奇特背景的港姐們林敏俐係《龍虎豹》始創人千金
1 :
GS(14)@2016-08-13 14:59:39每年有港姐選舉，好多佳麗選完就「蒸發」咗，不過提起佢哋，觀眾又可能有啲印象噃！！！
1975年冠軍張瑪莉
張瑪莉（Mary姐）童年時被父母遺棄，曾在街上流連，其後有心人送進保良局，參選嗰陣，曾喺尼日利亞領事館工作，卸任後曾在無綫、麗的及佳視發展，拍過經典劇《鱷魚淚》及《天蠶變》等，唱過經典歌《明星》，之後嫁咗畀李小龍哥哥李忠琛，育有一子。
1980年亞軍陳鳳芝
陳鳳芝（Julia）未參選時已係「幫辦級警花」，臨門屈居亞軍，加冕儀式後陳鳳芝並冇吻賀戴月娥，只係握手恭賀，當時被指小器。其後陳鳳芝拍過《女子監獄》做巴辣獄長，又唱過亞視劇《101拘捕令》主題曲。
1981年冠軍羅佩芝
羅佩芝（Doris）係首位被除名港姐，代表香港去紐約參加環球小姐嗰陣，有三藩市讀者爆料指，羅佩芝參選港姐報稱22歲，但1978年參加玫瑰皇后選舉時，已年滿23歲，無綫經過考慮後，決定取消其冠軍資格，由亞軍勞錦嫦頂上。
1992年同屆入選姊妹花——李玟家姐
歌星李玟兩位家姐曾參加同一屆港姐選舉，李玟大家姐李秋林（Carol）與妹妹李思琳(Nancy）同時入選，李秋林獲最受佳麗歡迎獎，成為港姐史上唯一同屆入選姊妹花，於決賽表現落力，但最終五強不入。
2002年冠軍林敏俐
林敏俐（Tiffany）來自三藩市，爸爸係著名成人雜誌《龍虎豹》始創人林國光，有傳其參加港姐係爸爸遺願，2003年代表香港參加國際華裔小姐獲亞軍，曾獲TVB重用，拍過劇兼做主持，後來返三藩市繼續學業。
來源:
http://hk.apple.nextmedia.com/entertainment/art/20160813/19734452
【少甜慎入】鹹書變遊客紀念品？ 報販：《龍虎豹》係香港名牌！
1 :
GS(14)@2017-07-05 03:43:07林長富拿出私人珍藏，笑言間中仍有客人問價。
每次經過報攤，大家應該會「不小心」「不經意」「不期然」地看到成人刊物吧？其實在這個網上應有盡有加上紙媒沒落的年代，仍然有人購買成人刊物嗎？記者本住好學精神，加上主要因工作需要，訪問了兩位老報販大談鹹書經。
香港報販協會副主席林長富及報販鄧少林都笑言成人雜誌依然有點點市場，大多數客人都是老一輩及外地遊客，但每天都只能賣出數本而已，遠遠不及九十年代的風光。「一講起鹹書嘅代表就係《龍虎豹》，呢個香港名牌嚟㗎！」鄧少林想當年就笑：「旺嘅時候一日真係賣十幾廿本㗎，《十隻白虎》、《亞卡西》、《Penthouse》、《AV》、《花花公子》、《夜遊王》、《夜遊人》，依家全部無晒咯。」報攤上一字排開的碧波盪漾，望到自動避開再順勢回望的街坊，專登走來買幾本做手信的遊客，隨着：「嗰啲社交網站搵女仔又易，吓話？仲使睇呢啲書咩！」俱往矣。
林長富將自己的報攤命為「報子园」，有「報紙完」之意。
報販鄧少林感嘆成人雜誌興旺之時，差不多有二十多本選擇，現在則剩下《龍虎豹》及《火麒麟》。
然而在那個年代，除了那些突破界限的J圖，書裏大量小說都是吸引人的招牌，林長富：「嗰陣啲鹹古，寫得有鋪排嘅，有啲人真係集集追，儲起嚟珍藏㗎！」甜古的世界，文字不只是輔助：「你可以欣賞到文字點樣描寫一個色情故事，喺文字之上又可以加一啲幻想，其實你個腦海會多啲思索，多啲思考。」兩位每次提到紙媒昔日風光，都不禁感嘆現今還手執雜誌、報紙、書本的人已經寥寥可數，紙媒沒落最根本的問題，就是人們對任何事物的耐性都變得越來越少。我們現在吸收資訊，總希望越快越好，感官衝擊越多越好，在這不斷追求更多衝擊的世代，人們對文字生厭在所難免。其實不只是文字，現在我們彷彿連短片都沒耐性看，一條片，試問有多少人仍會看到最後？究竟又有誰仍會去閱讀這篇充滿文字的報道呢？記者：黎雋宇攝影：林栢鈞2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170704/20077847