|
||||||
|
大茶飯往往一煲 就要十幾年！唔信？不妨睇睇聯合能源（467）。十幾年前，東方集團暨民生銀行（1988）副董事長張宏偉接手絲質成衣公司特時泰，成為第一代南下買殼嘅 內地民營企業家，跟住，佢將特時泰變身聯合能源，進軍石油同天然氣業務，搞到家陣先叫做有聲氣，仲剛剛拜訪完巴基斯坦總統札爾達里、總理同石油部長等一眾 高級官員。 據聞，雙方就聯合能源收購英國石油喺巴基斯坦油氣項目傾掂數，石油部長侯賽因仲應承加快批聯合石油今次單收購。聯合能源收購嘅項目，初步有10億桶以上儲量，海上部份嘅油氣田規模仲有機會成為墨西哥灣第二……唔怪得巴基斯坦咁好招呼喇！ |
||||||