重慶爛尾樓傳賣畀港富豪
1 :
GS(14)@2012-05-03 23:47:21http://hk.apple.nextmedia.com/te ... 307&art_id=16302747
本報訊】重慶變天後，當地新政府着手為前朝收拾爛攤子，包括為「薄熙來時代」遺下的不良資產尋找買家接手；不過，獲撿「便宜貨」的「入場券」卻非當地龍頭民企，而是過往一直被視為外資的港資企業，此舉似乎有意與前朝劃清界線。
曾斟長和系及瑞房
路透社引述消息稱，重慶官員正密鑼緊鼓地出售一系列不良資產，並主動向本港上市的發展商接觸，測試其對相關地產資產的興趣；獲政府睇中接貨的發展商包括本港地產巨頭長和系，以及在重慶持「重貨」的瑞安房地產（ 272），惟未有透露有關資產內容。
不過，在重慶起家並一直視之為發展基地、兼且在當地持有不少投資的龍湖（ 960）卻未有入局，龍湖發言人接受本報查詢時未有正面評論。
據悉，龍湖目前仍不太掌握具體情況，暫亦未有政府相關人員與公司洽商接手資產事宜。
本報曾向長和系查詢，但至截稿前未獲回覆。另一被「睇中」的發展商瑞房發言人則稱，迄今為止，公司在重慶未有就任何新項目與當地政府洽談；其實同系的瑞安建業（ 983）一直有在內地收購爛尾樓進行「加工」後再出售，瑞安發言人回應稱，公司一向在內地不同城市尋求發展機會，但目前並無收到有關資料，然而公司一向對重慶房地產市場深具信心，會繼續在重慶及其他經營所在地物色有潛力的新項目。
有分析員指出，當地政府之所以向港資大派「入場券」，相信是由於港資相對較為「乾淨」，事實上不少本港發展商均鍾情於重慶，除長和系外，九倉（ 004）及信置（ 083）在當地亦有投資，其中和黃（ 013）早於廿多年前已「插旗」。
在重慶前市委書記薄熙來過去大興土木下，令當地欠下一屁股債，單計當地最大的 12間投資旗艦欠下債務便高達 3630億元人民幣。
2 :
Ar Yan(11362)@2012-05-04 00:29:47佢地當誠哥係傻仔呵
3 :
鉛筆小生(8153)@2012-05-04 00:34:172樓提及
佢地當誠哥係傻仔呵
應該唔好, 會係一嗒沙糖一嗒屎
只係誠哥含糖量比較其他的多
4 :
鱷不群(1248)@2012-05-04 20:20:57龍湖自己都驚俾人抄家，點幫手
5 :
GS(14)@2012-05-04 22:00:464樓提及
龍湖自己都驚俾人抄家，點幫手
龍湖好神奇
6 :
鉛筆小生(8153)@2012-05-05 08:45:43龙湖地产有限公司（香港联交所股份代码：960），创建于1994年，成长于重庆，发展于全国，是一家追求卓越、专注品质和细节的专业地产公司。集团总部设在北京，现有员工4000多人，业务领域涉及地产开发、商业运营和物业服务三大板块。公司于2009年11月19日在香港联交所主板挂牌上市。
不一定被抄家, 老板像是小平派
7 :
GS(14)@2012-05-05 12:36:436樓提及
龙湖地产有限公司（香港联交所股份代码：960），创建于1994年，成长于重庆，发展于全国，是一家追求卓越、专注品质和细节的专业地产公司。集团总部设在北京，现有员工4000多人，业务领域涉及地产开发、商业运营和物业服务三大板块。公司于2009年11月19日在香港联交所主板挂牌上市。
