ZKIZ Archives


Add to Checklist...投資高淨現金公司七大考慮因素

1 : GS(14)@2011-09-29 15:30:25

http://www.inv168.com/phpBB3/viewtopic.php?f=48&t=65135

不過,就算股災沒有出現,大家也不難發現一些高淨現金水平的公司,只因他們有「古怪」!因此,在考慮高淨現金水平的同時,必須考慮以下七個因素︰一、是否每年都有盈利:賺錢是最基本的要求,穩定的盈利基礎可以令你相信該公司能在經濟下滑時仍能賺錢。

假如公司正在虧本或預期會有虧損,那麼我們在資產負債表中看到的現金數目可能一直在減少,而減少的情況有可能會比我們預期大。

二、每年盈利是否在增長:這是bonus point,如果公司能連續多年都保持盈利正增長,證明公司有很好的競爭力或該行業正在不斷擴張,所以不用擔心他們會突然轉為虧損。

三、營運現金流是否淨流入:有問題的公司也會出現有盈利兼且年年創新高的情況,因為這些都是賺錢的假象,只要看看他們的營運現金流,大部分情況都是淨流出的,就明白他們是假賺錢,如當年的泰興光學及歐亞農業。

四、有沒有燒錢的項目:有宏大的理想是好事,但在經濟下滑時看到公司太有理想卻可能是悲劇的開始。

如果此時看到公司有宏大的發展或收購項目,又或者看不懂的發展,當然可以把他們放於一邊,因為根本不知道要燒多少錢才能轉換成盈利。賬目上的現金只是一個假象。

五、是否正常的業務:

如果大家都看不懂公司在幹什麼,也不會知道資產負債表的現金是真還是假。

六、資產負債表有否金融衍生工具:經歷過金融海嘯的都應該看過不少公司因為投資衍生工具,而「無啦啦」輸掉幾千萬或幾億元,投資者無法知道當中的條款,更不知道要賠多少。

七、公司有否不斷回購股票:公司回購未必對股價有支持作用,因為大市要瀉,莫說大藍籌如平保(2318) 也要一天跌14% 。不過,公司回購代表兩個訊息,一是公司都認為自己deeply undervalued;一是以行動證明公司不會坐以待斃,任由股價不斷下瀉而不理。

回購啟示最大

筆者認為,七大因素中,回購有最大啟示作用,反彈的時候,有回購的股份往往反彈最快。

基本上,沒有公司全部符合以上的條件,但能符合大部分的,你應該能找到,例如歲寶百貨(312)、中視金橋(623) 、通天酒業(389)、新世界百貨(825 )、迪生創建(113)、東方報業和恒基發展(097)等。下星期再為大家簡評這幾間公司。

有朋友笑說筆者是否在股市大輸,所以上星期在《信報》失蹤了。

非也,只是上星期踢足球時嚴重「拗柴」,對筆者來說,不能踢球的日子比股市大跌更難受,所以心情低落,暫停寫稿一星期,專心休息。

相信有不少讀者因近來股市下跌而虧損不少,再加上平常的工作壓力,心情理應很差。如果你是這個情況,請立即去做做運動打打波,因為做運動是減壓的不二法門。

大家必須知道,健康才是一生追求的投資,畢非德到80 多歲還能到處投資,厲害的不單止他們的高投資回報,而是他們的健康和養生之道。
2 : GS(14)@2011-09-29 15:30:38

我死都唔信通天是真
3 : nodnod_mat(15408)@2011-09-29 22:03:38

你要死果陣自知架, 呢家都未死, 你點知喎 smiley
4 : GS(14)@2011-09-29 22:05:29

所以放長雙眼睇
5 : 拔刺者(4132)@2011-09-29 22:06:36

3樓提及
你要死果陣自知架, 呢家都未死, 你點知喎 smiley
係囉!最多咪知超威已死smiley
6 : nodnod_mat(15408)@2011-09-29 22:09:56

5樓提及
3樓提及
你要死果陣自知架, 呢家都未死, 你點知喎 smiley
係囉!最多咪知超威已死smiley
]

吼 ........ smiley

係6蚊 go go go
7 : tom2288(5941)@2011-10-01 14:06:12

佢講個幾隻, 我只對 97有信心!
8 : GS(14)@2011-10-01 14:15:16

312驚老細,825造數
9 : tom2288(5941)@2011-10-01 14:20:33

623 曾考慮, 但現在等有折讓先!
10 : dennis001(8614)@2011-10-01 14:51:32

623係比較可取

113真係麻麻,上次注入GE資產都無咩用

389係邪,神奇集資,連個號碼前手都係邪.......
11 : GS(14)@2011-10-01 14:56:47

389 真是好邪
Add to Checklist 投資 淨現金 公司 七大 考慮 因素
PermaLink: https://articles.zkiz.com/?id=276106

stock 加入會員跟蹤或facebook add 功能

1 : GS(14)@2012-10-01 00:12:41

如題...我知道我講得粗略,就是按下跟蹤後,如這股有新聞及新訊息,他會立刻知道
2 : greatsoup38(830)@2012-10-01 00:45:46

因為我們來自facebook 的流量實在大有改進空間,根據alexa,主場新聞是50%,骨骨會是48%,我地是2%


http://www.alexa.com/siteinfo/zkiz.com#

Upstream Sites
Which sites did users visit immediately preceding zkiz.com?
% of Unique Visits   Upstream Site
16.74%     google.com.hk
15.38%     google.com
13.12%     google.com.tw
7.69%     yahoo.com
2.71%     facebook.com

Downstream Sites

Where do visitors go after leaving zkiz.com?
% of Unique Visits   Downstream Site
13.79%     google.com
12.32%     google.com.hk
11.82%     google.com.tw
5.42%     yahoo.com

http://www.alexa.com/siteinfo/snb.hk#
Upstream Sites

Which sites did users visit immediately preceding snb.hk?
% of Unique Visits   Upstream Site
48.11%     facebook.com
5.95%     google.com.hk
4.32%     google.com
3.24%     881903.com
3.24%     discuss.com.hk

Downstream Sites

Where do visitors go after leaving snb.hk?
% of Unique Visits   Downstream Site
27.69%     facebook.com
8.21%     google.com.hk
6.67%     yahoo.com
5.13%     google.com

http://www.alexa.com/siteinfo/discuss.com.hk#
Upstream Sites

Which sites did users visit immediately preceding discuss.com.hk?
% of Unique Visits   Upstream Site
13.62%     yahoo.com
6.73%     google.com
5.04%     google.com.hk
4.77%     facebook.com
2.92%     uwants.com
2.52%     youtube.com
1.30%     nextmedia.com
1.19%     weibo.com
1.18%     on.cc
1.17%     hkgolden.com

