📖 ZKIZ Archives

輝山乳業：今日下午一點起暫時停牌 將查詢股價暴跌

3月24日消息，輝山乳業於港交所公告稱，鑒於股價24日上午大幅下跌， 公司要求香港聯合交易所有限公司自今天下午一時起短暫暫停本公司的股票交易。並稱本公司將在完成查詢後盡快發布公告。

今日港股輝山乳業跌幅逾90%，創歷史最大跌幅，股價跌破0.30港元，刷新歷史新低。 消息面上，做空機構渾水公司曾發布做空輝山乳業的報告，報告指公司價值接近零，因為公司過去發布的盈利有造假之嫌，此外，公司亦誇大了於牛牧場的資本支出。

 

點起廣東歌：DJ當奴、周國豐數盡代代好歌

1 : GS(14)@2016-03-06 03:14:44

商台DJ唐劍康（當奴）及港台的周國豐，兩個在不同年代、不同電台主持音樂節目，為廣東流行歌「數榜」，聽盡樂壇每首新歌。今日，廣東歌被評水準下滑，有人歸咎創作人青黃不接，有人將矛頭指向歌手。不過，兩位廣播界代表堅持廣東歌仍有不少水準之作，香港樂壇失去的，只是從前那個單純的市場，正因為這個原因，二人認為廣東歌更需要加大力度撐撐撐！撰文：李察



【當奴：新世代歌手貼地】

目前每周仍為商台《903專業推介》數榜的當奴，面對香港樂壇現狀，睇法相當正面，他說：「其實都開心睇到好多冇大公司撐嘅新一代歌手都得到機會，可以冇包袱、貼地唱好多關於香港或其他題材嘅歌，個人覺得新青年理髮廳、黎曉陽都好正！」



■當奴覺得香港樂壇正在轉變，歌手做歌更加靈活。

■當奴十分欣賞樂隊新青年理髮廳。資料圖片



做歌模式唔同咗

至於樂壇的大哥大姐，當奴感覺大家都有隨市場變化而作出改變：「見到唔少大歌手都有配合唱片業去改變做歌嘅模式，會一首首歌做，唔同以前為咗出碟做十幾首歌，而家咁樣會更靈活，加上網絡傳播，歌曲可以走得更遠。」他又表示：「唱片公司賺錢壓力係大咗，但都見到有新點子，好似容祖兒同克勤跨界做騷，欣宜又可以同Supper（Supper Moment）合唱，呢啲係好現象。」當奴認為，廣東話是香港人母語，無論唱及聽都更有共鳴，但他有感現在很多廣東歌都是慢歌：「細個聽校長哥哥梅姐阿Lam……到四大天王都會平衡啲，有快有慢。但呢個時代變化冇乜快歌，快歌交晒畀樂隊。點解？係排舞成本？定係慢歌先可以賣唱功？定係因為廣東歌通常係歌詞行先？唔係話慢歌悶，不過想平均啲，多啲變化！」



【周國豐：文化越萎縮越撐】

周國豐由昔日電台節目主持躍升為電台管理層，現時負責電台新媒體工作，開咪超過20年的他，曾經每周為港台《中文歌曲龍虎榜》數榜。作為香港人、一位專業DJ，周國豐撐廣東歌的立場堅定：「廣東歌係必然會撐！」他說：「從成個社會睇，地道文化越來越萎縮，作為一個土生土長嘅香港人，如果連自己都唔撐廣東歌，可以話係交代唔到自己。」



■周國豐認為現時仍有很多好的音樂作品。

■曾經每周為香港樂壇數榜的周國豐，立場堅定撐廣東歌。攝影：沈健程

■周國豐見證不少歌手出道。資料圖片



廣東音韻多變化

說到廣東話吸引之處，周國豐認為：「廣東話呢種語言係好有趣，比起普通話嚟講，廣東話好有變化，好有活力。填詞人填廣東詞都唔容易，因為廣東話好多個韻，有好多變化，相信填詞人填廣東詞會係最大嘅挑戰，靈感少一啲都好易被榨乾。」對於有人認為廣東歌質素下滑，將會是廣東歌消失的「元凶」？周國豐並不認同：「我覺得而家仍然有好多好好嘅作品，我承認有時坐的士，司機大佬會同我講，覺得以前啲歌好聽啲，但我就反而覺得係而家娛樂選擇太多，頒獎禮唔夠認受性，加上一部手提電話已經有林林總總玩意，令大家除咗聽音樂，同時間接觸太多資訊，所以同80年代比較係唔公平。」





