|
||||||
|
黎文卓出新書 《十三億分之一》，以小人物在內地談生意，談項目，穿州過省嘅親身經驗，寫下一個香港阿燦之感觸，如溫家寶所言，任何小事乘十三億都是大事，任何大事除十 三億都是小事，黎文卓寫文，素來嬉笑，不會怒罵，所以睇佢嘅書，一定開心。最近十年八年，黎文卓為咗搵食，經常北上，將所見所聞寫成新書，我地讀起嚟，唔 駛傷腦筋，當作消閒妙品，亦可增廣內地常識。 黎文卓話中港經濟競賽，三十年後見分曉，一九八○年嘅白兔，已給大烏龜拋在後頭，中國當紅經濟 師謝國忠預言內地一加息，香港樓市九個月之內爆煲，又指香港好倚賴奢侈品零售業，一旦中國宣佈撤銷奢侈品關稅，香港就玩完。唔，香港好喜歡向中央乞求送 禮，現時舖租咁貴，皆拜自由行所賜，難怪內地經濟師睇香港唔起。謝國忠之言，是否有理，要請問香港兩位梁兆基，即滙豐梁兆基與星展梁兆基，兩位加埋，抵得 住謝國忠呢位同濟大學校友，MIT博士啩？ 香港在好多經濟管理觀念上，仍然領先內地嘅。譬如國美事件，我地本來冇興趣。創辦人黃光裕已經判 監十一年，上訴失敗，佢在○八年被捕後，國美股價大跌，國美俾銀行大削信貸額，供應商要現金找數先至肯送貨，加上○九年時，可兌換票據到期，國美資產週轉 緊絀，在此時刻，CEO陳曉要向原老細效忠，死攬國美不放，同歸於盡吖，還是要為上市公司股東利益着想，向外求援，四出搵戰略投資者注資，穩定軍心呢？結 果陳曉於○九年六月引入美國基金，攤薄咗（內地叫稀釋）黃光裕嘅股權，外資基金買入新股後，派人入董事局，削弱了黃家在公司的話語權。 好 嘞，現在黃光裕展開大反擊，要趕走陳曉，九月二十八日股東大會一決雌雄。左丁山不是股東，態度中立，但上期《亞洲週刊》有一篇內地專家蒯轍元嘅文章，「從 國美之爭看商業倫理」指責陳曉不忠於黃光裕，作為黃光裕之委託代理方，職業經理人與黃光裕爭奪管理權，係本末倒置。但全篇不談小股東利益，不談陳曉挽救國 美於危難之際，不談一個經濟罪犯如何穩定投資者信心。喂，公司上市之後，CEO要為小股東着想還是掛住坐監創辦人嘅利益呀？ |
||||||