Downstream Sites
Where do visitors go after leaving discuss.com.hk?
% of Unique Visits   Downstream Site
11.35%     yahoo.com
6.52%     google.com
4.95%     google.com.hk
4.66%     facebook.com
3.22%     uwants.com
2.88%     youtube.com
1.41%     nextmedia.com
1.34%     hkgolden.com
1.10%     weibo.com
0.95%     on.cc

http://www.alexa.com/siteinfo/thehousenews.com#
Upstream Sites

Which sites did users visit immediately preceding thehousenews.com?
% of Unique Visits   Upstream Site
50.00%     facebook.com
6.50%     google.com
3.59%     google.com.hk
2.91%     youtube.com

Downstream Sites

Where do visitors go after leaving thehousenews.com?
% of Unique Visits   Downstream Site
36.49%     facebook.com
9.47%     google.com
6.24%     google.com.hk
3.93%     youtube.com
2.08%     yahoo.com
1.62%     hkreporter.com
1.39%     google.com.tw
stock 加入 會員 跟蹤 facebook add 功能
PermaLink: https://articles.zkiz.com/?id=281620

【add】紅人主場:謝安琪 時勢造女神

1 : GS(14)@2014-09-07 12:20:55

Alice+ Olivia黑色釘石長裙



人在娛樂圈,即使有壞新聞都總好過無新聞,謝安琪近年惹起過的是與非,勿論好與醜,足令她多次登上茶餘飯後的熱話榜首。金曲唱紅過,緋聞鬧過,被冠以高登女神與B餐人妻之名,統統照單全收;在眼下紛亂不安的時勢,她被指憑歌抽水,啃下去,天涯何處無高牆?統籌:林妙萍撰文及造型:趙潔恆攝影:郭賢興化妝:Natalie Soo.Ki of ND& Co.髮型:Eagco Leung



Marc by Marc Jacobs格紋蝴蝶斗篷、黑色長裙Pinko珍珠金屬手鈪

藝人多避談社會議題,事關一談就難免進退失據,尤其在大是大非的此時此刻。謝安琪早前於敏感的七一前夕在網上發佈了歌曲《雞蛋與羔羊》,熱血聽眾立時對號入座,源於電影《被奪走的12年》關於自由與奴隸的歌詞被無限發酵。「創作首歌時擺咗好多意念入去,接收嘅人喺呢隻歌入面會聯想到乜嘢,或者鼓勵咗佢哋去做啲乜嘢,促發佢哋關心啲乜,都係將呢首歌交畀大家之後發生嘅事,至於隻歌敏唔敏感呢,我覺得唔需要框死大家去諗,呢首歌能夠帶畀你係乜就係乜。」


多角度議事

誰知一句「大劫在頭上不堪設想」,謝安琪被指趁機抽水炒作;事實上一出道就以《姿色分子》講瘦身整容,之後的《囍帖街》講城市重建,《十二月二十》講貧富懸殊,她的歌路一直緊貼社會現象,更因此被封草根天后。「好想去表達嘅嘢,我都一定會去講,我覺得冇嘢唔可以創作歌曲。過去幾年香港經歷嘅大小事件,為香港人帶嚟好多反思同反應,大家嘅感受好多時都係負面嘅,又有好多對立聲音。喺咁嘅環境下創作嘅歌,反而令大家更沉重,並唔係我想做嘅事。我想帶出嚟嘅視野廣闊啲,對於你嚟講乜嘢係嗰道高牆呢?可以人人都唔同,希望可以喺呢隻碟建議多一個角度去觀察我哋嘅生活。」



Minkpink印字TeeCarven豹紋高腰裙

Tory Burch印花裙

■一曲《雞蛋與羔羊》被視作為民發聲,同時惹來不少是非。

十年幾番新

抽水危機實屬小菜一碟,入行將近十年,謝安琪見過的風浪也不算少。自謔個性倔強又不擅於交際的她,曾問上帝為甚麼要安排自己入了娛樂圈。「入行遇到嘅辛苦都同某一啲媒體報道嘅手法或者風氣有關嘅,藝人會首當其衝承受壓力。不過我冇太過執着,漸漸明白到其實好多人都面對緊呢種窘境,呢種風氣其實影響緊整個社會點睇我心愛嘅音樂演藝行業,並唔係只係我謝安琪開唔開心。我因為咁而變得更堅強,同埋眼光更闊。」今年自組公司出碟,從十年前的懵懂女生,升格做老闆擔起營運重擔,計數與創作同步進行難不到她。「喺自己能力範圍內任性囉,又不至於不顧一切咁浪漫。除咗市場上我哋認為最流行嘅、最容易賣得出嘅、樂迷喜歡嘅K歌,穩打穩紮之外,我哋願意去做啲冒險啲嘅,唔同類型或風格。可喜係做咗十年都仲生存緊,雖然唔係首首歌都成功,都想繼續落去,想用自己小小嘅能力去豐富一下本地樂壇嘅類別。」



■與張繼聰結婚8年,最欣賞對方的幽默感。

反思B餐論

食得鹹魚真要抵得渴,謝安琪三個字被大眾及媒體用來消費與娛樂,甚至在網絡潮文中被擬物成一個B餐擺上枱。「原來而家會咁公開發表去討論人哋嘅婚姻,甚至去比較兩段婚姻,可能我老套啦;篇文令我了解多咗原來咁多人覺得另一半身家有幾多係咁重要。我係感受到作者對我嘅祝福,呢件事又冇令我好尷尬,反而令我思考咗好多。」套餐論將婚姻同金錢掛鈎,與張繼聰結婚8年的謝安琪眼中的婚姻卻很單純。「結婚時冇問過我另外一半其實你有幾多身家,我哋結婚之後會過乜嘢生活都唔係我最着緊嘅事。我睇婚姻比較單純,我同佢相處好開心,靈魂溝通得到,就係咁簡單。」甚至她決定嫁給張繼聰,都只為笑一世。「佢求婚之後我就諗,其實呢個人真係好好笑,到八、九十歲都會咁好笑。有乜好得過有一個人成日喺身邊令你笑?我就覺得好抵呀,每日都有咁多好笑嘅事,佢真係有咁嘅本事。」



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20140904/18854674
add 紅人 主場 安琪 時勢 女神
PermaLink: https://articles.zkiz.com/?id=285418

