ZKIZ Archives


Value + Marco = time frame錯配,危害健康 Consilient Lollapalooza


http://consilient-lollapalooza.xanga.com/717036224/value--marco--time-frame%E9%8C%AF%E9%85%8D%EF%BC%8C%E5%8D%B1%E5%AE%B3%E5%81%A5%E5%BA%B7/


今年見唔少hedge fund尤其係Value Managers,都加左唔少Marco的考慮。佢地present時,都認為在海潚中吸引到的教訓是,要配合Marco去調較net exposure,去控制好風險。

我自己也有做value investing的東西,但要在value investing之上加上marco,是很難的一件事。問題是如果睇公司的價值,閒閒地看好佢未來三五年,但看Marco的話,可能只可看倒三五個月。

如 果看好公司三五年,但未來三五個月宏觀因素麻麻地,點算呢?這個是Time-frame錯配的問題,我諗唔倒有咩方法解決。既然不能增加看marco的視 界能力,或者是把看價值的time-frame縮短至1-2年吧~聽過的演說中,我感覺到現在”長線投資”的定價大概是1-3年左右。

再者,marco做起來可能吃力不討好,最慘是把value manager的上乘武功克制住,難以發揮。中間產生的confusion/Anxiety,可以想像。Time-frame 錯配,危害健康呢~

Value Marco time frame 錯配 危害 健康 Consilient Lollapalooza
PermaLink: https://articles.zkiz.com/?id=12958

It‘s show time 巴黎的價值投資

http://parisvalueinvesting.blogspot.hk/2014/05/its-show-time.html
巴黎:

筆者是一個頗為感情豐富的人,女兒和太太常投訴我唱卡拉OK好似周一鑊咁作狀。
當我上網聽完周生的歌風,老實說,自己都頂唔順自己。

感情豐富對投資人非常不利。因為投資是一場赤裸裸的肉搏戰,即使閣下做了一千次訓練,一千次準備,一千次成功,你都會認識到,每一次上檑台應一個新對手,無可避免,你身體必需受到重擊,那痛楚的感覺會非常清晰,然後會漫延,然後你會問自己:幹嗎要活受罪,為何不轉過背在還未被擊倒前下台,還是挻下去,又會是另一次勝利?

80年代有一套迷倒萬千小男女的電影叫"Flashdance",講述一個輸在起步點熱愛跳舞的小女,日間在男人密佈的鋼鐵廠做焊工,晚上在酒吧跳那令人一見難忘之舞,後又如何克服所有困難,穫得成功。完滿的結局,太吸引人了,世間充滿希望。

但那邊廂另一個徐娘半老的女舞者,在差不多的環境,對這位小女不自覺回憶自說自話曾有的風光,曾經的快樂的時刻,然後卻不能和往惜相比的目前環境。

失敗的痛苦可不易忘記,也是個不能逃脱的循環。
這些痛苦經歷丶回憶,要如何才能譲人放得下沈重的腳步,再踏上舞台呢?

那舞者,抹一下眼角淚珠,轉身上舞台前帶苦澀地說:

It's show time

筆者想說什麼呢?

我非常配服一些常常出入市場的投機客,坦白說,自己非常厭戰,很不願意做交易,無論看了幾多年報,公告,比較了多少同業,認為多麼附合價值投資法,多麼有信心,每次做交易還是如同上檑台,非常害怕對手的一拳打到自己的身體上,沒有人能分擔自己的傷痛,非常孤獨。如同最頂尖的投資拳手謝清海幾年前捱了一重拳時非常苦惱地說:五十幾嵗人還給人呃了幾千万!

你縂不能期望對手不出拳,自己永遠買不到騙子公司。

筆者這星期都在整理有關滬港通的組合數據,像一個又要上檑台捱拳的拳手, 忽然我想起自己的書包有一本止痛葯,是Rockerfeller寫給他兒子受挫敗時的一句話,還是趕快在吃拳前吞定幾粒:

 ”挫折是一种磨練,哽下去是苦楚,吐出來是精神。“

年青人,如果你能捱得重拳,It's Your Show Time
It show time 巴黎 價值 投資
PermaLink: https://articles.zkiz.com/?id=99473

Long Time No See

各位,好久不見!

