| ||||||
| 受 金融海嘯影響，○九年上半年香港經濟陷入困境，人人擔心「究竟金融海嘯第二波幾時來？」本刊去年訪問了五十二盤《壹盤生意》，共五十盤報捷，平均錄得一成 至兩倍增長；只有兩盤由剛畢業的學生開設，位於信和中心的帽店Awsita，以及幫中小企在其網站賣格仔廣告的網站HK168，未有堅持到底而執笠。其中 三盤生意的老闆，無受市場悲觀氣氛影響，在市況兇險的四、五月開張，更來個絕地擴充。珍珠奶茶店「臺北站」，就連開九間，四個「八十後」老闆年賺過百萬； 日式火鍋店「勝手」，在市況低潮開分店，三百多元一個套餐依然其門如市；落選港姐袁彌明賣化妝品賺女人錢，純利半年間增長一倍，月賺四十萬！ 珍珠奶茶店連開九間 去年，珍珠奶茶店熱爆香港，貢茶、comebuy、日出茶太等過江龍由台灣殺入香港開分店。四個「八十後」o靚仔，陳秉 笙（Benson）、陳秉中（阿中）、劉鎮宗（Jones）及郭理原（Gino）於四月開設的本地薑台式飲品店臺北站，無懼過江龍威脅，開業首月已賺近廿 萬。至今開了九個月，單單在元朗已經有兩間分店，另有七間加盟店，足跡遍及上水、沙田、屯門、紅磡。 不到一年，臺北站由一間變成九間店鋪，兩間加盟店亦即將開張。以每間店收取十萬元加盟金計，四個老闆已穩袋九十萬。這些加盟店，每個月還要上繳百分之五的營業額，上月全線營業額高達一百七十五萬。計一計數，老闆們九個月以來共賺二百八十萬，是其開業成本的七倍！ 早有預謀搞加盟 老 闆之一Benson認為要贏對手，擴張速度最緊要快，因此要借加盟者「借力打力」：「我哋籌備臺北站時，已經開始度加盟計劃書。」開業初期，二百呎的店請 了近二十個員工，就是為了確保日後，可即時調派熟手員工到加盟店開工。由於其鋪門外經常大排長龍，開鋪才一個月，已經有五、六個客人查詢加盟事宜，其本小 利大的吸引力，令畢業生至失業人士都成為加盟者。 他們亦深明分店愈多，邊際成本就愈低。食材就是最好例子，他們當初入貨量少，只能向香港批 發商取貨，現時龐大的入貨量令他們有議價能力之餘，有九成食材亦直接由台灣入口，令整體的食材成本減低兩成。「我哋會先要求台灣廠商寄樣本到香港，試食合 格再到台灣傾，佢哋仲心急過我呀，哈哈。」 不過，搞加盟亦有辛苦之處。除了替加盟者搵鋪、裝修、申請牌照等基本功夫外，最苦惱是加盟者各有要求，Benson指出：「佢哋嫌食材貴、又投訴有些飲品一個月賣唔出一杯，當我們決定刪減某隻飲品，又會有其他加盟店話喺佢嗰間受歡迎喎。」Benson說時滿臉疲累。 他 指，有加盟店不聽話，加減食物及飲品的分量，令食物質素參差，在飲食網站Openrice中，亦愈來愈多有關臺北站的批評，Benson最初為了與加盟者 保持和諧關係，不敢直接向他們反映，每次看到有一個劣評，他就會自行寫三篇好評抗衡，直至有一天他才決定改變這種心態：「就算客人因為睇咗好評而幫襯，嘢 飲難飲都留唔住客人。」Benson最後良心發現決定正視食物質素，靠味道去留客。於是，他們四人，即使工作繁忙，亦會每月抽空到加盟店試飲，發現有問題 即時向加盟者反映。 