來源: http://hk.apple.nextmedia.com/entertainment/art/20160305/19516735

---

點起廣東歌：敬那些唱過的廣東歌明哥拒絕忘本

1 : GS(14)@2016-03-14 01:44:02

香港的母語是廣東話，每個香港歌手都唱過廣東歌，現在卻要努力為廣東歌掙扎求存！唱了30年歌的黃耀明，希望大家擺個心出來做好歌曲，7、80年代未有內地市場，那時都夠養活自己，明哥疑惑是否現代人變得貪心？賺100元嫌少，要賺1,000元才夠飽！他為唱過的歌驕傲：「我覺得廣東歌唔會失禮大家！」撰文：余燕儀黃耀明，這名字由以前代表達明一派、香港歌手，到現在象徵着撐香港、撐學運、撐民主，關心社會的明哥更關心香港樂壇關心廣東歌，他日前接受本報記者專訪說：「無論廣東歌市場比國語係細幾多，我覺得都要繼續唱，音樂能唔能夠打動人心唔在於語言，在於你做得有幾好，我有信心其實唱廣東話係可以好好。我唱咗30年歌，大部份都係廣東歌，我為做過嘅嘢幾驕傲，我覺得廣東歌唔會失禮大家，我會繼續做，唔代表我唔會唱其他語言，好似國語、英文都係唱，但我唔會放棄廣東話囉。」


■明哥下個月的演唱會，將有大量麗的和亞視經典金曲。

改變屈就自己最悲

越來越多歌手北望賺人仔，間接忽略了香港市場，令廣東歌樂壇變得悲哀，明哥卻說：「其實本來唔悲哀，去大市場賺錢其實好開心，悲哀係我哋要改變自己、屈就自己，令自己唔可以表達想講嘅嘢！我唔覺得去賺人仔嘅同時，係要忘記香港市場，喺文明社會去其他市場做係好正常事，不過而家形勢扭曲，要妥協好多改變好多迎合另一個市場，我唔想話好悲哀，做流行音樂好多時要就市場調整，但係你只可以就咁多（舉起拇指及食指），唔可以就咁多（張開雙手），如果乜都要改變晒，嗰個唔係我嚟，我可以調整，但唔可以完全冇咗自己。」



攞個心去做好音樂

明哥認為要撐起廣東歌，就要擺個心出來做：「唔可以話市場細，就唔擺心做好音樂，7、80年代其實都冇大陸市場，我哋都係咁用心做好香港市場，嗰時收入都夠養活自己，係咪我哋變得太貪心呢？即係賺100蚊唔夠，要賺夠1,000蚊先夠飽呢？其實嗰時賺100蚊都可以食到飯，嗰時都係靠香港市場，不如諗番我哋嗰時係點做音樂。」問明哥還有聽廣東歌嗎？他說：「我聽㗎，當然自己係一個偏心嘅人，因為我係聽西方流行音樂大，仍然覺得喺西方流行音樂得到最多樂趣同養份，但我都支持中文歌支持廣東歌，未必每一張都聽，但而家有串流服務，你會聽得更多。」問到近兩年最鍾意的廣東歌？明哥有點尷尬，笑說：「諗吓先，死！呢兩年都係關心社會嘅事，比較少關心音樂，突然諗起林海峰同容祖兒首歌幾好呀，唔記得咗叫乜名（編按：《黃昏點唱機》）；仲有RubberBand有啲歌幾好，我舊年搞咗個組織文藝復興，資助咗幾個女仔出唱片，其中一個盧敏啲歌好好聽，佢有首歌《初夏》好好，當然喺雨傘運動時，《撐起雨傘》一定記得呢首歌，因為佢記錄咗香港重要時刻。」



■容祖兒和林海峰的《黃昏點唱機》，獲明哥讚賞。

■明哥關心時事少聽音樂，但仍對RubberBand給予肯定。資料圖片

■獨立女歌手盧敏（中）的《初夏》，明哥認為是必聽之作。資料圖片



堅決反對推普滅粵

廣東歌要撐，廣東話更加要撐，明哥堅決反對推普滅粵：「我當然覺得絕對不能接受，呢個係消滅文化嘅手段，如果一個國家嘅官方語言係普通話唔緊要，但我哋呢個地方九成人口都係講廣東話，點解你夾硬要改變呢？我覺得香港一定唔可以改變，咁樣係會自己毀滅自己文化，而粵語係一個好長久嘅文化，一個有智慧嘅政府，應該要包容民族嘅多元性，而唔係毀滅少數民族同文化，我覺得呢個係冇智慧嘅政府。」化妝：Hubei Har髮型：Ivan Lee of Headquarters服裝：Sacai、Boss