【add】紅人主場:鍾楚紅 女神愛香港

1 : GS(14)@2014-09-18 13:52:16

agnès b.皮褸及牛仔褲Chloé流蘇手鏈/Net-A-Porter



沒聽多時的移民潮,今年忽然又出現了,離開?留下?大美人鍾楚紅最近花了多個月時間,拍下香港恬靜優美的風光、親切的舊區街坊笑容,展出50張相片,記錄的全是香港的愛,「我想令大家重新搵到香港嘅可愛之處,唔好人人諗住移民!」撰文:林妙萍攝影:郭賢興造型:鄧卓嶽化妝︰Ricky Lau@ ZING the makeup school髮型︰Sev Tsang@ hair culture



「香港喺呢個世界上,實在係最靚嘅地方!好近就去到海邊,行一陣就有山,最美麗嘅景物都喺身邊。新、舊嘅融和,就係佢嘅迷人之處。」鍾楚紅今個月推出第一本慈善攝影集及舉行相展,以「To Hong Kong with Love」為題,希望透過自己的眼睛鏡頭,發放正能量為香港打打氣。



Valentino孖襟斗篷

沒想過移民

「我從冇諗過移民,香港而家好亂,我覺得好sad,如果大家都繼續唔愛香港,或者咁多負能量,就太可惜了!」土生土長,1979年參選過香港小姐,做過影后,拍的《秋天的童話》成就香港文藝片經典,紅姑也在香港找到今生最愛,所以才更心痛這一切的得來不易,「呢個地方,係香港人多年來辛辛苦苦建立,因為香港人嘅勤奮,咁愛家,先有我哋香港今天嘅繁榮,我哋唔能夠放棄香港,要為香港更加努力。」平日只用手機影相,紅姑今次拎住幾十萬的專業級哈蘇相機(Hasselblad),走遍果洲羣島、塱原、紅樹林,也落區跑到石硤尾工廈、旺角、深水埗舊區,影人影景。



Dior連身褲及皮帶Herve Van der Straeten手鈪/Net-A-Porter

不敢問發哥

直言自己影相隨心、沒構圖、不講究技巧,但勝在「快狠準」,「如果影風景,好天氣基本上唔會大錯;如果影人,要面對人,要同佢溝通,自己就變咗一個導演,傾偈之外,仲要兼顧構圖去捕捉動作。」有冇請教好友周潤發?「我唔想煩佢,佢係發燒友,好高級,我啲相係比較隨意啲。」


沒關係 是愛啊!

54歲的鍾楚紅甜美笑容歷年不變,對被稱為凍齡美女,紅姑大叫:「唔係我講呀!我冇凍齡,其實我都冇去諗要keep住後生或者點樣,都係隨心。」愛行山、愛綠色,keep fit全靠多菜少肉,「鍾意食喺泥土上長出嚟嘅食物。」人生才過了一半,她指現時追求的愛,只要有愛,不是愛情也沒所謂,「愛情係互動,唔係想要就會有,唔,其實都唔使啦,我已經愛好多嘢,我太花心,鍾意動物,鍾意花草樹木,又鍾意去旅行,好博愛㗎喇!」



<獅子山下>

<萬宜水庫>

「鍾楚紅-To Hong Kong with Love」相展展期:24/9-14/10地點:agnès b.展場(尖沙嘴K11)



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20140918/18869533
add 紅人 主場 鍾楚 楚紅 女神 香港
PermaLink: https://articles.zkiz.com/?id=285632

【add】紅人主場:少時允兒 請繼續愛我

1 : GS(14)@2014-10-02 11:05:12




Pandora純銀、彩珠手鏈、戒指



韓國女子天團少女時代(少時),前日驚爆成員Jessica「被退出」,震驚韓國。這隊以長腿美女熱舞見稱的九人組合,自07年出道後,一直紅遍亞洲。24歲的少時主將允兒早前罕有在港受訪,當時少時仍然整整齊齊9人組合,允兒也表現平常,她呼喚香港fans:「請繼續愛我,為我加油呀!」又自爆有一對大細眼,果然可愛。撰文:林妙萍攝影:周樂恒造型:趙潔恆場地:中環四季酒店



韓國女子天團少女時代今年新聞多多,先有多位成員戀情曝光,近日Jessica又突爆退團。少時主將允兒樣子清純、美腿迷人,今年爆出和韓星李昇基拍拖,但無損人氣,她早前來港更穿上Lanvin露肩裙為蘋果影靚相,大騷一對強打的超長美腿。美腿以外,允兒對自己雙眼又愛又恨,她自爆小秘密,原來雙眼一大一細!「我很喜歡自己的眼睛,不過它們也令我很困擾,因為,其實我雙眼是不同大小的。」她指相片比真人更明顯,「一拍照,拍出來眼睛就會出現一大一細,看來很大分別,令我很煩惱呢。」

Lanvin黑色露肩長裙Pandora純銀、玻璃珠手鏈、戒指

■高䠷纖瘦的允兒,擁有一對迷人長腿。


我希望自己快樂

K-pop熱爆全球,韓星也競爭激烈,女團壓力更加大,如何減壓?「我喜歡靜靜聽歌,或者找人傾偈,不停講不停講,講完就沒有壓力了。」允兒表示自己和一般女孩子一樣會煮飯仔,至於將來能否成為一位稱職太太,允兒就幽默回應:「如果我可以識得煮十樣餸菜,我才會說自己是(賢妻)呀!」「不論做甚麼,我都希望自己快樂和健康!」允兒來港行色匆匆,她對香港夜景最深印象,「香港晚上有非常美麗的夜色,真的很明亮、動人,今次行程很輕鬆,我試了超多香港美食。」拍攝期間,攝影師用英語和她溝通交流,她亦熟練擺出各種甫士,允兒又驚訝發現原來香港有不少人懂韓語,「Hello,香港的朋友,多謝你們經常歡迎我,又帶給我很多笑聲,我會多些來探你們,請繼續愛我,為我加油呀!」



■少女時代2007年以九人組合出道。

■少時成員


我不公開私生活

前隊友Jessica拍過美國生活特輯,少時分隊TaeTiSeo也開拍真人騷節目,「這些或許會很有趣,但我從無公開過自己的私生活,除非,將來到了合適時候,我才會公開呢。」今年是少女時代成立7周年,多年來,她的腦海經常出現同一首歌,「很多時間,都會閃過初出道的《into the new world》,這是少女時代的第一首歌,也是我們的里程碑,因為這首歌才令我們走到今天。」



■允兒自爆大細眼。



■允兒和韓星李昇基拍拖近一年。

禁問愛情

韓星訪問一向嚴謹,所有有關她和男友李昇基愛情的問題,一律不答。至於演藝工作則相對歡迎任問,允兒曾經主演過韓劇《愛情雨》、《總理與我》,「我很感恩,也很喜歡演出和我樣子很配合的角色,不過,也幻想可以嘗試反差很大、和我外貌成很大對比的角色。」更強調自己唱歌、演戲都同樣享受,很難二選一。



