深明女人之躁猷啟女友M到 自己玩
1 :
GS(14)@2016-09-06 04:42:19■猷啟前晚獨自現身晚會，透露女友不適未有同來。
賭王何鴻燊三房孻仔何猷啟、蔡李蕙莉與女兒蔡加怡及新抱汪圓圓，以及王賢誌等前晚現身會展，出席東華慈善活動。猷啟就獨自現身，未有帶同近日來港探他的以色列女友Angelika出席。記者問他為何不帶女友前來，他腼腆地透露女友「女人嘢」不適。再問到女友平時月事來臨會否向他發脾氣，他表示：「又唔會，係心情煩躁少少，都明白嘅，陪佢多啲。」
聞咬鼻面紅
猷啟透露女友留港兩星期後便返以色列，他表示不捨得女友：「會keep住兩至三星期見一次，同埋有FaceTime。」提到二人未能共度中秋兼見家長，猷啟表示：「冇乜嘢所謂，鬼佬冇呢啲嘢，都早得滯，爹哋媽咪未見過，遲啲先。」之前，二人於街頭拍拖糖黐豆，咀得肉緊的他更咬到女友的鼻，他面紅尷尬地說：「係呀，要控制吓。」會否要求女友到亞洲工作，爭取時間多些見面，他表示：「啱啱開始，冇理由叫對方過嚟，佢有佢自己嘅嘢做，睇吓將來點先。」
■猷啟與以色列模特兒女友Angelika熱戀中，不時公然肉緊咀女友。資料圖片
■何超蕸落力支持現場義賣的月餅活動。
■蔡加怡前晚與老公陳漢驄出席，並透露兒子剛滿月，早前一家人食飯慶祝。
對於家姐超蓮榮升上市公司勵駿的非執董一職，他表示會慶祝：「呢幾日未見到佢，等女友走咗就同佢慶祝，各有各忙。」提到他的前內地女友劉佳佳被指是內地男星王寶強小三，他表示：「好似話係假嘛？我睇到新聞都呆咗，唔敢相信，估唔到。」同場的蔡加怡透露細仔剛剛滿月，一家人食飯慶祝，更影全家福：「爸爸媽媽加埋八個孫，好難控制，不過全部都冇喊。」採訪：曹家誠攝影：仇志德
來源:
http://hk.apple.nextmedia.com/entertainment/art/20160905/19759959