寒流襲港唔見廿萬 另一大難題就是激烈的競爭，繼臺北站，珍珠奶茶去年如雨後春筍般湧現，四個老闆要不斷出 招去吸引顧客，他們把飲品拿到廠商會檢定中心做檢驗，通過檢驗後，便在鋪頭門外放出寫有「此飲品為唯一做過大腸桿菌及三聚氰胺測試的飲品」的易拉架作招 徠。在不同區域亦要採取不同策略，其位於元朗及屯門的分店，就因為附近多中學，他們於去年七月開始推出學生優惠，九月郵寄宣傳品到區內所有中學，提供優惠 給競選中的學生會內閣，借其競選活動宣傳臺北站。 不過，去年十一月寒流襲港，臺北站元朗店的盈利由高峰期三十萬，急跌至只有五萬。經過了 「恐怖的十一月」，四個老闆亦不得不急謀對策，於十二月推出薑母煎茶、水晶柚子蜜等熱飲；在一月度出連一杯飲品都送外賣這條橋，吸納工廈、附近商店的客 人，故此有客人訂珍珠奶茶開派對，此舉令一月的營業額已回升至高峰期的七成。 經過一年的努力，四個本來是推銷員的後生仔搖身一變成大老闆，記者約訪問亦比開業初期困難得多。雖然工作繁忙，但當年四人因為搞年宵而燃起創業的諗頭，故今年堅持年宵擺檔賣年花，四人日前已飛到昆明入貨，賺錢的心癮並沒有停下來。 日式火煱店賺多一倍 去 年五月開業的日式火鍋店「勝手」，八月接受訪問時月賺廿一萬，一百四十萬的投資於四個月極速回本。位於銅鑼灣的勝手只有十八個座位，開了三星期便經常客 滿。老闆劉承輝（Tim）和黃子俊（Kenny）於是乘勢投資一百七十萬，於飲食新蒲點大坑開分店，已於九月開幕。現時，舊鋪月賺廿一萬，新鋪月賺廿五 萬。Tim更指出，來新店的食客比舊店消費更豪：「試過有熟客帶朋友嚟食，中午開VIP房，六個人埋單五千八，每人食咗九百六！有對夫婦仲誇張，帶六歲仔 嚟食午飯食咗二千三百蚊。上次梁家輝想嚟食，點知無晒位，都要請佢走啦。」 愈食愈刁鑽 新店開張後，Tim和Kenny發現舊 店生意被搶去，慘成「自己人打自己人」，二人即度橋平衡兩邊的人流並以日本入口的宮崎雞作噱頭：「我哋將舊店嘅菜單改為主打食宮崎雞火鍋，並轉用日本花膠 湯底，而且設計咗十四款雞肉串燒。」Tim指，當中賣三十元的雞肉丸，用雞扒肉包鵪鶉蛋，是最受歡迎的串燒之一。不過，每晚也會預留兩公斤最貴級數的牛肉 和廿份海鮮予一些不吃雞的客人。Tim 表示，花膠湯底吸引不少食客「回巢」：「女食客貪花膠可養顏，而且宮崎雞夠特別，所以一個月後，生意就好番。」賣三百二十元的宮崎雞扒套餐，雞扒每塊約一 百六十克，成本三十多元，連前菜、兩份雞肉串燒及日本花膠湯底，成本近一百五十元。 新店則專攻牛肉，並有十三款牛肉串燒，廚師設計一些酒店 才有得吃的「一口和牛鵝肝漢堡」和「和牛粒飯團」，分別售九十元兩件和四十八元一件，十分搶手。為增加新鮮感，Tim亦添了一款新湯底：「我發現用豆漿做 湯底配A4牛好好食，加上我個廚師識人做豆漿，於是我哋每朝都由元朗嘅豆品廠拎十支豆漿返鋪，每鍋用一支成本都係十幾蚊之嘛，配埋近排流行的紙火鍋，就成 為每日限定十鍋嘅豆乳湯底。」以往勝手供應的牛肉，包括來自日本宮崎、佐賀及鹿兒島，現在轉為只賣鹿兒島牛肉，Tim說：「其他兩個地方嘅牛肉連超市都有 得賣嘅，難以發圍。」 