Heidi黑Bra誘惑
1 :
GS(14)@2017-01-14 12:25:42Super Girls成員李靜儀（Heidi）昨日到海港城出席化妝品牌NYX活動，她以性感的透視黑色bra top現身，相當吸睛。Heidi透露最近病倒了，可能因缺乏休息，抵抗力弱，所以被幽門螺旋菌入侵，情況都可大可小，她說：「?家要食抗生素，不過都擔心，因為醫生話食完都未必冇事，最嚴重可以引致癌症。」她表示幸好工作未有受其病影響，但是農曆新年應該會放假休息，她說：「Aka叫我去佢鄉下澳門，有間廟好靈，希望求吓旺事業。」另外，Heidi表示將與古天樂及佘詩曼在電影《常在你左右》合作，首次拍鬼片的她，感到十分期待。採訪、攝影：盧妹
來源:
http://hk.apple.nextmedia.com/entertainment/art/20170114/19896089
佐佐木希幸福肥賣Bra
1 :
GS(14)@2017-02-08 22:31:38■佐佐木希昨日出席代言品牌記招，不慎現雙下巴及麒麟臂。
日本女星佐佐木希為品牌UNIQLO拍了新一輯內衣廣告，並於昨日現身品牌於東京的記者會。希妹於廣告示範不同顏色的胸圍款色，她指拍攝時感到緊張，幸而現場大部份是女性工作人員，才能放鬆順利完成拍攝。
■傳將與渡部建（小圖）結婚的希妹，在內衣廣告中弗爆。
今日是希妹的29歲生日，早前她盛傳快做人妻，希妹前年被爆搭上諧星渡部建，報道指兩人已經同居，還將打算結婚，希妹似乎因太幸福甜蜜而心廣體胖，於活動上不慎露出雙下巴兼粗壯手臂。現場傳媒先祝希妹生日快樂，再追問她：「是不是有好消息宣佈？」與「是否已預約了著名餐廳慶祝？」，不過希妹只講「多謝。」未有直接回應婚訊便離開會場。撰文：程芬
來源:
http://hk.apple.nextmedia.com/entertainment/art/20170208/19920923
與夫帶患癌愛犬食茶檔透Bra吳日言：下周做手術
1 :
GS(14)@2017-04-28 02:11:00【擔心愛犬】■吳日言指狗狗生病，令她十分擔心。
【中環】現年33歲的吳日言（Yan），去年11月榮升人妻，嫁拍拖17年的男友Barry，Yan亦坦言婚後會積極造人，希望可以盡快做媽咪。而婚後快將半年的Yan，雖然仍未有「消息」公佈，但工作之餘，定必和老公爭取時間見面，日前兩公婆又孖住現身中環，不過今次同行還有一對中年男女，Yan還帶史納莎愛犬同行。當日下午三時許，《蘋果》發現Yan與老公、愛犬，以及一對中年男女現身中環，由於與愛犬同行，很多地方都不能進入，故Yan當日選擇去一間露天茶檔嘆茶。
【若隱若現】■吳日言穿白tee襯藍色bra，陽光下若隱若現。
【嘆下午茶】■吳日言帶愛犬和老公及親戚去中環茶檔嘆下午茶。
■擁34C驕人身材，吳日言曾被邀行泳衣騷。資料圖片
「唔可以素顏」
雖然Yan當日只簡單穿白色tee，但她選戴藍色bra，故在太陽底下，藍色bra亦若隱若現。素顏的她和老公戴了一黑一白情侶cap帽，其間Yan與同行中年男女全程傾不停，有時更會哈哈大笑。昨日《蘋果》聯絡Yan，問當日與她同行是否老爺奶奶？她笑說：「唔係呀！係親戚嚟，因為住嗰度附近，所以我成日都會喺嗰度出沒，第日真係唔可以素顏！」她又透露剛收到一件不開心的事，就是年紀已很大的愛犬確診患癌，下周要做一個手術。她亦在facebook留言：「還能夠陪狗狗散步是一種福氣。剛收到壞消息，狗狗生病了，下星期要安排手術，情況……我也不敢想下去，珍惜每一刻。winwin加油」採訪、攝影：羅德光