今天重新測試一些電腦上的舊賬戶和密碼,發現原來已經有兩年沒寫Blog了。一直以來寫Blog都是為了分享一些個人意見和感受,但時代轉變,大多數人都改用fb,ig或snapchat 了吧。正如Whatapps 或 WeChat 已漸漸取代電郵和SMS一樣。

好奇究竟還有多少人在看此blog?如果一個月內夠10個留言(門檻好低
Long Time No See
PermaLink: https://articles.zkiz.com/?id=226238

女神 tea time:當佛祖遇上股市

1 : GS(14)@2012-07-05 23:39:28

http://hk.apple.nextmedia.com/financeestate/art/20120705/16485373
女神 tea time 佛祖 遇上 股市
PermaLink: https://articles.zkiz.com/?id=280087

毅行出哲學: Peak at the right time

1 : GS(14)@2012-08-17 11:59:33

http://hk.apple.nextmedia.com/financeestate/art/20120817/16612000
我很喜歡用這詞語── Rise to the occasion,對自己和同事都有這期望,不但要做得好,還要在最應該做好的時候做得好。這詞語的重點是 Rise,意味著要比現在做得更好,甚至是創造自己最好成績。在運動,甚麼時候到達高峰,決定運動員成敗。高峰是 Peak,運動界 Peak可作動詞用,最理想情況是 Peak at the right time,在最重要賽事到達高峰。
我喜歡睇奧運,因為是四年一次,四年一次令奧運變成獨一無二競技比賽,性質變得矜貴,每一個參賽者都帶著一個引人入勝的故事,比賽過程製造出澎湃感情。運動員日練夜練,為了四年一度的一場大賽,稍有差池,四年後見,運動員承受外人沒法理解的壓力。奧運選手要準確計算自己的表現,希望自己在奧運期間 Peak,創出自己最佳成績。
奧運百米決賽 五人創佳績
以最多人關心的男子100米短跑為例,看運動員在奧運期間 Peak能力。所有人的注意力集中在牙買加飛人保特身上,保特在牙買加遴選賽輸給師弟比歷克,賽前不少人質疑保特能否衞冕。結果保特以9秒63奪金,刷新奧運成績,時間比四年前京奧奪金更快,是他三年來最佳成績。保特不愧為地上最強, Peak at the right time,衞冕成功,可牙擦多四年。
能夠出席奧運男子100米短跑,在分組賽出線,晉身決賽,最後八強肯定可稱之為世界飛人。所有人注意力集中在保特身上,我細看其他選手成績,看其他選手有否 Peak at the right time的本領。
決賽八位選手,其中牙買加鮑維爾比賽中受傷。第二名比歷克9秒75,平個人最佳成績;第三名美國基寧9秒79,刷新個人最佳成績;第四名美國基爾9秒80,刷新個人次佳成績;第五名美國賴恩庇利9秒88,平個人最佳成績;第六名荷蘭馬天拿9秒94;第七名千里達李察湯臣9秒98。八人之中,五人以自己最佳或平自己最佳成績完成比賽,這就是 Peak at the right time。其他人做出最好成績,也敵不過保特,賽後大家笑著識英雄重英雄。
不能早不能遲 講容易過做
另外,男子800米賽金牌得主肯雅魯迪沙創出世界紀錄,決賽八位選手中,七人刷新個人最佳成績,另外一位創個人本季最佳成績,這些表現都不是巧合。
Peak at the right time講容易過做,特別是奧運運動員,需要在不同時間 Peak多次,例如奧運選手大都要參加遴選賽, Peak一次不夠,最少要兩次。不少奧運運動員犯的大錯,是早了 Peak,到了奧運,做不出最佳成績。
我好清楚甚麼是 Peak at the right time,因為我接受自己的 Peak已過。我要挑戰自己的 Peak,需要的投入,今日我可能不能付出,或者身體根本負荷不了。今日我仍在跑,其中最大驕傲,是我可能永不能再闖高峰,但我仍認真、開開心心地在跑。
蔡東豪
http://trailwalkerasphilosophy.blogspot.com
毅行 行出 哲學 Peak at the right time
PermaLink: https://articles.zkiz.com/?id=281083

