愛錯夏韶聲梁詠琳患抑鬱避走13年中環現身
1 :
GS(14)@2017-02-12 15:36:462017-02-02 NM
離開娛圈十三年，扮鬥雞「B嫂」出位的前大台藝人梁詠琳（Jay），03年跟人夫舊愛夏韶聲因財反目，自此退出幕前，定居三藩市。當時未完全放低這段孽緣的她，搬去美國初期出現抑鬱，經過時間的治療，梁詠琳重新振作，事業順利，飛返香港露面兼掃貨。雖然47歲仍未婚，但數年前終於遇上好男人，據閨密譚玉瑛透露，她現在「生活得好好」。促成夏韶聲處男個唱
八八年參加新秀歌唱比賽入行的梁詠琳，○三年離開香港銷聲匿跡。事隔十三年，本刊日前發現孭住背囊，著運動衫的她，跟女友人在中環ifc人逼人掃減價貨，套用前B嫂金句「有衫買可以唔食飯」，梁詠琳表現興奮，左手拎住手袋和幾件貨品，右手依然冇停繼續尋寶，同行的女性友人亦不時走埋她身邊密密斟，研究買邊件好，兩個人，全程講番話，英語對答。當年決心退隱到美國，都是與風流的夏韶聲有關。○三年被夏韶聲第三任太太Bi Bi唱爆做第三者的梁詠琳，其實早在九五年拍電視劇《刑事偵緝檔案》，已跟對方撻着。愛情至上的她，不理人言可畏，九八年跟人夫男友合作開公司推廣唱片搞演唱會，夏韶聲的第一個紅館個唱，便是梁詠琳一手搵贊助促成，夏韶聲更曾經公開指她是「近期最重要女人」。
人又冇錢又冇
孖咇開工，又被拍到在男方屋企過夜，夏韶聲更聲稱一早獲老婆御准。周旋在情人與老婆之間，夏韶聲甚至有辦法令兩個女人都為他講盡好話。直至○一年，梁詠琳發現跟夏韶聲合作的公司Shower Music，自己原來不是股東之一，更沒有資格分紅，自言被欺騙多年的她，忍不住接受訪問，大數對方。為錢決裂，但多年感情不易放低，心軟的梁詠琳之後突然轉軚，將因財反目一事孭上身，「都係我唔好……佢（夏韶聲）其實係個好男人。」幫口解畫，但二人最後還是分手。
唱兒歌發亮
在娛圈的日子，梁詠琳的「名作」除了和夏韶聲糾纏不清的三角關係，還有在大台搞笑劇《娛樂反斗星》中飾演「張蓉」一角，將前B嫂章小蕙演繹得維肖維妙。不過扮嘢唔係最耍家，88年參加新秀的她，不敵冠軍譚耀文和季軍鄭秀文，攞唔到獎但照入行。在大台做過《閃電傳真機》主持，同一代的拍檔有譚玉瑛、黎芷珊及黃智賢。失落新秀的梁詠琳，卻在兒歌「發亮」，憑住一首《如果一打》，從朱茵及《閃電》元老譚玉瑛手上攞到兒歌金曲獎。
美國展開新生活
跟夏韶聲分開後，飽受情傷的梁詠琳決定離開傷心地，一直有做葡萄酒生意的她，先後到歐洲及美國深造品酒課程，之後索性留在美國工作生活。這些年來，除跟出道合作做兒童節目《閃電傳真機》幾個主持保持聯絡外，梁詠琳與圈中人幾乎斷絕來往；更有指她曾經抑鬱，在美國定居一段日子後，才完全康復。「Jay表面好似冇乜嘢，但當時嘅佢真係好傷，好多朋友同佢食飯餞行，都知大家有排唔會見，因為Jay決心開始新生活，唔想再返香港勾起啲傷心回憶。」知情者說。
有固定男友
對於梁詠琳的近況，好友黎芷珊說：「佢有個好穩定嘅男朋友，拍咗拖幾年。上次（去年四月）見佢嗰陣都未結婚，而家就唔知啦。」至於閨密譚玉瑛也表示戥好友開心：「佢生活得好好，做嘢好叻，成日都聽到佢話升職，佢而家有男朋友，但仲未結婚。」
傷盡何寶生
