2010-12-29 AD
|
||||||
|
永隆銀行伍氏家族第三代後人伍尚修（圖）就快功成身退，放低永隆高級經理及企業傳訊部主管嘅職位，去科大讀其EMBA（行政人員工商管理碩士），同騰訊（700）嘅第二把交椅做同學。 伍生話，自己一直都想去讀書，但又強調，佢會喺呢個期間搞啲家族嘢，例如搞投資公司，專幫自己家族嘅財富做投資，長遠仲希望吸引埋其他家族畀啲錢佢哋做投資，實行同啲私人銀行爭生意。而佢最睇好嘅係磚頭，睇長遠會有好嘅回報！ 伍 生係咪財技高手o依家仲未知，但華華肯定佢係一個危機處理嘅強者！伍生話，當年美國911恐怖襲擊，佢正正身處世貿，睇住飛機撞埋幢大廈嗰陣，佢呆咗5分 鐘，之後即刻打電話番屋企報平安，然後去提款，再極速走去唐人街掃咗廿個菠蘿包，而當時好多人都跟住佢咁做，後尾佢同兩個朋友瞓咗兩晚時鐘酒店…… 話時話，伍尚修起身，聽聞得番佢嘅堂弟一個仲喺永隆，而佢堂弟出年1月都話要起身，咁咪即係伍氏家族全身而退，今後招行（3968）打晒骰乎？ |
||||||