女神tea time:數碼通的神奇之旅

1 : GS(14)@2012-08-30 23:52:26

http://hk.apple.nextmedia.com/financeestate/art/20120830/18003641
數碼通(315)是神奇的企業,等菲菲同大家舉證。
奇事一:數碼通年初第一個,高呼取消無限上網!實行「人有我冇」策略。今時今日,人類對網絡要求只會有增無減,數碼通反其道而行,除咗話佢勇,只可說博鬧。數碼通以為身先士卒可一呼百應?點知行家唔跟仲人棄我取,明抽你水。結果,好型嘅數碼通跪低,11日內閃電轉軚。
奇事二:5月時反高潮,人有4G?佢重鎚推出全新2G手機月費計劃,賣點係鍵盤大、屏幕清,仲有埋24小時「平安鐘」服務。復古嗎?
奇事三:同業上半年公佈推4G,係數碼通CEO黎大鈞企硬唔出,仲寸同行出4G係黐線。最後7月再次跪低,記者會上話8月全面推4G,但同時又踩4G係冇用,超矛盾。最近黎大鈞又褪軚,改9月先推。同時,隆重宣佈3G限速計劃,再次上演「開倒車」。
曾經數碼通以穩定見稱,家經常斷線唔在講,仲要成日表演轉軚跪低,形象半年極速插水。只可以說,黎大鈞,成功化神奇為腐朽。
Fifi
本欄逢週二、四刊出
Fifi
女神 tea time 數碼通 數碼 神奇 之旅
PermaLink: https://articles.zkiz.com/?id=281310

女神tea time:韓星托高港租金 Fifi

1 : GS(14)@2013-04-12 00:41:24

http://hk.apple.nextmedia.com/financeestate/art/20130411/18223868

                  南韓流行曲《可愛頌》(Gwiyomi Song)旋律簡單,加上有如「少女十式」嘅手指舞,令唔少青春少艾(甚至是夏蕙姨)齊齊拍片扮cutie大跳Gwiyomi。不過韓流影響力,又點止係網上洗版咁簡單,連香港物業價都推高埋。
菲菲早排經過行sweet路線嘅中低價韓國化妝品牌Etude House銅鑼灣新舖,一條由少女組成嘅蛇餅長到你唔信。新舖逼爆,最重要原因唔係產品質素好、包裝靚,而係開幕當日向客仔大派南韓男子組合SHINee新碟,搞到粉絲蜂擁而至,人龍變相成宣傳工具。
查實Etude House勁在識揀代言人,炒熱品牌,單係南韓就有400間分店。上年11月打韓星牌攻入香港後極速擴張,至今有3間分店,以銅鑼灣舖為例,月租60萬元,比上手租客高近倍,變相推高銅鑼灣舖租。
其實娛樂產業做得好,絕對可以推動經濟。好似上年大熱嘅《江南style》,成功令南韓文化娛樂產業首錄順差。睇番香港娛樂圈,唉……相形見絀。

                  Fifi
本欄逢周二、四刊出                                                        
女神 tea time 韓星 星托 托高 高港 租金 Fifi
PermaLink: https://articles.zkiz.com/?id=282486

女神tea time: 買樓花送媽媽? Fifi

1 : GS(14)@2013-05-10 01:39:56

http://hk.apple.nextmedia.com/financeestate/art/20130509/18254062

                  中原集團創辦人施永青最近接受訪問時講到,傳媒網上新聞用字越來越俗,已經走火入魔。查實傳媒行通俗路線唔係錯,都係想讀者一睇就明,易於消化。至於通俗到乜嘢程度而又不失真,就要靠記者判斷。
其實地產代理為sell盤,舞文弄墨功力都唔弱,想當年用「窮人恩物」形容荃灣410萬銀單位,金句就成為全城焦點。近月樓市死寂,代理絞盡腦汁度金句吸睛,好似「業主求死」、「收租好過打劫」,寥寥數字,一語道破現實的殘酷,觸動冇錢上車人士嘅弱小心靈。
至於一味靠語出驚人幫助有幾大,大家心照,連施永青都預期,今年第二季代理都要蝕錢。美聯(1200)及中原為求自保,亦開始拓展海外樓盤市場。美聯發SMS邀請菲菲去香港嘅英國樓盤展銷會,首句係「母親節買樓花好過送花」,果然又才子上身。
有能力嘅,送樓花有乜所謂,慘在後生仔連上車盤都買唔起,唔使媽媽操心助交首期已算好叻仔,仲講送樓?

