ZKIZ Archives


關於流動比率的疑問 味皇

http://hk.myblog.yahoo.com/lgaim-foolman/article?mid=622

補充返之前篇文,早兩日研究海油化學的時候,出現一個新問題--"點樣可以係唔影響流動比率的情況下托高盈利",我一路開工一路惗咁惗左幾日終於破解了這一問題,答案係-以物易物

如果海油化學的流動資產係2,流動負債係1,營業額係3,銷貨成本係2,存貨2,現家中海油同海油化學進行存貨互換,海油化學用1噸海水同中海油換 1噸火水,兩者的作價都係1,咁完成交換後海油化學的流動資產係2,流動負債係1,營業額係4,銷貨成本係2,存貨3,即係過程中賬款沒有改變,1噸海水 以1的作價賣比中海油,營業額因此上升,同理,用1的作價買入火水令銷貨成本上升至3,由於海水0成本,中海油等於送左1存貨比佢,海油化學之後唔駛入 貨,於是銷貨成本跌返做2,結果完成"唔影響流動比率的情況下托高盈利"的命題(中海油流動比率不變,但係由於換左垃圾返黎,存貨冇左1,結果銷貨成本上 升,盈利去左海油化學度)

有人問我,點解我話"壓低流動比率一般代表公司托高盈利數字",其實這說法並沒有什麼確切根據,只是在平時分析時總結出來的巧合現象,在統計學上存在一定參考價值

首先我必須說明流動比率代表什麼,一間公司如果賺錢,必然收入大於成本,這在教育電視也有教,在資產負債表上,什麼是收入什麼是支出?不需要會計知 識都會知道係指流動資產同流動負債,即使小學生都知道資產=收入,負債=支出,所以公司d產品越暴利,收入就會特別多,支出特別少,於是流動比率高,如果 流動比率小於1,即收入<支出,咁樣公司仲話自己賺錢,有冇說服力?

於是我會理解為:

流動比率>1  公司之後會有錢流入

流動比率=1 公司混吉

流動比率<1 公司之後會有錢流出

"之後"係確切的,但沒有限期,可以推到好遲都得

命題作文--設公司的淨收入係固定的冇增長,流動資產1.5,流動負債1,即流動比率1.5,我想抬高某年的盈利數字,要點做?

答:我會先駛未來錢a

原本數字               修改數字a    (或)   修改數字a*

流動比率          1.5                          1.0                           1.0

盈利                  0.5                          1.0                           1.0

現金流              0.5                          1.0                           0.5

咁當然有副作用,看一看翌年數字

(翌年)           原本數字               修改數字a    (或)   修改數字a*

流動比率          1.5                          2.0                           2.0

盈利                  0.5                          0.0                           0.0

現金流              0.5                          0.0                           0.5

盈利好樣衰....又要改b

(翌年)           原本數字               修改數字a             再改數字b

流動比率          1.5                          2.0                           1.0

盈利                  0.5                          0.0                           1.0

現金流              0.5                          0.0                           0.0

第3年唔改,打回原形

(第3年)         原本數字               修改數字a              再改數字b

流動比率          1.5                          1.5                           2.5

盈利                  0.5                          0.5                         -0.5

現金流              0.5                          0.5                           0.5

等我解釋一下,如果佢要提早入數0.5,咁流動資產減少0.5,流動比率降為為1,盈利上升0.5,即100%(到時佢會唔會搞集資就唔知啦),現 金流要睇佢係唔係真係提早收到(幾大人情下),盈利係就會升至1(上年盈利加今年未到手的盈利),但係下年就會冇得收,如果齋做數,現金流依然為0.5, 下年都係,因此佢"壓低流動比率托高左盈利數字"

第2年,提早入賬嘅野今年會變成0,而流動資產除左當年的1.5外,還要包括下年的盈利0.5,因為收入已經要等第3年先有,收入變曬應收賬,於是 流動資產上升,如果要一直昆水落去,再壓流動比率囉,不過現金流肯定郁唔到,因為一年賬期有兩年現金流唔出奇(相對地會有一年冇),但冇人會提前兩年比錢

總之有借有還,實有一年打回原形,當年流動比率會超高,而盈利超低

我的研究係咁理解,但係實際上有冇錯就唔知啦

以動機來說,最有動機托高盈利的公司係想集資的公司,什麼是最想集資的公司?新上市囉

好偶然地,大部分新上市公司的流動比率都接近甚至小於1,佢地自稱公司賺大錢高增長,但收入小於支出....咁解,損益收外的資料市場一慨無視,看來係市場的通病

我們回顧一下,市場上的盈警系列,是否都乎合以下條件---上市前及上市後1年流動比率奇低,盈利奇高,上市後盈利衰退年份流動比率奇高,之後漸漸回落,盈利回升....

再對比一下一些某年配售的公司,流動比率在配售年出現類似大變?

多得阜豐比我的血的教訓,為左要找佢碴我先發明咁嘅分析法

當然我以"盈利有問題的公司偶然地流動比率都奇怪"逆推斷為"流動比率都奇怪的公司盈利會有問題"的結果當然未必岩,但類似由"女人先生到仔"逆推論為"生到仔的都係女人"在統計學上應該有唔錯的命中率

事先聲明,我覺得咁分析係有用,但準確度有限

http://hk.myblog.yahoo.com/lgaim-foolman/article?mid=623

上次唔記得講,仲有另一個仲惡劣的方法壓低流動比率--借貸

如果公司將當年流動資產入賬外,仲可以將n年後的流動資產入賬,做法係借一筆錢,將果筆錢入賬,同時負債度加入果筆貸款,如果係短期貸款,流動負債 就會上升,之後某年還錢果陣係盈利度切返一忽黎填,同上一篇係流動資產度做手腳唔同,今次係流動負債度做手腳,但結果流動比率都係下降

關於 流動 比率 疑問 味皇
PermaLink: https://articles.zkiz.com/?id=2086

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019