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20141002/18886041
add 紅人 主場 少時 允兒 繼續 愛我
PermaLink: https://articles.zkiz.com/?id=285803

【add時.尚】昆凌婚紗品牌揭盅 50萬華麗出嫁

1 : GS(14)@2015-01-20 20:32:37





相信近日facebook最多的status是:「愛人結婚了,新娘不是我。」因為白馬王子周杰倫與昆凌於英國Selby Abbey教堂完婚,童話式婚禮浪漫得令眾女羨慕。尤其在挑選嫁衣方面,昆凌的歐式復古風婚紗手工細膩,蕾絲透視手袖及心形露背剪裁尤其別緻。眾人也猜測這件華麗嫁衣,究竟出自哪個品牌?答案揭曉!原來是黎巴嫩設計師,在加拿大創立的禮服品牌Mikael D,約價50萬港元;而另一款米金色黑蕾絲刺繡魚尾禮服,亦是同一品牌。行禮必選的大拖尾款式,英國皇妃Kate Middleton曾經典示範,就連索腿天后陳敏之結婚亦自己設計拖尾裙擺。當然不少女星會選在大牌訂造婚紗,高圓圓的優雅修身婚紗來自法國名牌Chloe,法式優雅,肩膊及衣袖同樣飾以繡空喱士。而周迅戲劇性的婚禮則一身CHANEL高訂婚紗,其實Vera Wang亦是中外名人嫁衣首選。至於比較出眾的不得不提姬拉麗莉,她翻着CHANEL高級訂製抹胸裙,經典設計但可着出專屬個人風格。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20150120/19008372
add 昆淩 婚紗 品牌 揭盅 50 華麗 出嫁
PermaLink: https://articles.zkiz.com/?id=287386

【add】千語抄Baby?褸袋波鞋撞晒look

1 : GS(14)@2015-02-08 18:19:09





千語BB跟Baby有甚麼共通點?除了同是美女又找到好男朋友愛錫外,連着衫打扮的品味也很相似。同一雙過萬Chanel波鞋令兩位靚女愛不釋手,千語BB早前出活動己經着過,昨天外出逛街時再着,不過Baby比她早一個月已經搶先着了。撞鞋事少,對上一次撞褸、撞袋、更撞look!Baby上年去巴黎看騷,披着Coach leather biker jacket,手挽Coach粉藍色Rhyder手袋。之後千語BB照辦煮碗,披同款褸再挽粉紅色Rhyder24手袋拍照放上網,千語跟Baby其實跟得很貼。不過間中千語BB也會嬴回一趟,好像是阿Sa也捧的內地潮牌Chictopia,千語便比Baby更早試着了。可是Baby失手揀了過季豬牛衛衣,加上油光滿面扣晒分。其實時尚圈撞衫事時常有,好像是四太、子怡的Fendi皮草;尹恩惠、Miranda Kerr和李冰冰撞Versus裙等,不過可能因為Baby和千語風格外型相似,所以撞得比較明顯。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20150208/19033358
add 千語 語抄 Baby 褸袋 波鞋 撞曬 look
PermaLink: https://articles.zkiz.com/?id=287677

【add】章子怡幸運紅裙 收9卡巨鑽嫁得

1 : GS(14)@2015-02-09 08:59:45





上年8月,汪峰在演唱會上聯同歌迷給了一個甜蜜的驚喜給子怡。等了半年,汪峰終於在子怡36歲的生日派對上求婚成功了!主角子怡身穿約值4萬5千元的Ralph Lauren鮮紅單肩晚裝,在未來老公手上接過來自英國品牌Moussaieff的9.15卡鑽戒,幸福滿瀉。紅色好像可以代表到子怡的堅強和魅力,帶給她幸運,所以子怡獨愛紅裙。早前到新加坡國際電影節宣傳《太平輪》,身穿Carolina Herrera的艷紅露肩晚裝配上閃爆Chanel珠寶。出席香港電影導演會周年晚宴暨年度頒獎典禮,子怡棄大紅,玩質感,着上Tom Ford紅黑珠片裙。於澳門出席亞太影展,着了一襲Giorgio Armani Prive露肩peplum魚尾紅裙登場,配過千萬Tiffany珠寶,高貴有氣勢。希望子怡和她的紅色長裙繼續帶給她幸運,做個幸福的汪太!更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20150209/19035198
add 章子怡 章子 幸運 紅裙 卡巨 巨鑽 鑽嫁 嫁得
PermaLink: https://articles.zkiz.com/?id=287693

【add】紅人主場:關於周慧敏的47個問題

1 : GS(14)@2015-02-13 00:06:26





Balenciaga白色cutout上衣Tod's白色長裙Jimmy Choo銀色platform涼鞋


時尚界去年最有趣短片話題,非《Vogue》上月推出的「73 Questions」莫屬,訪問以快問快答的形式,向碧咸、Anna Wintour及一眾荷李活女星狂問七十三條問題(當然有綵排過),從中了解她/他的品味、取向。養尊處優的「玉女掌門人」周慧敏(Vivian),近期為福音碟出動宣傳,凍齡不老的Vivian今年四十七歲,我們向她問了四十七個問題,宗教、福音以外,屬於周慧敏的一些小事。撰文:林妙萍攝影:周樂恆造型:顏英儀髮型:Gricha化妝:Abby of HAiR



Michael Kors藍色花裙套裝

Marc Jacobs金色連身裙



1.今朝幾點起身?

十一點。



2.早餐食咗乜嘢?

咖啡卷。



3.如果可以令一個人信教,會係?

古巨基!



4.福音碟中最感動嘅歌?

《A LOVE LIKE THIS》。




5.用三個字定義「玉女」

三個字……自愛,仲有兩個字,溫婉、正氣。



6.最怕人叫你嘅稱呼係?

最怕,唔……女神。



7.如果可以活喺過去,你想生喺邊個年代?

我媽咪嘅年代。



8.二○一五年最怕嘅一件事?

病。




9.重聽自己邊一首歌會起雞皮?

《最愛》。



10.人生至今最大成就

可以成為神嘅僕人。



11.衣櫃內最舊一件衫?

我老公(倪震)以前送畀我嘅一件冷衫,好cute嘅冷衫,到今年都仲有着,係七彩嘅。



12.五官最唔滿意地方?

冇,全部都係阿媽送嘅,即使唔係太美觀,都滿意!



13.最滿意?

眼睛。



14.如果唔住香港,會住邊一個城市?

溫哥華。



15.畀你一種超能力,會係……

醫治能力。




16.一個字形容倪震

四A!



17.點解?