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170426/20001316
陸詩韻晒Bra做生招牌陳倩揚專攻媽咪賣天然用品
1 :
GS(14)@2017-05-07 15:26:26離開大台嘅葉翠翠，除咗幫老公生咗個乖仔外，仲喺網上做埋KOL同代購，但佢最近就惹上咗麻煩，原來仲有唔少藝人都有做網上生意，一來可以開拓多一個收入來源，二來可借助自己名氣而幫助生意。石天欣嫁咗去美國嘅天欣，唔駛成日拍埋啲「被強姦」戲之外，除咗做人妻專心照顧老公仔之外，佢就不時拍片放上youtube娛樂下大家外，佢仲會做吓代購生意，每日起身要忙回覆客人短訊，執貨搬貨一腳踢，做咗犀利人妻。李思欣離開無綫嘅李思欣，除咗搞飲食生意外，仲投資咗網上嘅珠寶生意，去年佢仲做埋生招牌，影咗一輯好性感嘅廣告相，仲搵埋老公范振鋒客串㖭！陸詩韻剛回歸大台拍劇嘅陸詩韻，去年以英文名命名Sharon's Workshop搞網上生意，買美容產品同睡衣，之後陸詩韻仲賣埋bra，瞓身咁做埋model影宣傳相。陳倩揚靚媽陳倩揚離開大台後，就開始搞自己嘅網上生意，專門售賣自製嘅天然蚊水、家居清潔用品、防脫髮洗水及花水等，客戶主攻媽咪同小朋友。倩揚媽媽仲同一啲創業媽媽成立咗一個叫「香港地創業媽」，佢仲做埋副主席，點知有會員賣假貨，事後陳倩揚就停止咗嗰個會員合作。(新聞連結：
http://bit.ly/2pgjUIv)
來源:
http://hk.apple.nextmedia.com/entertainment/art/20170507/20013657
【胸城計】強國女戴Bra假大胸 戰鬥力谷贏港女
1 :
GS(14)@2017-06-10 13:46:48國內女生揀內衣追求戰鬥能力，即使本身只屬A Cup，穿起來也要有C Cup的效果。(網上截圖)
據地圖網站TargetMap有統計顯示，全球各國女性之中，香港女性的胸部平均僅A Cup大小，甚至連電視劇《不懂撒嬌的女人》內，都有一幕講由孫慧雪飾演的內衣店員，向好姊妹唐詩詠表示：「香港係A Cup之城﹗」現實係咪咁？先聽聽普羅大眾嘅睇法。趙小姐：「OK嘅，認同嘅，你行街經過都唔係個個女仔個胸咁大架嘛。」龍小姐：「又唔係喎，我身邊啲Friend都幾豐滿喎。」蘇先生：「都唔算完全A晒嘅。」單小姐：「都唔係呀，我都有去其他國家留學過，見到其實都差唔多，哈哈。」麥先生：「外國嗰啲身形可能佢哋營養多囉，可能會大啲咁囉。」王先生：「A Cup之城可能係編劇作嘅一句對白嚟嘅啫。」究竟「A Cup之城」係咪編劇亂作？有請兩位曾合著《內衣先生》一書嘅女性內衣專家Joe Leung同Ben Hui為大家解說。
於《不懂撒嬌的女人》中，阿雪向唐詩詠表示：「香港係A Cup之城﹗」(網上截圖)
趙小姐對「香港係A Cup之城」表示認同：「你行街經過都唔係個個女仔個胸咁大架嘛。」
身為本地內衣品牌行政總裁，Joe對市場自然最了解：「喺香港最主要嘅幾個品牌，好多喺日本、台灣同中國大陸都有賣，基本上各品牌嘅杯形都差不多，而據佢哋嘅統計，比較上香港係偏細。」與Joe長期合作的設計總監Ben就有補充：「其實除咗本身真係細之外，香港好多女仔本身就算係B杯，喺佢哋嘅發育過程開程中，由於介意畀人睇，就會選擇一啲較細嘅胸圍，又或者真係擋不住嘅話，好多寧願自己寒背，所以風氣上香港女仔係較保守。」
王先生認為「A Cup之城」可能只是編劇創作出來的一句對白。
Joe及Ben均從事內衣業超過十年，曾合著《內衣先生》一書。
