建制舉錯手陳鑑林憑感覺點票
1 :
GS(14)@2016-03-14 01:13:32【本報訊】前日立法會財委會表決高鐵撥款時，有建制派不論贊成和反對均舉手，財委會代理主席陳鑑林稱，自己是憑感覺決定，「唔會點到底有幾多隻手」。有泛民認為這反映建制派「連投緊乜都唔知」，可成日後司法覆核的理據。前日首次表決高鐵追加撥款時，有19名建制派舉手贊成，但表態反對時亦有13人舉手，包括民建聯譚耀宗、鍾樹根、葉國謙、工聯會陳婉嫻、無政黨謝偉俊等，事後有泛民質疑投票無效。
陳婉嫻：投票咪舉手囉
鍾樹根和葉國謙回應指當時太嘈吵，鍾說：「我以為陳鑑林話係咪再要去舉多次。」葉則歸咎泛民太嘈令舉手贊成後「隻手冇擰番落嚟」。陳婉嫻則否認有份反對，「我只不過投票咪舉手囉，反對時應該落番隻手」。經民聯梁美芬則只在表態反對時舉手，她回覆傳媒查詢時亦推說因太嘈吵，但翻看當時影片後就改口指自己舉手其實要投訴。陳鑑林昨承認點算舉手表決是憑感覺，指「我哋係唔會點到底有幾多隻手，我哋通常會睇支持嘅多，抑或反對嘅多」。工黨何秀蘭批評，建制派贊成和反對都舉手，反映他們「根本連投緊乜都唔知」，「就好似一個機器咁開咗都唔識閂番」，認為這可成司法覆核理據。不過法律界郭榮鏗指，法庭尊重三權分立，估計就撥款表決提司法覆核不易獲批，據終院就梁國雄案的判詞，法院「唔會輕易介入立法會嘅內部事務，即使係有議員或者主席違反咗議事規則都好」。前立法會主席范徐麗泰認為，贊成和反對都舉手「當然唔正確」，指身為議員，連舉手贊成或反對甚麼都不知道就應解釋。前立法局主席黃宏發雖指，這次表決無違反議事規則，但可以透過提醒舉手贊成的議員先放下手，然後才要求反對的議員舉手來改善問題。■記者呂浩然
來源:
http://hk.apple.nextmedia.com/news/art/20160313/19527626