因為佢係好爸爸、好老公、好兒子同好老闆。




18.一個字形容古巨基

蝙蝠俠。



19.點解?

因為佢平時好靜,但變身之後可以好惡。




20. G.E.M.定王菀之

唔……王菀之!因為我同Ivana合作過,一定揀佢;第二係,因為我唔識G.E.M.,但我對佢都有興趣。



21.想去但未去嘅國家

印度。



22.聖經中最愛金句

We love because he first love us.



23.噚晚嘅晚餐

等我諗下先……越南粉卷。



24.火燭逃生時,只可以拎一樣嘢

手機。



25.每次聽都會想喊嘅一句話

冇喎!



26.你覺得一九八五年新秀,自己應該拎第幾名?

唔應該有名次,點解?因為唔得囉。



27.《等一個人咖啡》等人,還是被等?

被等。



28.有冇睇過《100毛》?

冇。



29.點名一個你眼中嘅玉女明星

周慧敏,唔好煩,自己認咗佢算數,唔好麻煩人哋。



30.死前想完成的一件事

無可能㗎喎,我想自己化嗰個妝(死人妝)。



31.日出還是日落

日出。




32.想同黎智英講的一句說話

多謝你咁錫我老爺(倪匡)!



33.你係咪一個慳妹?

唔係!



34.有乜嘢事可以令你剪短頭髮?

隨時都得㗎,只係髮型師阻止我。



35.上星期買過嘅一件衫

係一條網購嘅白色裙,買完之後,佢哋話似護士裙……



36.
add 紅人 主場 關於 周慧敏 周慧 47 問題
PermaLink: https://articles.zkiz.com/?id=287809

【add】紅人主場:梁漢文 樂天好男人

1 : GS(14)@2015-03-19 09:04:54





Bottega Veneta背心、cardigan及長褲Gucci白色皮鞋


現代愛情故事充斥偷食賤男,究竟世上還有沒有好男人?屢被捧為模範老公的梁漢文(Edmond),與太太林文慧(Karen)相戀到結婚至今十六年,鮮有緋聞。Karen幾年前患癌,二人攜手走過逆境,四十三歲的Edmond自嘲越來越似住家男,分享夫妻相處之道,「一定要畀空間佢發洩!」統籌:林妙萍撰文:趙潔恆攝影:周樂恆髮型:Moe of Fifth化妝:Maggie Lee



梁漢文青靚白淨,又識彈琴又識踢足球文武雙全,理想好男人條件清單上剔剔剔,還有呢?向來主攻歌唱事業的他,最近參演新片《全力扣殺》,相隔多年再登大銀幕,全因為今次電影題材,「今次套戲係講打羽毛球,咁我又好鍾意運動,加上仲有一班識咗好耐但冇合作過嘅朋友,何超儀、鄭伊健、鄭中基、劉浩龍呀,所以一搵我就決定接。」



幽默一面

面對同片還有搞笑能手林敏驄,Edmond對自己的幽默感也信心爆棚:「一直以嚟都好鍾意拍喜劇,就算以前主持《美女廚房》,都鍾意玩有啲搞笑造型嘅project,今次個古仔係講幾個有缺陷嘅大賊坐完監,去打羽毛球改變自己,個idea幾有趣,我個造型用嘅假髮,仲似足我當年出道唱《纏綿遊戲》個髮型。」



Gucci灰色背心及綠色西裝Versace黑色球鞋

Sacai迷彩網衫



鼓勵太太

Edmond喜歡搞氣氛,想法亦正面樂天,曾將熱愛運動的個性化為愛的力量,來鼓勵幾年前患上乳癌的太太。「我太太前幾年有病,佢好番後,我就上網睇到有啲資料,話原來佢嘅病做啲提升男性荷爾蒙嘅運動,會對佢有幫助,咁啱又遇上一位泰拳教練,最早期係想因為我去玩,而令太太都去玩,不過後來打打吓,太太就去咗玩瑜伽,我就keep住一直打。」經歷過患難,Edmond近幾年也越來越喜歡家庭生活,又特別注意養生,對於夫妻之道也別有一番體會。「呢十六、七年經過咗好多階段,有唔順利嘅日子,感覺到對方嘅肯定,而慢慢建立咗好多層次,亦更鞏固。有樣嘢係好重要,有時要畀佢發洩一下,唔好成日㩒住對方,等佢有渠道宣洩情緒。」至於會否生小朋友,兩口子未有計劃,「我就冇所謂,佢(Karen)就一時一樣,有時話想生,有時又話唔好,不過最緊要係佢要養好身子,可以再等吓㖭!」



【飆高音嗌怕怕】

近年歌唱比賽節目盛行,還興起飆高音唱法,新秀出身的Edmond聽到就怕怕,「首先叫我再參加比賽我就真係唔得喇,我又唔係飆高音嗰類歌手。不過作為一個歌手,我覺得佢哋當然有信心覺得自己做得好先會去唱,至於個節目會唔會飆高音多得滯,好唔好睇就係另一個觀點角度。」Edmond透露今年將會開個人演唱會,「前幾日開始錄新歌,唱廣東歌唱番自己熟悉嘅語言係特別親切同開心!」



■Edmond月前與太太Karen去韓國旅行。微博圖片

■Edmond多年沒拍電影,接演《全力扣殺》全因為喜歡運動。



更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20150319/19081276
add 紅人 主場 漢文 樂天 男人
PermaLink: https://articles.zkiz.com/?id=288688

【add】紅人主場:鄭伊健、何超儀 不熱血 毋寧死

1 : GS(14)@2015-04-02 19:09:39





On EkinGucci白色牛仔褸、牛仔褲及波鞋 Ekin's ownOn JosieFendi白色cutout皮褸Emporio Armani藍色長褲Tom Ford黑色厚楔涼鞋


「做人點可以冇火!」鄭伊健、何超儀在瘋狂笑片新作《全力扣殺》合作,像《少林足球》羽毛球篇,爆笑打波講做人哲理,追夢奮鬥只為做好一件事。現實中,一個47歲、一個40歲,圈中明星另一半、不生仔,同樣懷着心底夢想的一團火。超儀熱血搖滾,由1993年簽滾石唱足20年,死硬派想唱到衝上紅館;伊健舞台上努力做、努力做,新夢想想買舖搞食街,保留香港美食。兩團不同溫度的火,各自提煉着自己的人生。撰文:林妙萍攝影:郭賢興化妝:Angus Lee(何超儀)、Shuen Kong(鄭伊健)髮型:Jam Ng of AGLOW(何超儀)、Jacky Ma of Headquarters(鄭伊健)


