ZKIZ Archives


投資港股:B計劃(十五) 阿牛

http://hk.myblog.yahoo.com/yomagyomag/article?mid=4246

呢兩日個市向上漲左幾百點,似乎距離我地做淡嘅22050,越來越遙遠。

        

大家可能會問,咁喺咪即喺冇機會呢?

又未必嗰喎,要等埋先知。今次調整,老實講喺比平常複雜同多因素嘅;又有存款準備金,又有QE2,又話萬億熱錢,又話樓市崩潰,又話韓戰,左秤右秤,都唔知利好定利淡。

                            

到今天都尚有未明朗因素;就喺國內通脹已經到了民怨升級的地步,內地地產又㩒極唔低,冉冉上升。

阿牛估計政府好有可能,出奇不意咁加一次息,而且唔喺四份一厘,喺四份三至一厘,要震一震個市場。

如果阿牛冇估錯,就可能喺不久將來郁手;因為如果等到通脹成左形,根深蒂固,就加乜都冇用喇。正所謂有加就趁手喇。

韓戰阿牛就反而覺得唔會,因為現在打仗,暫時大家都冇乜好處,尤其是美國,佢唔喺好想而家在中國門口惹事生非。

假如真喺有乜風吹草動,個股市又會兩頭搖,唔穩陣。

你可能會問,調整嘅高低點,已經一早計左出嚟。乜唔喺受外來事態影響嘅,決定波幅嘅咩?

答案喺:

唔受嘅。

因為夠鐘調整,乜消息都只喺藉口,用嚟借勢調整。調番轉,如果呢期要上升,乜 消息都可以攞嚟當好消息,乘機炒上;韓國停左唔開戰,你話形勢險惡,跌四百點又得,你話雨過天晴,升四百點又得。樓市崩潰,你話影響經濟,跌一千點又得, 你話樓市資金流入股市,預期股市做好,然後升一千點都得。

甚至你加兩厘息,應該一定要跌;但喺撞啱升市,照升可也都得。呢啲叫做:『市場早已消化消息,反應冷靜,資金乘機撈貨』。

死未!


PermaLink: https://articles.zkiz.com/?id=19806

Next Page

ZKIZ Archives @ 2019