中國企業買嘢，成日都有啲政治理由，唔係嚇嚇都要計錢，大家睇嚇美國萬通大廈個水牌，就會明中國恒大可能俾咁多溢價嘅理由。
美國萬通大廈有一個好特別嘅租戶，就係自由亞洲電臺（Radio Free Asia），自由亞洲電臺係美國政府根據《1994年國際廣播法》（International Broadcasting Act 1994）成立嘅機構，主要目的係向包括中國在內嘅極權國家進行廣播，突破新聞封鎖。呢個機構一定係習近平嘅眼中釘，依家美國萬通大廈好多原租戶都搬咗出去，鳳凰衛視呢啲機構就搬咗入嚟。我中環客好懷疑，中國恒大會點對待呢個咁特別嘅租客。
而有樣嘢，我係佩服大劉，咁多年嚟租個單位俾一個咁特別嘅機構。好多時，做嘢有心，係唔駛大大聲講出嚟。佢嘅膽識，仲值得討論過佢身邊啲女人喇。
中環客