Emporio Armani格紋zip up外套

【鄭伊健】

「我的第一個做戲導師,話最擔心的學生就係我!」鄭伊健當年揀了「唔係最叻」的演員做職業,新秀入行做歌手,他回望慶幸找到自己的空間,「唔叻咪唔叻囉,我搵到當中樂趣,搵到自己職業,再好好去做,將夢想好好實踐。」



想唱歌有突破

浩南哥的戲拍過不少,90年代型震江湖,有血有淚;聶風、華英雄耍完劍今期去打羽毛球;伊健演唱會當然也開過多次,但唱歌仍然是他想再突破的一塊地,「好多人以前會講,鄭伊健,佢好彩箒、佢好運箒、佢啲歌好箒。我唱歌停咗十年,直到五年前開番演唱會,我係做好我自己;之後再搵番班兄弟,我覺得舞台上,係仲可以再有空間去突破,問題係點演繹。」追夢不是十八、廿二專利。政府搞流動小販車賣熱狗,伊健新夢想是投資買舖,再平租給有心人搞食肆,保留香港美食,不要因租貴、食材貴而變質倒閉,「我自己,不過不失啦,可以繼續努力。夢想,如果可以,我想由食開始,行勻世界,香港美食真係一流,我買個舖位,好平咁租出去,幫嗰啲有心人,一個傳一個感染,再發展成一條食街。」



另一半和生仔

2013年與蒙嘉慧結婚,太太最近拍港台節目,各有各忙。對生仔問題,其實兩人有共識不生,但對外依然禮貌上講,「順其自然啦」,畢竟觀眾、粉絲有不同年齡層。「養貓囉,我其實好悠閒,打吓波,行吓山,去了解社會咁。」


Sacai軍綠外套及短裙

【何超儀】

訪問當天,何超儀病到感冒兼肺炎,上身穿了super warm也要露腿,死都要型;聲沙沒氣沒力,由《維多利亞壹號》講到麥浚龍《復仇者》的英語字幕,爆鬧了一輪,繼續其不熱血,毋寧死的何超格局。



直衝紅館搞騷

有份投資新片,努力講新片,但更愛唱歌,「我真的想拍多兩部片,就不拍了,去唱歌,去到我呢個年紀,人生應該拎啲時間出嚟享受吓。」心底熊熊燃燒、不滅的火其實是唱歌,2月開完叱咤搖滾妹子音樂會後,她想殺上紅館搞搖滾,「我哋開會有討論過,想直衝紅館,我學咗咁耐唱歌,真係好鍾意唱,唱歌係好個人化嘅事,好想俾人見到自己真面目,只想做好一件事。」演戲屬於另一種過癮,拚命演出最終決定權不在自己手,超儀認定問責無從問起、無得平反,觀眾也只能看到完成品。「上到台,我又冇導演,鍾意碌地就碌地,鍾意爆就爆,成件事衰咗,肯定係我衰,但我孭得起。」寧願唱爆舞台,自由發揮、成果自負盈虧,何家淑女,到現時有份投資製片,照計大把條件驕傲、發老四,「我諗,我未試過驕傲,你話脾氣唔好,我細個初出道冇咁多脾氣,
add 紅人 主場 鄭伊健 、何 何超 超儀 熱血 寧死
PermaLink: https://articles.zkiz.com/?id=289231

【add】紅人主場:王菀之 新丁大時代

1 : GS(14)@2015-04-17 08:26:19

Yohji Yamamoto黑色西裝褸及闊褲/JoyceMM6白色恤衫


在娛樂圈生存要多才多藝瓣瓣掂才能脫穎而出,王菀之(Ivana)做了十年創作女歌手,今年三十五歲成為影圈新貴,憑《金雞SSS》令人刮目相看,充滿喜劇感的演繹一反才女歌手形象,拋得開包袱,殺出一條金像獎康莊大道,突破自我再做新丁永不太遲。撰文及造型:趙潔恆攝影:周樂恒化妝:Janice Tao of ZING The Makeup School髮型:Zing Wong of Hair Culture


COMME DES GARÇONS黑色連身裙/I.T


王菀之參加樂壇頒獎禮經驗豐富,但即將於周日(19日)舉行的第34屆香港電影金像獎頒獎禮,Ivana卻是以新人身份出席,破紀錄個人獨佔五個提名包括最佳女配角、三項最佳新演員及最佳原創電影歌曲,Ivana直認心情緊張:「好似行紅地毯,有記者問我會同邊個行,我冇諗過喎,乜行紅地毯要搵人一齊行嘅咩?去樂壇頒獎禮我都會着得creative啲,因為我係創作歌手,但係電影頒獎禮好grand呀!晚裝要好靚呀,要身材好先着得到,多咗呢啲要考慮嘅事。」


■ Ivana說如果得獎要多謝很多人,當然包括吳君如。

笑出個未來

曾經被劉偉強賞識邀拍《愛君如夢》,但Ivana當年信心不足婉拒了演出,後來她又因為聲帶不適放棄了接拍《春嬌與志明》,一次又一次與電影擦身而過,卻注定成就Ivana今年的大熱聲勢,特別在《金雞SSS》內的表現備受讚賞,她也覺得最佳新演員三項提名中,《金》片的機會較大:「反差係最大,impact又好大,以呢個角色去認識電影,係一個好刺激嘅旅程去開展我嘅電影生涯。」去年一口氣演出三部電影,發揮搞笑天份,Ivana擔正今年中上映的新片《沒女神探》也是喜劇,於片內扮僆模,她卻從來意識不到原來自己有幽默感,「我唔識畀自己幾多分幽默感,不過從身邊人嘅反應,佢哋都覺得我係幾搞笑,我諗自己天生係咁嘅節奏係好好笑啩。」至於是否朝喜劇演員方向發展,Ivana笑笑口謂:「我都等緊唔係拍喜劇嘅導演搵我,不過拍喜劇真係好開心,拍嘅時候笑一輪先,最大意義係同觀眾一齊睇番自己有份做嘅的戲,見到佢哋打從心底笑出嚟,覺得自己做咗件有意思嘅事。」


COMME DES GARÇONS紅色百褶背心/I.T

克服捱通宵

Ivana做慣歌手,但初初拍電影做演員這份工也要時間適應,而年紀竟然係大敵,「後生嗰時作歌專喺凌晨先創作到,點知而家一拍通宵發現自己身體同精神都handle唔到。」曾演過舞台劇,記對白有經驗應該少一點NG,Ivana卻謂:「舞台劇係會花幾個月去排練走位同劇本,係會訓練到冇咁panic,但拍戲臨場要兼顧嘅嘢好多,都會NG,拍《12金鴨》試過有場戲一路笑到停唔到,要鄒凱光喝住:『笑夠未!』先全部人停落嚟。」問到Ivana想跟哪位演員或導演合作,冷不防她又發揮想像力放笑彈:「一定要同張敬軒拍套戲,就叫做《棟篤喊》,要千方百計搞喊對方嘅,笑到喊嘅。」