Fifi
本欄逢周二、四刊出                                                        
女神 tea time 買樓 樓花 花送 媽媽 Fifi
PermaLink: https://articles.zkiz.com/?id=282763

女神tea time:一蘭熱與IPO Fifi

1 : GS(14)@2013-07-19 00:43:31

http://hk.apple.nextmedia.com/financeestate/art/20130718/18338552

                  一蘭開張,一時間,報紙、fb,一碗又一碗拉麵「玉照」湧現。到底由幾時開始香港人成為「拉麵精」,竟甘心用睇兩場戲嘅時間去排隊,就為咗一碗麵?
不過最令人詫異係政府新聞處於一蘭開張當日,都特別發新聞稿祝賀。菲菲為此向發稿嘅投資推廣署八卦過,話說一年前,九州經濟產業局轉介一蘭畀佢哋,其間投資推廣署就為一蘭提供資料,幫手搞牌照、搵舖頭咁。所以一蘭成功落戶香港,佢哋都有功勞。
香港人貪新忘舊嘅程度一向驚人,熱潮往往來得快,去得仲快。想當日逼餐懵都要一親A&F男香澤、一索誠品的書卷味,今日你仲會唔會?明明早兩個月先話「I Love一風堂」,今日就變成萬水千山食一蘭。聽講一蘭或會開兩間分店,唔係潑冷水,但真心勸佢唔好對「後市」期望太大。
香港人核心價值係趁墟,往往海外名店到港,有如一隻大熱新股掛牌,幾日內見頂,之後股價係點,就要見真章睇公司表現造化。
之前傳過一風堂會來港發IPO,雖然唔知會唔會成事,但相信到上市日,拉麵潮早已退潮,話唔定會係而家日本好興嘅pancake店頂上。

                  Fifi
本欄逢周二、四刊出                                                        
女神 tea time 一蘭 蘭熱 熱與 IPO Fifi
PermaLink: https://articles.zkiz.com/?id=283493

女神tea time:百麗變身做辣妹 Fifi

1 : GS(14)@2013-08-06 23:47:21

http://hk.apple.nextmedia.com/financeestate/art/20130806/18365635

                  百麗(1880)噚日公佈收購Baroque Japan逾三成股權。菲菲即時上網八吓呢間被點燈嘅公司有乜咁巴閉,先發現原來公司旗下品牌包括moussy同sly,當堂嚇一跳。
身旁有男同事問,單刁有乜咁出奇。奇就奇在百麗同上述兩個品牌嘅style,可以話係天與地。moussy同sly係涉谷系嘅代表品牌,wild得來又有女人味,簡單來講即係台灣辣妹style。縱然百麗旗下有12個品牌,但普遍都係行OL路線,着上辣妹身上,似乎怪怪哋。
不過做生意合作,冇話襯唔襯嘅,目標一致就得啦。Baroque喺中港市場,有絕對的野心。
公司曾傳過於香港發IPO,而公司CEO於網頁宣言,要致力做中國人生意。目前Baroque中港日三地,共有348間分店,當中有21間喺內地,9間喺香港。觀乎淘寶網無限件呢兩個牌子嘅老翻,你就知內地女仔幾buy佢哋,所以Baroque嘅內地生意應該唔差。
至於百麗,全年業績雖已比同業好,但與其喺鞋業苦苦掙扎,開拓新業務可能仲有前途。以百麗嘅網絡,加上Baroque Japan嘅名氣,今次百麗應有所作為。

                  Fifi
本欄逢周二、四刊出
女神 tea time 百麗 麗變 變身 身做 辣妹 Fifi
PermaLink: https://articles.zkiz.com/?id=283636

女神tea time:炒比卡超股?先捉網龍吧!

1 : GS(14)@2016-07-15 05:13:20

作為炒友,你唔知Pokémon GO點玩唔緊要,甚至乎你連比卡超係咩都唔知,都冇問題!不過,有三樣嘢你一定要知,第一,隻game令任天堂股價六個交易日內,勁升75%;第二,隻game係採用AR技術;第三,隻game受歡迎程度係癲嘅。講咁多,自然係想派福利!冇錯,是日隆重推介網龍(777),原因四個字講晒:AR網遊!網龍本來就你一隻game股,網遊加手遊產品;同時亦大力開發教育平台業務。話說集團一早已就VR同AR作出部署,去年底已開始研發VR教育產品,今年下半年就會街。不過,公司一早已睇清形勢,副董事長梁念堅上個月接受訪問時講過,「VR是現在,AR才是未來」嘩!睇完真係覺得佢哋係先知。近幾個月,更投資兩間AR公司,分別係來自加拿大嘅ARHT,同埋本地薑Cherrypicks Alpha。網龍通過整合兩公司嘅AR技術,將用作製作內容及軟件應用到遊戲、教學、娛樂及企業等範疇。今次Pokémon GO嘅成功,完完全全幫晒網龍示範,AR技術係如何應用。他日網龍要開發AR game,無論吸用戶定係吸廣告客,一定更加容易,亦幫網龍諗埋一個廣告摸式。去一個唔覺意寫咗個大受歡迎App,廣告唔使搵都自動埋身,搵錢途無可限量!另外,網龍走在潮流尖端,率先開發結合AR元素嘅教育平台。截至去年底,網龍贏得覆蓋內地14個省或直轄市內400所學校,5,000間教室的招標,當你見到Pokémon GO強國已有老翻,就知今次Pokémon GO亦正正變相幫網龍做埋廣告,話俾廣大潛在客戶聽,「我嘅AR軟件真係好玩又好用!」公司冇錯去年業績轉盈為虧,蝕1.43億元人民幣,今年首季虧損,更由上年同期的1,091萬元人民幣,擴至1.14億元人民幣。不過,網龍的遊戲業務首季收益2.84億元人民幣,增長26.6%。網龍管理層表示,今年是公司對VR及AR的投入期,相信2017年會有收成。網龍喺周二受任天堂刺激,炒高一支大陽燭升逾6%;當任天堂都可以6日升75%,網龍冇可能已經炒完囉。
Fifi
http://fb.com/lovefrystock本欄逢周五刊出





