ZKIZ Archives


地盤英雄 左丁山


2011-2-9  AD




 

TVB股權有 變,有殼王之稱嘅保華建築大股東陳國強聯同台灣HTC老闆王雪紅、美國私募基金,收購TVB百分之廿六嘅股權,賣股人就係邵氏(香港),作價62.64億 另加地皮18至20億。他日新股東上場,TVB有甚麼變化呢?相信唔會有大變,橫掂亞視長期積弱,內部股權紛爭不斷,全無發展方向,暫時可當佢冇 到,TVB可以繼續安安樂樂咁賺大錢。但係一位TVB老臣子就好高興咁對左丁山講:「好咯,有救噃,王女士係hi-tech女王,方小姐係low- tech撈嘢太后,工程部現在要買新機器、新儀器,要過好多關口o架,去到最後,層峯都係相信low-tech多啲。王女士以高科技稱雄,相信將來會好爽 快咁引入新科技,新儀器啩?」

哦,原來如此,方女士要守成,梗係會謹慎持家啦,王小姐雖然出自豪門,但曾自行創業失敗,企起身又再砌過,打 出HTC名聞世界,全靠樣樣創新嘗新,將來嘅TVB管理思維係唔同啲嘅,但輪唔輪到王女士管呢?還是TVB由香港人陳國強掌管,身邊嘅老友曾志偉、陳百祥 更有影響力呢?抑係方小姐繼續掌舵呀?

 

一位基建界資深人士講:「今日有咁多基建出籠,建築界做都做唔切,陳國強搞電視,反 為分心咗噃。」建築業目前確係好景,好到新工人入行,好快就有一萬五千蚊一個月。一位泥工就對左丁山講過:「唉吔,講乜嘢最低工資,時薪二十八元呀,我六 十歲咯,做砌磚仔都有八百幾一日,每日做八小時,朝九晚六,一點食飯,三點三飲奶茶,唔駛睇老闆面色。我見到一啲世姪,怕辛苦唔入地盤,去做快遞,做送 貨,搵到幾多銀吖,我個仔中學會考成績差,立即要佢入建造業訓練局受訓,每月收五千,畢業後開工,每月人工一萬,再過半年,就升到一萬五。喂,你講開去 啦,o依家啲地盤好乾淨,好安全o架,人工又好,信和集團現在請長『日散』,日薪八百幾,有公司福利,做商場,酒店維修之嘛!」講到咁好,幾吸引噃,問吓 惡佬明,佢話:「人工係唔錯,衰在地盤佬,地盤佬,形象甚差,八十後九十後邊度肯入行!」咁就做吓形象工夫啦,聽講有公司與TVB研究拍電視劇,好似消防 英雄片一樣,為地盤工人帶出一個藍領英雄形象喎。


地盤 英雄 左丁 丁山
PermaLink: https://articles.zkiz.com/?id=22296

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019