雖然增加更多「高貴」食材，但Tim指毛利反而增加了，他說：「兩個月前轉咗牛肉嘅供應商，佢本身係我哋嘅熟客，依家 同佢攞貨比以前平兩成有多囉。」這令勝手火鍋材料的毛利由四成升至近六成，串燒更達七成。Tim表示，有財團想收納勝手轉做加盟店：「遠東酒店（37）叫 我賣俾佢哋做特許經營，我梗係唔肯啦，做咩要幫佢打工喎！」 過氣港姐 過氣港姐袁彌明，於去年八月在銅鑼灣開設樓上鋪「袁彌明生活百貨」售賣護膚品，一開業即賺廿萬。零售市道雖然比去年好，但袁彌明也有其他煩惱，唯有見招拆招，本月生意額急增一倍，達四十萬。 自己做生招牌 首 先，是匯率問題。袁彌明賣的化妝品主要由日本及澳州入貨，但開業至今，日圓和澳幣已升值兩成，令入貨成本上升，故迫不得已在十二月加價兩成。以往甚少做優 惠的她，為怕客人流失，不得不隨波逐流，開設會員制「留客」，「買夠三百蚊有一個貼紙，儲夠十個貼紙在半年內可當三百蚊使；依家儲咗六千幾個會員啦。」袁 彌明說。另一方面，她花了四萬元在雜誌登廣告兼送贈券，讀者可憑券到她的樓上鋪換試用裝。「咁樣咪可以吸引到啲人上嚟俾我sell嘢囉。」袁彌明說。 她 認為自已仍有知名度，隔日就落鋪谷生意，並說：「啲客好多時都想直接問我關於皮膚嘅問題，始終我係 Artist 出身，佢哋會信我多過信一個普通嘅職員，我親眼睇住個客買咗九千蚊嘢，嚇到我呆咗囉。每個月平均都有十個客一次過買四、五千蚊嘢，一般客都會買六、七百 蚊。」 批發商加入戰團 零售市道好，連批發商也加入「搶飯碗」，她說：「有個批發商叫我要照零售價賣貨，點知佢自己都做埋零 售，仲用批發價出售（零售價的七折），搶咗我百幾個柯打。」因此，她決定不再從有零售的批發商入貨。另一方面，員工亦「坐唔定」，她說：「鋪頭最初得兩個 職員，試過其中一個開開吓工走咗去，我咪炒咗佢。之後，另一個又辭工，搞到有半個月要我同Kenneth（分租樓上鋪的拍檔）日日返嚟看鋪。」鋪頭現時請 了兩個全職四個兼職，以免員工隨時「劈炮」。 袁彌明在過去半年不斷入新貨，包括專為面部護理的離子精華機、豐胸膏、和月賣五百支的睫毛增長 纖維等。由於她去年揮低屈臣氏，取得美國健康食品pHion的代理，當中的pHion綠粉平均月賣八百多罐，佔全店生意額的兩成，而且毛利高達四成。為了 再下一城，她索性將pHion的全線產品引入香港，包括橙色的混合益生菌丸和紅色的紅排酸丸等。鋪內亦新添由朋友Ray在九月時自家研製的本地護膚品牌 evie，他那價值三百二十元的有機卸妝油月賣四百樽，最受OL客歡迎。袁彌明雖然轉型為生意人，但仍不時出現幕前，保持人氣。 著數網改版盈利翻兩番 去年二月，金融海嘯陰霾仍然未過，專門搜羅着數資訊的網站著數時代，藉在網站賣廣告賺錢，開站第二個月已有一萬六千元的盈利。事隔一年，以為經濟復甦，這門生意的市場需求漸小，豈料著數時代的盈利翻兩番，平均月賺四萬五千元。 這與老闆Fanny虛心接受意見不無關係。訪問時本刊找來親子網站BabyKingdom營運總監薛嘉龍，替著數時代把脈，他建議網站棄用立體公司標 誌，亦要多為客戶度身訂做廣告。