藝人易招交通事故？蔡思貝亂切線被攔腰撞
1 :
GS(14)@2016-11-06 15:49:10道路使用者最緊要小心，有唔少藝人朋友都發生過交通事故，最離譜就係蔡思貝亂咁切線，搞到佢架車被攔腰撞到。方中信早排因為大台劇又再度人氣急升，不過就好不幸早前佢喺九龍城侯王道，揸住Tesla電動車同一架七人車相撞，路邊圍欄被撞毀，有1名女途人受傷。阮兆祥早前阮兆祥被影到喺大埔揸住佢架綠色平治私家車逆線行車，事隔一個星期佢駕揸住同一架私家車載住女友，喺沙田失事狂撼貨車車尾，全車繼而爆炸起火，幸兩人及時下車逃過一劫，全車燒成廢鐵。王祖藍喺2010年王祖藍揸車離開將軍澳電視城，喺環保大道時被一輛切線泥頭車攔腰撼撞，全車在路面打轉。意外中，王祖藍並無大礙幸好只係右手擦損，腰部扭傷。王祖藍事後憶述：「我以為自己死梗……感謝主！」細細粒今年年中，陳嘉佳（細細粒）喺黃埔違例泊車被屋苑保安員鎖車，她情急下跟對方起爭執，細細粒接受《蘋果》訪問時提起座駕被鎖顯得十分勞氣，事件曝光後，不少網民均認為細細粒做錯兼「惡人先告狀」，最後細細粒喺fb拍片道歉。蔡思貝7月蔡思貝揸住甲蟲車，由金鐘紅棉道駛去灣仔時，原本只可直路駛往告士打道，但佢喺燈位突然轉右，畀鄰線直行嘅的士攔腰相撞。而蔡思貝當晚仲如常出席活動。
來源:
http://hk.apple.nextmedia.com/entertainment/art/20161106/19824493