女友受訪指控 林：唔想反駁，怕害咗佢
1 :
GS(14)@2016-06-20 05:34:37【本報訊】《星島日報》繼前日刊登銅鑼灣書店職員呂波和張志平反駁林榮基訪問後，昨再刊登林居於深圳的胡姓女友「專訪」（圖），指有人存心利用她協助在內地轉寄書籍，批評林將二人關係曝光是自私行為，哭訴林不是男人。林榮基受訪時坦言對女友感愧疚，但不想反駁，避免造成傷害。林榮基上周透露內地有女友時並未透露女友姓名等詳情，但其37歲姓胡女友接受《星島》訪問時卻稱在電視新聞片段看到林提及她，令兩人關係曝光。她指一年前在網上認識林，林向她稱與在港的太太關係不好，承諾盡快離婚後娶她。胡女報稱之後被「洗腦」，哭訴被人存心利用協助在內地轉寄書籍，大罵林不是男人。她指兩人去年10月被內地機關抓獲，本年3月胡女獲准取保候審。針對林指稱扣押期間被迫簽名放棄請律師和通知家人，胡女指內地當局向他們稱有權聘請律師，但二人不想家人知道他們關係，才提出不請律師及不告知家人，指林所說內容是編造出來的謊言。林榮基接受訪問時強調「我梗係男人」，透露與太太分居兩年後才認識該女友，「佢（女友）咁樣講係正常，我幫唔到佢我好慘，我知佢會咁講」。他直言對女友感愧疚，「我講乜都冇用，佢聽唔到，所以慳番啖口水」，承認公開真相後「犧牲最大係女友，我沒法再見到佢……我同佢嘅關係判咗死刑」。問及為何找女友幫忙寄書，林解釋因在2013年帶書返內地時曾被捕，自此將書寄到東莞，再轉寄內地其他地方。他強調寄書不是寄毒品，「但被內地指是反黨的書」。至於被書店其他職員反駁，林嘆喟：「如果我每一次都同佢哋對質，真係害咗佢哋，因為佢哋違背自己嘅良知講嘢，所以我唔想對質，唔係因為我講嘅唔係真話，係因為會害咗佢哋，令佢哋難過，何必呢。」
網民質疑大陸電視不會播
林披露李波原被安排本月27日返內地，「我估佢唔會上，因為共產黨怕人知佢哋議程，27號唔上去就證明我哋講嘅嘢係真」。不少網民質疑胡女訪問內容造假，「人哋又冇講個女友乜名，佢唔出聲冇人知啊。而且大陸電視唔會播呢啲新聞，一播就插廣告，佢點睇到？」時事評論員劉銳紹指林榮基洩露事件，對官方不利，內地慣常發動輿論審判，對當事人人格謀殺。■記者謝明明
來源:
http://hk.apple.nextmedia.com/news/art/20160620/19661753
財經評論：一句害咗打工仔16年的話
1 :
GS(14)@2018-02-13 03:17:03■劉德華當年廣告金句，轉眼16年，多年來害苦了不少服務業打工仔。互聯網圖片
劉德華當年廣告金句「今時今日咁嘅服務態度唔夠㗎」，轉眼16年，多年來不知害苦多少服務業打工仔。撈咗很多年地產的A姐見盡百客，有好客變常客，又有苛刻無理到凌晨搵你的衰客，甚至毛手毛腳的賤客，但最乞人憎是浪費時間無幫襯又炫耀秤身家的臭客。
A姐話:「問佢層樓賣唔賣，佢話搵到買家自然賣。搵到買家畀到價，又話市旺要反番口價。反咗價，講到買家追口價，又扭扭擰擰話諗吓。諗到買家走咗啦，又話搵個第二個好無呀。隔一排，無客啦，又call班行家話賣呢賣樣啦，跟住又係有客到價，佢又反價，其實只係秤身家。」問她還湊不湊這個客？她反問：「臭客仲湊？」迷信顧客是對的，客人只會越得戚。某航空公司按乘客幫襯次數，分若干級別，最高級別的鑽石級會員往往是最令一班空姐望而生畏的貴客。有位乜生是香港人，搭飛機睇《蘋果》，講電話講廣東話，偏偏要求空姐同佢講話要講英文，是識睇中文識講廣東話唔識聽？還是制服混合英文是一種刺激多巴胺的化學作用讓他有賓至如歸的感覺？天曉得，反正客人永遠是對的，空姐只管說：「Sir，may I help you?」萍水相逢，互相尊重，去到連自己都頂唔順、聽落會反胃、做落覺折墮的無理要求，就咪鬼要人做。人人要搵食，山水有相逢，今時今日咁嘅顧客係唔啱㗎！記者：陳家雄
來源:
https://hk.finance.appledaily.co ... e/20180208/20299110