來源: http://hk.apple.nextmedia.com/financeestate/art/20160715/19695384
女神 tea time 比卡 超股 先捉 捉網 網龍 龍吧
PermaLink: https://articles.zkiz.com/?id=303781

女神tea time:買科技股贏在開通前!

1 : GS(14)@2016-08-19 06:53:24

深港通公佈後,恒指再創九個月新高,升得最靚嘅騰訊(700)再創新高,市值仲打低阿里巴巴!咁已話咗畀大家聽,呢期個炒作主題係科技股!聯想(992)截至6月底止首季業績非常之好,盈利大增64%至1.73億美金,好過市場預期,呢樣已顯示公司重組做到嘢,基本因素好!好啦,咁你會問,股價由上年4月13.83元碌落嚟,插到6月最低4.285元,見底未先?講真由高空下墜,相差達七成,相信大部份基金已經打晒靶。喺靚業績支持下,就算有淡倉呢個時候都要填補番。大家另外要留意係,公司過去大跌,係因為唔buy佢收購Motorola,覺得手機市場係蘋果同三星嘅天下,有排都未到Motorola,於是大家對聯想睇法係「冇啦冇啦」。不過就算手機唔work,都唔代表佢升唔起。睇番2012年Nokia股價曾打到去最低1.2827歐元,但而家市場形勢冇變,Nokia股價已升三倍去到5歐元。除此之外,聯想9月將會推出全球首部AR手機,喺Pokémon GO嘅成功下,聯想當堂多一個超強賣點。所以係時候買入博真正轉勢!另一隻大家要望多兩眼科技股係酷派(2369),隻股已被納入深港通南下買入名單。首先呢間係一間深圳企業,第二樂視係大股東。由於酷派由於有超強有知名度,單係呢兩樣已贏在深港開通前。而喺炒作手機科技股嘅大前提下,呢隻相信會受著目!
Fifi
http://fb.com/lovefrystock本欄逢周五刊出




來源: http://hk.apple.nextmedia.com/financeestate/art/20160819/19741667
女神 tea time 科技股 科技 贏在 開通
PermaLink: https://articles.zkiz.com/?id=306468

女神tea time:新iPhone、新能源股攻略齊發

1 : GS(14)@2016-09-09 05:33:18

蘋果iPhone7同iPhone7 Plus正式公佈,一如預期,今次新機冇咩值得預期。至於粒勁似「逗號」嘅耳機,只要唔小心唔見咗一邊,就可以為部耳機寫上句號。不過又咁,或者呢個就係庫克條橋,「你唔見咗一粒咩?買過一對啦!」係咪突然睇到蘋果條財路呢?即係咁,如果家陣用緊部機仲完好,又冇心癮想換機,就不如等多一年。話晒出年係iPhone面世10周年,所以相信蘋果應該將所有絕技,放晒喺下年部機度。同埋,或者你唔係好介意,但下年嗰部iPhone,你買咗嘅,就叫買咗「8」返屋企,而唔係買咗「7」。至於炒唔炒機呢,要炒就炒鋼琴黑128或256GB大機,最安全。講返股份推介,是日睇好隻協鑫新能源(451)。首先,近來新能源股有氣勢,中電新能源(735)、天津創業環保(1065)近來都起跳。其次係,協鑫新能源基本面來講冇得輸,上月底公佈上半年業績,純利大升1.3倍至1.67億人仔,比起8月中公佈盈喜預計嘅超過1.3億人仔仲要多。至於今年餘下月份,值得期待嘅炒作主題係深港通。今次深港通嘅港股通名單,只要係恒生綜合小型股指數成份股,同時市值有50億元以上就入圍。協鑫新能源最新市值超過80億元,相信要中選冇咩難度。咁話說佢阿媽保利協鑫(3800)一向內地知名度高,所以協鑫新能源有機子憑母貴。協鑫新能源昨日股價一突破12月嘅供股價0.45元,就一箭飆上去。不過如果大家睇耐少少,呢隻股被保利協鑫收購後,市值曾升到超過200億元,所以現時先得80億元多啲,現價安全;昨日股價先開始突破,加上仲要係毫子股,所以應該未炒完。
Fifi
http://fb.com/lovefrystock本欄逢周五刊出