Fanny立即花了四萬元聘請外援將網站改版，換走實色的外框，並增加主題分類，令網站更User friendly。會員人數馬上增長四倍至一萬名，點擊人數亦由十六萬人次倍增至三十四萬，直接令更多客人落廣告，例如迪士尼樂園，亦在去年七月開始在著 數時代落廣告，十二月更要求在網站中設一個「Life特輯」的專區，為著數時代帶來四萬元的收入。 Fanny亦接了大客仔生意，如在網站 中，以月曆形式介紹各商場，如Times Square、Elements，及K11等的優惠和活動，有五十四個商場在去年共落五十八次廣告，廣告收入達六萬元！Fanny更「跳出」網站，去年十 二月，她和手袋店YMK，合辦名為「升呢血拼購物團」的開倉活動，著數時代會員可以以半價到YMK購物。Fanny滿懷安慰地說：「之前一年辛苦播落的 種，終於可以收割啦。」 有機食品有機增長 由邱奕豪（Rex）所經營的有機食品店綠盈坊，食正豬流感爆發，五月訪問時有八家， 半年間再開兩間。本月初，位於九龍城的第十分店正式開幕，每月盈利已由十五萬增加七成至二十五萬。Rex驚喜地表示，綠盈坊更打入了內地市場：「紅磡、尖 沙咀等分店近火車站，吸引好多『自由行』，佢哋會幾十盒咁買，仲有大陸人做埋VIP，每個月專程由深圳過來掃幾千蚊貨，猛咁叫我喺大陸開鋪呀。」 能夠愈開愈多分店，全靠Rex控制成本有方。創業初期，Rex已鎖定店鋪為連鎖經營模式，在成本控制上早有部署，如鋪頭的招牌、貨架在訂造時已多預了數量。其次，存貨和送貨皆外判予物流公司，免卻多請人手管倉和查貨；還有是訂下完善的內聯網，貨品知識和客人投訴的內容都能看到，開新鋪時，培訓新人的時間都省卻了。 開分店最大的成本是租金，Rex吸收經驗，現時新分店會盡量由租鋪變為買鋪，「鋪租今年普遍加咗四成至六成，尖沙咀加得最厲害，都係自己買鋪最好。」 現時，綠盈坊位於上環及紅磡的分店便是自己鋪位。 甜品革命開源節流 投 資過百萬的甜品革命，開業半年以來，盈利節節上升，聖誕和除夕後，由淨賺六萬八攀升至十萬有多，升幅逾五成，Eric謂：「招牌甜品椰果子每日賣出一百個 左右，元旦除夕當晚只延長兩小時營業時間，結果多賣一倍。」秉承要搞甜品「革命」宗旨，陳皓翔（Eric）和余鴻飛（Chris），以及大廚劉偉雄 （Andy）三個月前更新了菜單。即使甜品都加價一至三元，客人數量亦無減少，Eric說：「來得嘅客人根本唔介意多嗰一兩蚊，三十蚊一個芝麻糊就話無人 食啫，但我哋嘅甜品係賣心思，絕對值回票價。」 過去一年庶糖的價格曾一度颷升，幸好甜品革命的主打心太軟及椰果子的來貨價沒大變動，老闆亦 改變生果的入貨比例，把食物成本降低百分之五，如少入成本較貴的芒果，而入多了哈密瓜作裝飾。不過主打的泰國椰青就堅持用最貴貨色，「用嘅材料有料到，人 哋就想抄都抄唔到。」Eric說。甜品革命已成功招攬投資者加盟，最新傾掂的是來自佛山的加盟者，第一分店將於六月正式開張，六十萬元的加盟金已「袋袋平 安」。 | ||||||