驗前都相信在社會的競爭制度，但體驗後發覺生活迫人，身心疲累。」 袋鼠講:「在陸sir這個blog，網友們的主張，相信大家都是要為自己負責，為自己將來努力。袋鼠同意，這些觀點十分正確，並沒有錯誤。我們亦批評那些只會埋怨別人、不求改善自己的人，視之為反面教材。（至於那位失業碩士，表面證供係抵鬧，但有無其他故仔就唔知…）但袋鼠想加一點，上得鈬呢個blog 吹水的話，大家有一個地方分享，有陸sir睇場指導，這些當然也是大家的福氣，但袋鼠覺得同樣好彩的是，你和我都有時間、有精神上鈬吹水。有時間吹水，亦 有同路人分享，可以有時間計劃未來，沒有因為生活緊迫被消磨意志…昨晚睇田二少掃街，佢似乎前後都堅持自由市場，但也不再堅持說意志可以令弱者變強者，而 是弱者只會給形勢更加消磨意志。窮人問題如何去解決？唔知，但袋鼠感謝幸運之神，還可以上鈬吹水。」 佢話: 「記得以前的林行止專欄，和財經報章立場一樣，一向主張自由市場，但林行止也得說了一句，大慨在他寫發水樓文章之時（佢可能係第一個作公開評論），亦已對 自由市場有點質疑。袋鼠都有這種傾向，越老越左傾，唔知可唔可以用周思來同志講鮋一句，正在背逆了自己的階級。大慨還有一點想講，有些人抵鬧，在生存環境 容許可以爬上而不把握機會，但不要讓這些反面教材，否定有不少生存空間甚差的人。至於上得鈬吹水的網友，祝願不要給那些ＰＫ大鱷，將你的意志消磨、將你的 生活空間向下流。」 我估中大碩士生那個問題易解，如何解決香港貧窮問題難答。中大碩士，GPA 有3.6分，但見工逾200份均不成功，每月靠1830元綜援過活，只能說是一個「高分低能」的典型。從佢見工時想飲果汁，人家話無，佢再問人有無果汁 茶，亦可見佢活在自己的世界中。我教小朋友分析事物，唔好「將例外當典型」，好似鄧小平煙駁煙一日食幾包煙都活到80幾，唔等如食煙對健康無害，並至以為 食煙就可以好似鄧小平咁活到80幾。大部份讀書叻的碩士生，工作都可以有一定成就，但唔擔保無例外，陸羽仁自己都係碩士生，慶幸當年見工無要果汁或者果汁 茶。 社 會的貧窮問題唔易搞，而且會愈來愈難搞。香港係美國傳統基金會評為全球最自由的市場，即係最資本主義的資本主義社會，近年十幾年政府開始大量提供福利，慢 慢加大干預市場的力度，但香港市場還算相當自由，亦即係話自由市場毛病香港有齊。在典型的資本主義社會，大商家搵銀易，小市民生活難，這是基本現象(我 只是描述事實，並不代表我很喜歡這個現實)。在資本主義社會經濟急促發展的階段，貧富懸殊的矛盾不那麼突出，因為窮人和富人的收入同時增加，富人的財富累 積更快，但窮人從食不飽穿不暖居無定所，到可以食飽穿暖居有定所，生活的改善也是跳躍式的，所以在經濟起飛階段，窮人的開心程度不少於富人。問題是出在經 濟發展開始放慢，即是進入我所講的高原地帶後，問題開始浮現，富者愈富，窮人生活無改善，感覺開始轉差。再發展下去，富者更富，不止窮人實質生活倒退(再 沒有兩萬元一個月的貨櫃車司機工作，但大家樂的快餐動不動都30元以上)，連中產都失卻向上流動的機會，變成中產向下流。呢鱓現象早已出現，田二少知得太 遲。 其實有錢人都面對賺錢無過去咁容易的問題，所以就出招保持盈利增長，樓愈賣愈貴，街坊生意愈來愈壟斷，佢地要賺多鱓錢，你要識得避。小市民生活消費不用腦，就枉付好多金錢，買杯咖啡要20 幾、30元，你點解要日日買杯咖啡飲? 一間荃灣萬景峰低層690呎單位賣到460萬，你點解要買? 一日飲少一杯街外買的咖啡，一年慳10950元，20年慳20萬，若計埋投資增值可能係40、50萬，食煙20年的機會成本可能係100萬，亂咁買貴樓的 機成本可能係300、400萬，呢鱓就係弱肉強食的資本主義，你要撲入去，唔怪得人。 資本主義問題好多，政府派錢可以止纒痛，但經濟增長放慢時，派錢將不可持續，歐洲的情況就是這樣。政府亦可以增加規管，但管得太死生意又會流走，因為新加坡、深圳、上海過去比香港管多好多，但佢都開始管少鱓，唔知點解又可以搶走香港的生意，呢條數我都唔識計。 資本主義係弱肉強食的森林，唔好依賴其他人，唔好依賴政府幫你。我天天在講投資，股市中發水股比發水樓離譜好多，發水樓發完都有60、 70%真№賣俾你，有鱓發水股水份有99.999%，比發水樓離譜好多，一樣照賣，潮流興乜就變身做乜的股份，好多就係發水股。又例如窩輪濫發，大戶造 市，比賣樓造假、嘜價，嚴重一千倍。千祈唔好以為我好認同地產商巧取豪奪，我只係想提醒大家，股市巧取豪奪的情況嚴重好多。呢個世界一個願打，一個願捱， 覺得邊鱓樓太貴，發水，又點解要去買呢? 同樣道理，唔認清大戶在股市中搵食的方法，你就走去買，最後的死法，和買貴樓一樣咁慘。妙就妙在買貴樓你仲會投訴，買貴股你只能自怨眼光唔好，連嘈都無得 嘈。