不一定被抄家, 老板像是小平派
http://realblog.zkiz.com/greatsoup38/15232
爽視彈：賣畀亞視！ 朱國亮
1 :
GS(14)@2013-03-30 23:10:50http://www.sharpdaily.hk/article/entertain/20130215/175213
特首話免費電視發牌「複雜得不得了」，激得王維基說要在農曆年後策動全台職藝員到政府總部外靜坐抗議，等吓等吓，暫時仲未有聲音，不知是否過了初十五才行動。
看王維基農曆年拉隊在《蘋果日報》舞龍宣傳，其實也真替他擔心，不是發牌的問題，而是……這夥藝人，能擔當主角的又有幾人？男的夏雨、林文龍、黃日華？女角張可頤還是廖碧兒？坦白說，觀眾貪新鮮又善忘，時間越久越不利。
HKTV強調創新，究竟拍了些甚麼劇？同志劇？懸疑探案？無綫的《天與地》叫好不叫座，《心戰》創新但收視不濟，阿媽話唔知講乜！點先係好？有冇優先場？據周家怡所講她已拍了兩齣劇，5月會再拍一齣。拍拍埋埋儲存越來越多總要有出路，王維基經常說讓觀眾多選擇，不如平平地賣畀亞視，觀眾即刻有得睇！
朱國亮
逢一、三、五
【果籽人話】做35年燈飾未厭過 「青春賣畀時代廣場」
1 :
GS(14)@2018-01-07 16:24:57今年是黃劍山投身燈飾行業的第35個年頭。
「你問我，天生都係做燈架喇，走唔甩，聖誕燈飾玩咗我35年，你話我一生人係唔係同燈結下不解之愁？真係唔知究竟係燈揀我，定係我揀燈，一生人有幾多青春？有幾多個十年？我全部都畀晒燈喇。」59歲的黃劍山如是說。
每年聖誕前夕，黃劍山這位「聖誕燈飾大王」總是特別忙，不止要籌備維港兩岸的聖誕燈飾，還要接受傳媒訪問，他說今年特別多訪問，無他，只因今年是他投身燈飾行業的35周年，是值得紀念一下的。你和我從小看到大的聖誕燈飾，大部份都是出自他手筆，「永安廣場、九龍香格里拉、尖沙咀中心、帝國中心1、南洋中心、新鴻基中心、中信泰富大廈、和記大廈、銅鑼灣信和……太多了，記不到那麼多，以前成個尖東，18座樓都有聖誕燈架，而家少咗好多喇。」
尖東海旁的一組燈飾，多年來都由黃劍山負責。
銅鑼灣信和的聖誕樹燈飾和新鴻基中心的「三皇來朝」，都是黃劍山的大作。
以前的聖誕、元旦和農曆年，他例牌要留守尖東海旁，直至燈飾熄掉，確保無事無幹才能安心歸家大覺瞓，天寒地凍，都咪話唔辛苦，還要應付不少突發事，「試過見到一串燈着火，要即刻9秒9跑過對面馬路熄消防掣，好危險！因為以前技術冇咁高超，啲燈成日壞，做完一次聖誕燈，真係會虛脫。」這一行，令他從來沒有假期觀念，「你唔好同我講holiday同星期六日，唔關我事，我好細個已習慣，做呢行就預咗，我年初一要開工，食食吓團年飯收到電話就要出去，初二開年，一樣瞓醒又要開工，每年12月31日，我都要喺時代廣場撳蘋果（倒數），搞一個倒數唔係咁簡單，要好小心，你知嗰度幾鬼多人！又要做直播，有乜冬瓜豆腐就會瀨嘢，如果蘋果唔着燈，你話會點？咁緊要你夠唔夠膽交畀伙記做？點解我廿幾年來都堅持自己做倒數？因為我有句格言，『做好一百鋪，唔夠衰一鋪！』我呢世人就賣咗廿幾年青春畀時代廣場。」