來源: http://hk.apple.nextmedia.com/entertainment/art/20160313/19527280

---

【幻覺嚟嘅啫】點起香煙飲啖酒　不快其實溜不走

1 : GS(14)@2016-11-23 07:54:19

吸煙的減壓效果只是錯覺，經常吸煙更有機會令人變得遲鈍和呆滯。



「點起香煙飲啖酒，所有不快都溜走！」這樣想就大錯特錯，因為長期吸煙有機會令人患上抑鬱症！精神科醫生傅子健指，香煙的主要成份尼古丁，有一種很特別的特性，低劑量的確有提神作用，是興奮劑，但當「食到煙駁煙，一日食兩三包」，它的作用就會相反，變成中樞神經的抑壓劑，令人變得遲鈍和呆滯。



傅醫生續指，不少行為上的習慣，如啪手指、食香口膠等，都可以分散我們的注意力，吸煙的過程亦然，是煙民的習慣和手癮，加上尼古丁會使人上癮，煙民便暫時將壓力轉化成動作。簡而言之，亦即煙癮起，食番支煙可以「頂吓癮」，舒緩煙癮引起的焦躁情緒，造成可以減壓的錯覺。除了吸煙，不少人都認為飲酒可以減壓，傅醫生指，酒精的作用類似麻醉藥，可以減低神經細胞的活躍程度，不過效果非常短暫：「有時喝過酒，夜晚三、四點就會醒，這正因為酒精已經新陳代謝了。真正的問題根本沒有解決，酒精只不過是暫時嘅麻醉，對減壓而言，其實百害而無一利。」吸煙和飲酒無助減壓之餘，更有機會令人患上抑鬱症，傅醫生提醒：「任何中樞神經物質，包括煙、酒和安眠藥等會上癮的物質，可能會令某些人士比較容易出現抑鬱病徵，甚至誘發真正的抑鬱症。」有指吸煙人士在飲酒時會特別想吸煙，甚至有已戒煙人士飲酒時，會不自覺地抽煙，傅醫生澄清：「其實煙癮和酒癮兩者沒有必然關係，只不過很多人吸煙時會一併飲酒，令這個組合變成意識形態上的習慣，每次食煙就想起飲酒，每次飲酒就想起食煙，但兩者在醫學上其實沒有直接關係。」另外，有指吸煙同時飲酒會更易醉倒，傅醫生解釋：「當兩種抑壓劑同時存在，亦即尼古丁加酒精，當然會令人更加易醉，但需要很多份量才行，例如短時間內吸了一包煙，都會令人更加易醉。」資料來源：精神科醫生傅子健記者：李煒汯攝影：徐振國


酒精的作用類似麻醉藥，可以減低神經細胞的活躍程度，不過效果非常短暫。

精神科醫生傅子健



來源: http://hk.apple.nextmedia.com/su ... t/20161123/19842577

---

點擊破百萬承諾找數溫泉過山車點起好？

1 : GS(14)@2016-12-01 00:01:24

日本別府以浸溫泉聞名，別府巿長長野恭紘早前製作宣傳片，竟大膽將機動遊戲與溫泉合二為一，巿長更承諾若影片達100萬點擊就會成真；結果影片在網上瘋傳，截至今天早上點擊率突破200萬，長野恭紘真的「找數」嗎？他承認自己「玩大咗」，但承諾：「我會兌現諾言。」長野恭紘坦言，沒想過瀏覽次數會這麼快突破100萬，對反應熱烈感到驚訝，笑說覺得自己把事情「搞垮了」，但他承諾：「這個當然，因為許下了承諾，（所以）會實現的……由現在開始討論預算、規模及場所，也應擔心溫泉水令金屬腐蝕的問題。不過，我們正以一年內開園為目標的方向努力前進。」那宣傳片的情況能實現嗎？他無正面回應，只是說「首先會成立負責小組」應對。宣傳片請150名義工脫去衣服，僅以毛巾包裹身體於一個主題樂園拍攝。他們一邊浸溫泉一邊玩過山車和迴轉木馬等機動遊戲，連乘纜車都可以浸溫泉水。一對情侶在過山車下的長椅食雪糕，被濺出的溫泉水倒頭淋，十分搞笑。宣傳片更獲消防當局協助，運送逾12噸溫泉水到公園拍攝。影片周一上載YouTube，長野恭紘在片尾登場，聲言片段若達100萬點擊，溫泉樂園就會成真。影片在網上瘋傳，100萬點擊在周四達標，更成為日本話題之作，不少人都對這構思非常期待。日本時報/TBS NEWS/英國《都巿報》




來源: http://hk.apple.nextmedia.com/international/art/20161130/19850475

---