來源: http://hk.apple.nextmedia.com/financeestate/art/20160909/19764644
女神 tea time iPhone 新能源 攻略 齊發
PermaLink: https://articles.zkiz.com/?id=308302

女神tea time:特朗普風險,完了吧

1 : GS(14)@2016-11-11 08:09:26

特朗普風險?係咩?碰!市場又唔係儍嘅,經歷過年中Brexit嘅黑天鵝,大市急跌後就成為買平嘢好時機,上次錯失良機今次又點會走寶,正如2003年沙士之後嘅樓市,跌少少就即有承接。所以特朗普效應玩完㗎啦,(當然如果佢突然因為唔知咩原因冇得做,就有另一隻黑天鵝飛出嚟)下一步就真係要迎接深港通。市場唔少人相信,深港通11月21日通車,That's why呢幾日中資股升得唔錯。山東墨龍(568)有同時喺深圳上市,A對H溢價275%,一個字,抵!另外係特朗普本身係個生意佬,油價跌對佢都冇着數。佢贏到大選變相對伊朗嘅政策可能有所改變,話晒佢之前曾批評西方與伊朗簽署的核協議,畀伊朗今年大幅增加石油出口。家陣油價有望獲支持,油服股自然有利。噚日資源股率先炒高,見一眾油服股蠢蠢欲動,呢隻有深港通概念,要繼續沿上升通道行,相信冇難度。此外,大家要留意,A股石墨烯炒起,金路集團漲停、珈瑋漲半成。今年9月工信部亦講明,下一步會扶持石墨烯發展。石墨烯被視為新寶藏,係一種能夠快速令電池快速充電嘅新超級材料。至於香港如果要數石墨烯概念,就要睇隻允升國際(1315),最新公佈與上海交通大學、同濟大學合作研發石墨烯儲能器材。研發上述器材,是為對應用於電動汽車的低成本節能型的儲應能器,希望可以達成「充電十分鐘,續航兩小時」的目標。股價低位反彈後守穩2.6元水平,可以留意。
Fifi
http://fb.com/lovefrystock本欄逢周五刊出




來源: http://hk.apple.nextmedia.com/financeestate/art/20161111/19829558
女神 tea time 特朗普 特朗 風險 完了
PermaLink: https://articles.zkiz.com/?id=315038

女神tea time:注資賣殼概念齊

1 : GS(14)@2016-12-03 05:09:10

最近同位N年冇拍拖嘅女性朋友傾偈,佢唔係冇人追,但又呢樣又嗰樣。唔知係咪俾啲「港女語錄」荼毒得多,簡單來講,佢嘅要求係「有樣、有錢夾有品」。如果個男士真係有咁好條件就唔會係單身啦。佢竟然話,只係緣份未到。我冇佢咁好氣,同投資一樣,錢唔會自己跌落嚟,一係你自己出擊發掘!今日就推介一隻有幾大好條件股份——安寧(128)。華懋系來講,近來大家都係留意天安(028)全購丹楓(271)單刁成唔成事,不過識搵就要搵下一隻潛質殼股。安寧本身業績唔掂,上年開始勁蝕,今年上半年繼續見紅。加上幾年前結束國內的渡假村及酒店業務,今年再賣內地零售附屬,戰意有幾多剩?餘下業務就只有小量零售、證券投資及荃灣顯達鄉村俱樂部業務。隻股出路,一係大做,一係甩手。如果大做嘅,華懋輕輕注少少嘢入去,都夠炒起隻股。假如係甩手呢……就要計計數,安寧6月底止,手持4億幾現金,銀行貸款只有幾百萬,加埋1.9億元可出售投資,加加埋埋6億元,折合每股0.37元。注資、賣殼兩個概念都齊。安寧現價0.63元,只係cash已佔股價近六成。呢個計法,仲未計荃灣顯達鄉村俱樂部資產。目標價方面,龔如心早於2000年,以每股1.40元買入安寧34.6%控股權,名下最新持股已增至44.28%,如果他日有咩動作,以呢個作為指標都未嘗不可。
Fifi
http://fb.com/lovefrystock本欄逢周五刊出