「做好一百鋪，唔夠衰一鋪」，這句格言，他在訪問中說過不下五次，因為他在1986年英女皇訪港前夕，曾經衰過一鋪，「嗰年我做咗4件燈飾，香格里拉、尖沙咀中心、帝國中心同假日酒店，但一個三號風球，吹走咗，要重新再做，得返兩、三日時間，發生時我已經兩日兩夜冇瞓覺，臨急搵一大隊人幫手做，做咗18個鐘，英女皇上船一剎那，着燈，完成。」這一鋪，令他清袋，蝕了很多錢，「當時本身儲咗三十幾萬，準備買舖做批發行，但輸咗，咁點呀？又再重頭來過囉，一直做到今時今日，都開心架，你問我，叫做有高有低囉。」但樂觀一點想，這一鋪，間接令他有今日的成就，未必是壞事。
麼地里的雪花燈飾，又的確幾靚。
他不時會「微服出巡」，看看途人對燈飾的評價。
和他在尖東遊走了一回，從他的眼神，看得出他很欣賞自己的大作，經過麼地里，很多人駐足欣賞懸掛在帝國中心和尖沙咀中心之間的雪花燈飾，又有大量人set好腳架影相，黃劍山有點得戚地說了一句：「點解咁多人影？因為靚囉！」的確，又真係幾靚的。再走到南洋中心，燈飾是一隻狗圖案，他又爆了一句：「因為下年係狗年，所以整狗，我哋都做到隻狗咁呀！」說話爽快兼語速像機關槍的他，原來幾風趣。很多時他會去尖沙咀碼頭一帶，為的是看看途人舉起相機影哪一個燈飾，「如果有二十個人，有十五個人都影同一個燈飾，就即係好靚囉，聽到人哋讚好靚，你話開唔開心吖？呢種無形嘅開心係用錢買唔到。」同一份工，打了35年，點解可以唔悶？黃劍山說：「係囉？點解？最緊要一件事，就係夠我生存，養到家，兼搵到多餘錢，一日唔係搵三餐，係搵五餐，我又可以做得開心，活在其中，享受其中，樂在其中，係好難得，我可以同你講，我未厭過，仲諗緊出年啲燈點做。」聖誕燈飾每年五月就要開始準備，令黃劍山忙得不可開交，但他仍然很喜歡這節日，「我唔怕聖誕節，仲好開心過聖誕，咁多人陪我睇燈飾過節，絕對係開心嘅，其實我每日都過緊聖誕節架。」
1989年，中港城的聖誕燈飾是米奇老鼠。
1990年，尖沙咀新文華中心的農曆年燈飾。
香港的聖誕燈飾，老老實實，我覺得每年的變化不大，甚至有點老土，仍停留在十幾廿年前的款式，黃劍山說：「其實燈飾係有變化，只係你哋普通人留意唔到，有時係因為大廈業權賣了，預算唔多，所以燈飾演變都唔大。南洋、永安、東海，呢三十幾年都冇乜變過。」近年，尖東海旁看燈飾的人，比從前少得多，氣氛也不及以前濃厚，「其實都多人欣賞，只係喺唔同角度欣賞箒，主要因為商場多咗，食肆又上咗大廈，可以邊食飯邊睇，唔一定要行到海旁，我覺得仍然有聖誕氣氛的，不過分散咗，唔係聚埋一齊嘅氣氛囉。」今年已屆59歲的黃劍山，一同工作的戰友，大部份都並肩作戰了幾十年，但有部份已轉行揸的士、裝修，他卻從沒有想過轉行，「都係嗰句，燈揀我，我揀燈，我應該係同燈合為一體。」育有三名子女的他，大女已碩士畢業，二女都大學畢業，么子則正在英國讀書，等候升大學，他們又可會是爸爸的接班人？「之前我冇諗過退休呢兩個字，但年紀大，會開始諗諗，但唔會係呢兩、三年，如果我啲仔女有興趣，就留畀佢哋囉，冇興趣的話，就有能者居之。」既然未言休，他還有一個小小的目標，「例如整一套音樂配燈飾畀人欣賞，或者在海中心做一組燈飾，冇人做過嘛！我諗應該好過癮。」記者：黃子配攝影：伍慶泉、張志孟
來源:
https://hk.lifestyle.appledaily. ... e/20171225/20254657
Next Page