|
||||||
|
與地產Ｓ傾完 偈，得到啟發，就是經濟學概念好有用，在沒有中央規劃、指令的經濟體系，企業行為是可以預測的，法規對經濟行為的影響也是可以預測的，只有那些相信精英思 想可以改變市場的左傾人士，才會以為競爭法可以增加效益，最低工資可以保護低技術勞工，以及最高工時可以增加就業。大家可曾留意到，自從有咗地監局監管地 產代理業，代理要考牌、每年進修之後，香港嘅地產代理業務愈來愈集中於中原、美聯兩大代理集團？連地產發展商推銷新樓，都要與兩大集團拍膊頭。如果話香港 新樓係求過於供嘅話，九七前咪一樣？但九七前，新樓樓盤發售，往往見到排隊黨，賣樓唔使倚靠地產代理；依家呢，有三個因素相同：負利率，供應少，遊資多， 故此樓價上升，炒風熾熱，但是今天新樓盤發售，排隊黨不見了，站在街上向行人包圍嘅，就係地產代理，做乜發展商賣新樓要畀代理佣金，自願賺少啲？一個顯然 嘅答案就係兩大代理集團雄霸市場，掌握大量炒家，換樓客，新買家嘅名單，有能力幫助發展商銷貨，而且九七前係冇地監局，任何人都可以自由進出地產代理業 嘅。地監局懷着好心好意進場，為地產代理業樹立高門檻，增加entry barrier，於是地產代理嘅競爭反為少咗，明益中、美兩大集團。 監 管當局、立法會議員一定以為上述言論只係「市場原教條主義」，不用理會，故此有議員話如果競爭法不獲立法會通過，一定會「反枱」。「反枱」唔知係乜嘢意 思，大概係發動上街示威啩，不過最低工資有工人覺得息息相關，為立法上街義不容辭，但誰人會為競爭法上街？一時諗唔通。實際上，競爭法點樣會增加地產代理 業嘅競爭呢？如何打破中、美兩大集團半壟斷局面呢？都係施老闆最聰明，中原買入利嘉閣之後，不再收購，只追求Organic growth（內部增長），中原經紀與利嘉閣經紀雖然有同一老闆，但爭生意爭到打交，內部已有激烈競爭，競爭法怎奈他何。 |
||||||