至於《不懂撒嬌的女人》所講「內地客買親都係C、D、E」，Ben則認為有點誤導：「相對香港女仔，國內女仔嘅內衣文化就開放好多，就算係一個A Cup嘅女仔，佢點都要買一個胸圍著出嚟起碼有C Cup效果，佢哋要求嘅係一個勢，佢哋要有好強嘅戰鬥能力。香港女仔就唔係，所以比較上整體喺條街見到嘅話，就會畀人普遍都係A Cup嘅感覺。」
Joe還說好多香港女性都愛減肥，而減肥不會只減身，胸部難免都會細，加上工作、學業等壓力都有機會令人消瘦。所以大小唔係最重要，自信而健康先係最靚，正如讀者袁先生所講：「A唔A Cup其實係天生，就好似膚色都係天生，我覺得冇乜所謂嘅。」採訪：Rick攝錄：馮峰、Neo剪接：Roy編審：Kaman
來源:
http://hk.apple.nextmedia.com/entertainment/art/20170610/20050950
衛詩雅換Bra襯透視裙
1 :
GS(14)@2017-07-09 03:39:11電影《蜘蛛俠：強勢回歸》（Spider-Man：homecoming）前晚舉行兩場首映，衛詩雅穿上透視deep V裙到尖沙嘴撐場，她說：「嚟之前先收到呢件衫，同個bra唔襯，立即去買過件新內衣，俾人話大個女咗，仲有女人味，不過又擔心着得太性感，將來有小朋友大咗唔知點同佢講，暫時唔刻意行性感路線，睇場合。」育有兩子的陳倩揚和顏子菲則到圓方參與慈善場，自爆暑假要接送囝囝上興趣班的陳倩揚說：「男仔好動要放電，放晒佢哋啲電我可以舒服啲。」《蜘蛛俠》前日在港上映，首日票房約515萬，成績不錯。採訪：曹家誠攝影：仇志德、陳俊強
來源:
http://hk.apple.nextmedia.com/entertainment/art/20170708/20082346
【《蘋果》專訪】Bra店發大黃宇詩服務乳癌患者
1 :
GS(14)@2017-08-04 06:36:19黃宇詩記得多年前曾經分享，其父黃霑從小教導，她要每天進步，哪怕只是一點點，看來女兒黃宇詩真的做到了。5年前一手創辦內衣品牌me Me& ME，最初是以網店形式經營，由設計、製作以至零售，都是她一腳踢，她由毫無胸圍知識，經過嘗試和挫敗，阿詩點滴在心頭：「當初做網店真係唔容易，係有經歷低潮，但冇諗過放棄，維持嘅成本低，蝕嘅只係自己時間，賺咗數據。我哋要fit得好好，唔容許離罩，香港人習慣睇實物，做網店好困難。」
了解唔同胸型
品牌首兩年是網店，之後在元創方扎根，經過5年默默耕耘，今年進軍銅鑼灣設樓上舖，阿詩說：「網店同客人嘅距離好遠，雖然有客幫襯，但始終要試身，我哋唔係free size，所以實體店一定要，有咗實體店之後好唔同，我每日都會做fitting（度身），每日都會了解唔同女仔嘅胸型同size，嗰3年係好寶貴，真係覺得自己嘅產品係做到。」由網店演變為實體店，經營上最難是人手管理，習慣自己思考的阿詩認為自己並非管理人才，她說：「明白咗然後要解釋畀人聽係最大嘅學問，點樣令同事明白你嘅理念係困難嘅。」
■對於胸圍的要求，黃宇詩一絲不苟，堅持做一個合適的胸圍給客人。
■阿詩認為公司最值錢，莫過於能為客人做獨一無二屬於自己的胸圍。
設計改良產品
做生意，可以好機械化，但黃宇詩以人為先，在客人身上尋找更多靈感，她說：「做生意最困難，莫過於研製新產品，有個做咗乳癌切割手術嘅客人，搵唔到啱自己嘅bra，我哋就為佢研製，做資料搜集，產品改良，例如患乳癌嘅女仔，做唔到伸手到背後嘅動作，可能會痛，所以改良做前扣。」阿詩希望明年到美國做資料搜集，尋找更完善的生產方案。採訪：張俊銘攝影：陳俊強
來源:
http://hk.apple.nextmedia.com/entertainment/art/20170804/20110674
Next Page