【畫畫傳情】

王菀之與「Figure王」男友蘇卓航(Eric So)感情穩定,經常在微博流露戀愛中的蛛絲馬迹,拍攝當日她穿上的手繪公仔tee,也是二人的crossover,Eric更稱她的畫是後現代彈跳前進式畫風,「連小克都好欣賞我嘅畫,有日我的起心肝想學畫,佢哋猛叫我唔好,保留番呢種畫風。」於她口中稱為大師的男友面前,Ivana與一般女孩子一樣愛撒嬌:「梗係嗲啦,咁都有認真嘅時候啦,最緊要就係互相尊重就自然少磨擦。」



■ Ivana穿上的公仔tee是與男友合作的傑作。

■Ivana於微博上載男友Eric的朦朧照,稱對方為大師。



更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20150416/19113847
add 紅人 主場 王菀 菀之 新丁 大時代
PermaLink: https://articles.zkiz.com/?id=289650

【add】紅人主場:李嘉欣最佳女主角

1 : GS(14)@2015-04-23 09:04:12

Max Mara黑白碎花長裙MICHELE X iPANDAS萬希泉陀飛輪慈善手錶


人一出生就在飾演不同角色,由大美人變為凍齡美魔女的李嘉欣(Michele),14歲做模特兒入行到選美冠軍,今天她飾演人妻和母親兩個角色,嘉欣接受《add》訪問,坦言這兩個角色比她之前演過的任何一齣電影裏的角色都要難演,每天都在鑽研如何演得更好,雖然沒有預設的劇本和對白,縱使是最難演的角色,但相信也是她最愛演的角色,繼續演繹精采人生。撰文:顏英儀攝影:Simon C化妝:Omix B髮型:Nichol Yip of HAiR2008年李嘉欣嫁給許晉亨做豪門媳婦,婚後過着令人羨慕的豪門少奶幸福生活,自從寶貝兒子許建彤(Jayden Max)出世之後,生活起了很大變化,現在全天候照顧現年4歲的Jayden,每天跟着他跑跑跳跳,花了不少精神和體力,嘉欣更笑言湊仔比拍戲更辛苦,她說:「每日都要同Jayden鬥智鬥力,小朋友有自己諗法,非常有好奇心,我都會鼓勵佢講出嚟,都有少少勞心,勞力就係每日陪佢奔奔跑跑,不過佢都算斯文,但有時都會搗蛋,叫佢做功課又未必合作,都會有少少激氣但開心都有好多,有時會整古做怪,唱下歌都會令我好開心。」



想生多一個

嘉欣覺得教子沒有一個特定的方程式,是由經驗慢慢揣摩,看到不少富二代都嬌生慣養,嘉欣表示不會太縱兒子,有時曳曳都會打他的小手板教訓,所以兒子沒有少爺仔脾氣,她說:「我唔會太縱Jayden,首先唔可以要風得風,唔會要求咩都畀佢,但有時都會鬆懈,所以時時刻刻都要提自己,始終身教好重要。」44歲的嘉欣早前透露已將自己的卵子雪藏,是否意味會再生小孩?嘉欣說:「我都諗過若果生多一個小朋友應該會好開心,囝囝可以學習照顧弟妹,但生兒育女都要隨緣,睇下上天安排,而家Jayden有表哥陪他玩,佢哋兩個就好似親兄弟一樣,所以目前嘅狀況已經好感恩,做人一定要惜福。」會等兒子長大後復出拍戲嗎?「平日再忙都會爭取時間做自己鍾意嘅事,好似睇戲同做運動,但相比拍戲,現階段我會專心鑽研自己做『太太』同『母親』呢兩個角色,呢兩個角色比我以往演過任何一戲更難演!」



Max Mara紅色蕾絲連身裙

Max Mara粉紅色紗裙



【港媽唔易做】

相信全香港的媽媽都會同意「港媽唔易做」這一句說話,為了爭取入名校,父母都會為子女報讀不同興趣班,李嘉欣亦要為兒子功課做資料搜集,更坦言做「港媽」有壓力,但不會做怪獸家長,「而家資訊太過發達,有時都會喺家長嘅forum同其他父母share意見,我知道好多媽咪都為仔女報唔同嘅興趣班,我會盡量保持中立,人哋做我未必會做,一定要啱Jayden先會畀佢學。」



雖然每天照顧Jayden勞心勞力,但嘉欣在當中尋找到很多快樂。

嘉欣會看兒子的興趣才報讀興趣,拒做怪獸家長。



【丈夫窩心幫忙照顧Jayden】

李嘉欣每日照顧兒子Jayden,丈夫許晉亨就相當貼心,經常製造機會讓太太唞唞氣:「而家有八成時間照顧家庭,剩低只有兩成時間留畀自己,囝囝出世後成為家庭重心,以前我鍾意凌晨3、4點先瞓,而家就會早啲瞓,朝早起身送囝囝返學,同佢傾下偈,我老公都好尊重我嘅工作,我主要係做代言、拍廣告同做慈善,大家一齊配合時間照顧Jayden,無分你我。即使再忙碌,我地都會堅持自己嘅嗜好,都會有時間過二人世界,老公有時都會好窩心,主動陪囝囝出街等我好好休息一下,做自己鍾意做嘅事,其實除左Jayden之外,老公加埋自己就係一個家庭一個整體,同樣重要。」



丈夫許晉亨好窩心,不時陪兒子製造機會給太太休息。微博圖片

現時嘉欣全天候照顧兒子,陪伴他成長。微博圖片

已有一子的嘉欣,希望再生多個小孩可以陪兒子。微博圖片



【凍齡美魔女是如何煉成?】

李嘉欣選港姐後一直被稱為大美人,44歲已升級為凍齡美魔女,雖然歲月催人老,可是歲月並沒有留下太多痕迹於嘉欣的臉上,早前嘉欣於微博上載了與丈夫出外吃飯的照片,網民就指嘉欣魚尾紋乍現,相信沒有魚尾紋才怪吧!嘉欣keep得好,內外都散發着自信光采,凍齡美魔女究竟是如何煉成?「我覺得美麗並非止於外表,而是由內而外散發出嚟嘅氣質,平日除咗護膚之外,仲要多飲水,每日我都會做伸展同排汗嘅帶氧運動,排毒之餘又可以釋放正能量,心情同皮膚都會變好,抱住開朗積極面對人生,開心自然會變得更靚。」



