|
||||||
|
上年香港繼續蟬聯全球IPO集資王，但係今年可唔可以三連冠，相信要問過上海同深圳先，事關內地A股淨係賣新股估值奇高呢個point，香港已經追唔上！ 好似全中國最大嘅風電設備生產商華銳風電，最近A股招股，招股價區間最高訂到喺90蚊（仲要係人仔o忝），破晒A股有史以來最高嘅紀錄，入場費要9萬幾蚊，公司一上市，市值已經高達946億人仔，以市盈率計都差唔多成50倍，真係貴到無朋友！ 華 銳風電咁進取，上市之後有咩表現華華就唔知，只係知道無論公司首日掛牌破唔破發都好，佢哋嘅老總都會一樣四萬咁口，事關公司今次獅子開大口嗌價，各位老總 立即身家暴漲，好似股東闞治東（圖）同尉文淵咁，手上批股份估計會值80億同10億人仔，就係咁，中國又多兩位億元戶，你話點會唔恨死華華呢個港燦呢！ |
||||||