中環在線：內陸人身家唔多中民嘆墓園難做
|
|
講錢多數都係傷 感情，但身後事呢啲錢點都唔慳得啦啩？內地有成13億人口，搞殯葬呢個行業到底有無得做？答案係有嘅，不過千祈唔好響內陸搞！經營內地殯葬業務嘅中民安園 （8085），截至舊年蝕咗近4000萬，中民執行董事崔光球話，原來內陸嘅人喺呢方面服務需求，唔係好似沿海城市咁大，好多仲可以自己搞掂！
崔總話，佢哋響內地經營4個墓園3個仍然蝕錢，而墓園平均使用率亦不足五成，點解會咁？佢話係因為內陸人對處理先人身後事唔係咁執着，要求唔高，可以隨山搵個地方自行安葬先人就搞掂！
咁又係呀，內陸好多地區仲係生活逼人，生人都未有啖好食，點會有閒錢幫先人搞咁多嘢呢又？
李華華
|
Next Page