來源: http://hk.apple.nextmedia.com/financeestate/art/20161202/19851827
女神 tea time 註資 資賣 賣殼 概念
PermaLink: https://articles.zkiz.com/?id=318039

女神tea time:買定賭股過聖誕

1 : GS(14)@2016-12-24 10:41:22

臨近聖誕,無論美股到唔到二萬點,港股都係無動於衷,大家早已收爐諗去邊玩,如果近近地唔想返大陸又唔想飛,澳門都係冇得揀之下嘅選擇。澳門旅遊局長就話,聖誕節期間客房預訂唔錯,相信入住率與往年相若。預計今年訪澳旅客約3,000萬人次,過夜旅客較往年增加,達到年初指標。其實濠賭最壞情況已過,亦一早已反映晒喺股價。以銀娛(027)為例,股價下半年以來已反彈三成。追落後嘅可留意「小賭王」何猷龍旗下新濠國際(200),股價雖然都有反彈,但累積升幅只有15%,明顯落後一截。另外,新濠國際近日宣佈斥資92.07億元,從皇冠集團(Crown)手上購入新濠博亞股權,並成為單一最大股東。近年賭業係差,加上皇冠之前有18人被捕,令新濠博亞股價較兩年前高位,已經唔見三分二。皇冠已無心戀戰,咁啱何猷龍需要大展拳腳,趁低掃平貨相信必有後着;加上澳門賭收已回穩,股價月初回吐後,近日股價都企定,可買定等過年。另外,賭收有起色,澳博(880)市佔超過五分一,自會受惠。公司去年因投資失利錄一次性減值虧損2.5億元,加上衞星娛樂場暫停營業,影響盈利1.43億元;今年冇咗呢啲負累,可以一吼。
Fifi
http://fb.com/lovefrystock本欄逢周五刊出




來源: http://hk.apple.nextmedia.com/financeestate/art/20161223/19873988
女神 tea time 買定 定賭 賭股 股過 聖誕
PermaLink: https://articles.zkiz.com/?id=319830

女神tea time:北水的目標

1 : GS(14)@2016-12-30 08:13:11

年尾歐美股向上,偏偏港股就弱到震。人仔係咁貶,彭博錯報在岸價(CNY)一度跌穿7算,惹來人行強烈反應,證明阿爺真心驚。事實係,?家同7算真係差唔遠,一旦觸及就會出現人踩人,令現時市場走資情況,會更加無所不用其極。新一年各公司資金可重新擺位,你要擺都會擺喺傳統嘅避難所。以海航為例,高價奪地,再一星期買兩隻殼,上星期以6億元入主珠寶銷售及製造商KTL(442),聖誕前再宣佈以近4億元收購紙質卷煙包裝供應商嘉耀控股(1626)65%股權。咁已曲線話你聽,除咗香港地皮、物業外,港股係北水嘅目標,其中買殼係重要手法之一。近兩日異動嘅綠色能源科技(979),市值只有3.4億銀,基本上只餘下建築廢料處理及塑料回收業務,業務簡單,易於轉手。公司上年曾發6,006萬元CB,換股價0.78元,最近已全數贖回;另外,今年4月收購德國廢物回收項目,涉639萬元,但當中420萬以股作交易代價;加上月中公佈配股,佔擴大後股本約16.36%,配售價0.26元。股權重新擺位,似係有重大部署。股價噚日創新高,短線博進一步突破。
Fifi
http://fb.com/lovefrystock本欄逢周五刊出




來源: http://hk.apple.nextmedia.com/financeestate/art/20161230/19880860
女神 tea time 北水 目標
PermaLink: https://articles.zkiz.com/?id=320627

女神tea time:注資後抽升有景轟!

