| ||||||
| 古書話嘅「有人 辭官歸故里」，時移世易，今時今日，呢句嘢已經out到爆，華華認為……改做「有人辭官歸國企」應該比較適合！點解？ 內地《投資者報》對全 國上市嘅A股做咗一個統計，其中768間公司，都請咗前高官坐鎮，總人數多達1599人，佔咗A股全部高管總數嘅5%。 響數字上嚟睇，高官 唔做幫中央打工，辭官下海，其實7成都係去咗國企，國企可謂最大嘅前高官「收容所」，咁樣……其實都係一樣幫阿爺打工唧！ 呢班下海高官咁多 國企垂青，來頭梗係唔細啦！其中，275位係科長或以下級別，其他1324位都係處長級或以上，當中11位仲要係副部級或以上，有啲高管香港人都好熟識o 架，好似光大證券董事長唐雙寧（前中國銀監會副主席）、交行（3328）監事鄭力（國家審計署副署長）同埋中石油（857）主席蔣潔敏（前青海省副省長） 等等。 華發袁小波663萬年薪最勁 人工方面嘛，你可能估唔到，香港普通中層打工仔，人工都高過佢哋！佢哋當中，907位仁兄 都係上市公司出糧，平均年薪26.2萬人仔（下同），都叫做高過A股高管平均年薪24.8萬銀嘅。至於最貴個位係邊個？咪華發股份袁小波囉！佢之前做過珠 海市勞動局長同政府副秘書長，舊年出糧663萬蚊，聽落好似好高人工，但如果同我哋香江班退役高官比一比，閒閒哋都收千幾二千萬港紙，真係一半都唔夠o 架。同志們！仍須努力呀！ 李華華 [email protected] | ||||||