梁詠琳因為夏韶聲而飽受情傷，但她也曾傷盡另一圈中男的心。對方正是當年大台小生，05年出家修佛的何寶生。93年，梁詠琳與何寶生拍拖，更是男方首個承認的女友，不過戀情只維持一年，有傳失戀的何寶生一直好傷心，05年更出家為僧，法號釋道生。至於梁詠琳則跟蔡少芬返「藝人之家」，成為基督徒。兩人向左走向右走。
情傷的女人
年關難過，情關更加難過，唔少圈中女星，因為情傷，搞到自己千瘡百孔。
Amanda S.14年，名模Amanda S.宣布跟拍拖八年的意籍老公結束三年夫妻關係，自言曾經力挽這段十一年情，可惜未能成功。恢復單身後，Amanda放長假去勻整個東南亞療傷。
張曼玉12年，在情路不停兜轉的張曼玉，宣布跟德籍建築師男友Ole Scheeren分手，並搬離二人北京愛巢，返港逃情，缺乏愛情滋潤的她，一下子暴瘦至唔夠一百磅。
撰文、攝影、攝錄：娛樂組
風流半生未到無憾大劉嘆戇居愛錯
1 :
GS(14)@2017-04-13 22:40:29■大劉笑言年輕時口才了得：「讀緊中學、大學嗰陣好識講嘢，好識搞氣氛。」（版權所有．嚴禁盜用）
【劉鑾雄講大劉】【連載系列之十五 健康要緊】富豪劉鑾雄接受本報獨家訪問，今集講到女人和喜歡聽的歌曲，大劉曾經歷過一腳幾船，明星港姐女友情史一籮籮，到底哪個才是他一生中最愛？好奇心一族當然想聽到大劉親口講答案，但相信大家會失望，他直言不會開名評論：「每一個女朋友，每一個女性朋友，大家人與人之間都會有感情，感情都有唔同程度，有深淺同輕重。我當然唔會答你邊個重啲，邊個半斤八両、邊個十六両。」
■大劉風流半生，不過他坦言：「今日有100個靚女喺我面前，都無動於衷。」
■譚詠麟的情歌是大劉的至愛。資料圖片
對靚女無動於衷
自認「都有戇居過」的大劉，愛情方面曾落錯注，十分後悔，他說：「嘥咗十幾、二十年，冇專心事業，嘥埋時間喺無謂女人身上。雖然有啲老友同我講『Joe，我羨慕你！你寧願後生嘆咗，年紀大嗰時做生意搵錢都未遲，有時你遲啲想搵錢時未必有機會，未必有咁好運嘛！』各有各睇，可能有啲人羨慕我後生咁happy，但我睇番轉頭，?家後悔，後生嗰時唔好咁happy，搵多啲錢。」問到大劉風流半生，會否感到無憾？他直言：「又唔可以講無憾，睇番轉頭係鏡花水月，乜嘢都試過。唔同年紀感覺唔同，如果?家我16歲、18歲，梗係話好enjoy，但今日你同我講，有100個靚女喺我面前，都無動於衷。」大劉外形強勢，但他自言是個很易心軟的人，而且感性，還喜歡聽歌，但通常都是不開心才會聽歌：「徐小鳳有首《大亨》，嗰時捱得最辛苦嘅，他拚命追，我拚命追，追得到又如何？薰妮嗰首《每當變幻時》，40年前，我捱得最辛苦都未掂。」
最愛譚詠麟情歌
此外，大劉亦愛聽情歌，譚詠麟的歌更反映他矛盾的感情抉擇：「我都做過後生仔，都試過窈窕淑女，君子好逑。有啲情歌我都鍾意聽，《一生中最愛》，『寧願一生都不說話，都不想講假說話欺騙你』，自己都曾經有過呢啲心境；《遲來的春天》，『不應去愛，無奈卻更加可愛』，每一個男仔都曾經投入呢啲情歌感動，我唔係一出世就8、90歲㗎！」採訪：陳月媚攝影：陳俊強
【Timeline】手機用戶請按此，瀏覽「傳奇狙擊手劉鑾雄」:
http://bit.ly/LAU-timeline【話你知】同大劉有關係嘅名人、美女有幾多?即睇「大劉人物關係圖」:
http://bit.ly/JosephLau
來源:
http://hk.apple.nextmedia.com/entertainment/art/20170413/19988434