ZKIZ Archives


中環在線:2010財經笑話 李華華

2010-12-29  AD





總統篇奧巴馬轉口風

08年美國總統大選時……

奧巴馬︰掂!掂硬!(Yes!We can!)

o依家……

奧巴馬︰掂?掂啩?(Maybe we can……)

銀行篇銀行劫案逆轉

喺白宮度,奧巴馬接見緊F.B.I.嘅探員……

探員︰報告總統,舊年嘅銀行劫案少咗成20%。

奧巴馬︰做得好!

探員︰但係……銀行打劫人嘅個案就多咗成倍。

奧巴馬︰……

名人篇馬多夫唔教呃

喺監牢,馬多夫同一個監友傾偈……

監友︰喂,你呃人咁叻,可唔可以教吓我點呃人呀?

馬多夫︰唔得。

監友︰點解唔得?

馬多夫︰如果你同其他人講︰「你畀一支煙我,我下個禮拜畀番十支你。」你估其他人信唔信你?

監友︰梗係唔信啦!

馬多夫︰所以我點教你啫﹗

高官篇伯南克怕失業

喺國會度,聯儲局主席伯南克好努力咁拉票……

伯南克︰各位,我希望能夠繼續做聯儲局主席,帶領美國……

伯南克返到屋企,佢老婆以好仰慕嘅眼神望住佢。

伯南克老婆︰Honey,你啱啱喺國會講嘢好英呀﹗

伯南克嘆咗口氣話︰出面失業率咁高,我唔繼續做聯儲局主席做得啲乜?

市場篇大客沽唔到貨

有個有錢佬收到風,XYZ會狂飆,佢叫股票經紀盡掃。之後嗰幾日,隻XYZ升到成支火箭咁,個有錢佬不斷打畀個股票經紀,係咁嗌佢繼續掃貨。N日之後……

有錢佬︰係時候嘞!同我沽晒啲貨!

股票經紀︰啲貨俾你接晒,可以賣畀邊個?

生活篇豐田與花旗

有對老夫老妻睇緊電視新聞……

新聞報道員︰近日有多達3.8億隻雞蛋被回收……

老公公︰吓?老婆,乜豐田原來有款車叫「雞蛋」o架?

之後,老婆婆去M記買包食……

老婆婆︰M記幾時多咗個一蚊餐o架?

M記職員︰嗰啲係花旗股票嚟o架﹗

 


中環 在線 2010 財經 笑話 華華
PermaLink: https://articles.zkiz.com/?id=20807

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019