ZKIZ Archives


夢想批發中心 味皇


http://hk.myblog.yahoo.com/lgaim-foolman/article?mid=3072


"就到聖誕,又到聖誕,夢想派發,不過要喊,大家無謂受傷落魄"

聖誕節係辛達告魯斯出黎派禮物的日子,但係正牌的辛達告魯斯只得一個,如果要成為正式的番版,就得向芬蘭政府申請認證同牌照,小朋友街邊同屋企見到的,只是貼上假胡鬚的怪叔叔

派夢想不是免費的,也要一定的行政成本,特別係向股民派發的,股民人數眾多,想人人有份就一定要事先有周詳的安排,而且商業社會成本回收更為重要,冇免費甘荀

香港當下有3間士多有夢想零售,為劉記,鄭記,何記三家,夢想的正式產品名稱為"概念",劉記銷售地產概念,貿易概念,死人概念,鄭記銷售資源概 念,新能源概念,林木概念,何記銷售博彩概念,農業概念,環保概念,醫藥概念,當中3間士多都有宣傳合作,但商品銷售是完全獨立的

概然稱為商品,自然要由供應商供給,劉記都是找一些小地方的大人物供貨,而鄭記則有正式的供應商,五大供應商為霸宏,德信,聯中,島星,娛澳,何記 主要都是做典當同舊產品番新,貨品一係有人直接上門推銷,一係打麻雀贏左沒收的,正規的供應商為利輕同neo世界,3間士多的老闆成日去跑馬地賭下馬仔, 聯絡下感情,亦順便招攬新供應商同警衛

有貨在手亦要打廣告,廣告公司係得四大間同幾小間,四大廣告公司中,劉記控制兩間的一半同幾小間,鄭記控制一間同最大間的一半,何記控制三間的一半,仲有半間小的

由於廣告費不菲,包裝自然非常美觀,買家買來已包裝的夢想,捧上手幾墜手,拆開包裝盒,入面仲有包裝盒,再拆還有包裝盒,拆極都仲有包裝盒,拆到最後,得張花紙,大叫my god,天際傳來回音說:"夢想不是用來拆的,是用來賣比人的"



夢想 批發 中心 味皇
PermaLink: https://articles.zkiz.com/?id=13351

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019