1 : GS(14)@2017-01-07 00:28:05

資金瘋狂走佬,部份資金衝落啲嚟香港。你望吓海航,近來係咁買殼,入主KTL(442)及嘉耀控股(1626),持股逾60%以上;最近又傳買鎮科集團(859),買親嘅股價都彈高。中能國際(1096)連炒幾日,呢隻股去年中易主,?家由中國華融(2799)做大股東。華融集團總資產超過8,660億元,比年初增長44%,仲多過海航嘅6,000億元資產。有冇得炒要睇有冇動作,公司上年底先以3億元收購福建新捷天然氣16%權益其主事能源儲存、運輸及銷售、和天然氣液化石油氣,已開展注資第一步!公司去年底亦發行1.5億元可換股債券,換股價為0.48元,同華融入股個價差唔多,似圍飛格。發可換股債券落實後,中能股價即刻起跳,由5毫炒上最高0.62元,成交配合。不過現價只較華融同批CB成本價升三成。假設華融要食大茶飯,應該未升夠,或者chok兩chok後,會整固抽上。
Fifi
http://fb.com/lovefrystock本欄逢周五刊出




來源: http://hk.apple.nextmedia.com/financeestate/art/20170106/19887548
女神 tea time 註資 資後 後抽 抽升 升有 有景 景轟
PermaLink: https://articles.zkiz.com/?id=321593

女神tea time:上帝叫我搽藥油

1 : GS(14)@2017-01-14 07:53:32

葉劉之前話要體驗民生,走去瞓瞓就當係;林鄭宣佈辭職,出奇不意講句,「係上帝叫我參選」。能夠講得出咁反智嘅說話,一係利慾薰心到一個位,連扮有政治智慧嘅能力都冇;唔係就係覺得坐定粒六,扮都廢事。假如呢兩位是但一位當選,相信唔少香港人都會講,不如一槍打死我。近來新股旺場,有個別之前淡市掛牌嘅股份,開始生猛番啲。雅各臣(2633)上年9月,IPO定價1.5元上市。呢隻股曾經潛水多時,但自12月開始起向上行,唔單止重上招股價,月初更突破旗型向上衝,最新報1.82元,比招股價高兩成。雅各臣個名你未必好熟,但佢旗下嘅藥品,你一定細細個就聽過,好似「保濟丸」、「飛鷹活絡油」及「唐太宗活絡油」。上市後積極收購,11月先用1億元收購美達藥廠,呢間藥廠主要於香港從事非專利藥的生產及銷售;再於上月買埋「何濟公」。計計數,兩項收購加埋後,預期雅各臣今年盈利應可增長到2.2億元,按年增長五成,預測PE約15倍。同類藥股一般最少25倍,PE仍平一大截。呢兩日見唔少大行衝入去掃貨,話唔定已成為基金目標。近日股價創新高,可以搽定藥油跟進。
Fifi
http://fb.com/lovefrystock本欄逢周五刊出




來源: http://hk.apple.nextmedia.com/financeestate/art/20170113/19895072
女神 tea time 上帝 叫我 我搽 搽藥 藥油
PermaLink: https://articles.zkiz.com/?id=322469

女神tea time:幫橙天嘉禾計計數

1 : GS(14)@2017-02-18 00:50:36

港股連續兩日千億成交,市場形勢大好,資金亦一如本欄早前所講,過咗初十五,個市就即時生猛番晒。今日指數繼續炒上,不過見之前升得勁嘅二、三線股略有回吐,但幅度唔多,似係大漲小回格局。可留意嘅有基建股中國機械工程(1829),貪佢市值相對細,加上A股仲炒緊「一帶一路」,要反彈都彈佢先。另外,早前橙天嘉禾(1132)公佈向南海控股(680),以32.9億元人民幣賣走橙天嘉禾影城,雖然股價當日見光死,不過,你睇真啲,其實?家股價大折讓。交易完成後,橙天嘉禾一大筆錢喺手,其中6.8億元將作還債,即係搞掂所有銀行貸款。睇番業績,公司至6月底止手持3.95億元現金,即係加加埋埋有33.05億元Cash,除開每股1.2元,比現價高六成;再加埋出售後資產,每股更加係值約1.31元。再者公司講明當中10億元用作派特別股息,每股折合為0.365元,佔現價近五成。計完數,講吓憧憬,公司講明計劃在出售資產後,將13億元作擴張餘下業務之用,即係有收購概念啦;另外,公司又話如果呢13億用唔着,將會用作派特別息,即係話點計股東都有着數。股價於消息公佈後見光死,但近日守穩0.73元,可買一注博一博。
Fifi
http://fb.com/lovefrystock本欄逢周五刊出




來源: http://hk.apple.nextmedia.com/financeestate/art/20170217/19930676
女神 tea time 幫橙 橙天 嘉禾 計數
PermaLink: https://articles.zkiz.com/?id=326697


ZKIZ Archives @ 2019