美魔女李嘉欣早前放相於微博,被網民指她有魚尾紋。

做美魔女都要勤力keep弗。



更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20150423/19121928
add 紅人 主場 李嘉欣 李嘉 最佳 女主角
PermaLink: https://articles.zkiz.com/?id=289861

【add】紅人主場:周汶錡 名模孕記

1 : GS(14)@2015-05-14 08:35:44

Escada桃紅色長裙Giuseppe Zanotti閃石高踭鞋金色黑石戒指


下周41歲的名模周汶錡(Kathy),2012年和靚仔法國男友Julien Lepeau結婚,甜蜜二人世界兩年,準時懷上第一胎,人生規劃美滿到不得了!已有八個月身孕的周汶錡,捧住巨肚拍照,眼神多了母性溫柔與幸福,七月開刀迎接新生命,中法混血BB已有「功夫熊貓」的乳名,專在半夜活動,「佢應該係派對型,生出嚟可能有黑眼圈,哈哈!」撰文:林妙萍攝影:郭賢興造型:趙潔恆髮型:Debby of Hair化妝:諺瞳.小白「仲有兩個月,心情好難形容,又想佢快啲出世,但又好享受佢而家喺肚入面呢個moment!」即將升格做媽媽的周汶錡,將於七月入院剖腹生第一胎,名模本事練成神奇遮肚法,長期不見巨肚。這天周汶錡依然着住模特兒標準尺碼的長裙、晚裝,貼身薄裙,巨肚才首次現形。



Ralph Lauren軍綠色閃石晚裝

Escada珠片花飾連身裙Giuseppe Zanotti金色高踭鞋



功夫熊貓BB

「BB而家兩磅幾,正常出世都係六、七磅,佢呢兩個月會快速增磅,可能遲啲都會開始辛苦,而家就OK。」名模媽媽好友琦琦、歐陽妙芝等,人人和她講述小生命如何神奇,如何奇妙,直到自己肚皮多動靜,才真正感受到,「你講畀我聽,我都冇嗰個感覺喺度,而家就開始慢慢感受到嗰樣係母愛。有時見到個肚凸起咗一個角,唔知係手定腳,定係籮柚仔pat pat,個角由一邊打橫掃去另一邊,好誇張!我又會諗,佢喺入面做緊乜呢?我會唔會壓實佢?會唔會夾親佢呢?」蝦餃(陳慧琳兒子)、小糯米(楊冪女兒)、小土豆(姚晨兒子)、小花(孫儷女兒)……圈中明星子女的乳名,全部都可愛又可口。周汶錡的中法混血兒子呢?相信應該會叫做Panda(小熊貓),「好好笑,因為老公妹妹有三個小朋友,兩個係五歲同七歲,佢哋問BB有名未,我話未,佢哋就話叫Kung Fu Panda(卡通片功夫熊貓),哈哈哈!因為覺得功夫就係中國人,啲朋友笑我,梗係啦,你成日唔瞓,等個仔出世,咪panda咁,一對黑眼圈囉!」不過,她表揚BB是乖寶寶,陀仔八個月,完全沒妊娠不適、嘔肚、賴床午睡等情況,「我真係覺得OK,冇乜唔慣,阿B都幾乖啦。不過,醫生都話我會早產,有四成孕婦都有呢個機會。」



■周汶錡與丈夫Julien於2012年結婚。

■Kathy上年40歲生日就大搞懷舊派對。



老公醫院陪瞓

周汶錡於2012年嫁給法國男友Julien Lepeau,兩人在法國南部、香水古城格拉斯的Chateau Diter古堡莊園舉行婚禮,翌年香港擺酒。不少準爸爸視為神聖大任務:剪臍帶,周汶錡公開拒絕老公操刀,令人失笑,「因為剪都要有技巧,剪得唔靚就無謂啦,都係畀專業人士做,何況佢都唔夠膽。」老公要入產房陪生,原來之後更會醫院陪瞓,皆因Kathy原來從未在醫院住過,「總之我好怕醫院,出世嗰日之後,未喺醫院留過院,所以都好緊張,可能一見到手術燈我已經震晒;喺醫院好寂寞,有佢陪住冇咁悶。」不過,初生嬰兒每隔兩小時要餵奶,相信將會忙個不停。



■Kathy與丈夫計劃生至少生兩個。

■今年2月Kathy透過傳媒發放比堅尼照報喜。



兩三歲才入學

梁詠琪被老公Sergio的西班牙傳統嚇親,法國傳統又如何?「冇乜特別,佢哋好casual,鍾意屋企多人,生細路就越多越好,我就最多生兩個,希望啦,太多我湊唔嚟。」Kathy和老公有共識,希望兒子有個開心、簡單的童年,「我哋諗法一致,兩、三歲先畀佢入學,唔會去playgroup,或者一歲就學外語嗰類。小朋友應該做番小朋友嘅事,讀乜學校、幾多歲做啲咩,冇乜壓力,唔會特別去安排。」子女人生成就、贏在起跑線之類?「冇乜期望,我覺得冇需要去控制太多,囝囝孝順、有禮貌呢類基本,最緊要過得開開心心。」



【靚孕婦潮着指引】

周汶錡陀住七、八個月身孕,依然輕鬆瀟灑,連身褲、高腰晚裝、高踭鞋,繼續有型有款嘅名模氣勢。「其實我都着番平時着開嘅款式,冇特別買太多衫。」她覺得孕婦腹大肚圓,一樣可以時尚示人,秘訣之一是服裝以簡單線條為主,「因為個肚已經有番咁上下,着得太累贅,反而會顯得臃腫。好多人諗住鬆身衫遮吓肚,但其實貼身啲,着出嚟嘅效果更好。」顏色也是關鍵,「唔好成日黑沉沉,最近興番pastel color,粉紅、粉紫、桃紅之類,都好精神又靚。」



■Kathy大住肚仍經常出席時尚活動,但身形仍舊瘦削,瀟灑有型。

Bottega Veneta牛仔珠片裙



1.簡約、貼身剪裁2.服裝細節及層次不宜過多3.避免黑沉色調,多穿粉紅、桃紅色4.活動應酬,宜化上淡妝更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20150514/19146435
add 紅人 主場 周汶 汶錡 名模 孕記
PermaLink: https://articles.zkiz.com/?id=290308

【add】紅人主場:吳君如舞台插班生

1 : GS(14)@2015-05-28 21:09:40

Lanvin白色silk top藍色半截長裙Love金色頸鏈


要數香港喜劇女王,非吳君如莫屬,由《家有囍事》中的程大嫂,到近年《金雞sss》中的38G巨胸阿金、《12金鴨》騷人魚線的鴨界萬人迷Future哥。君如沒有玉女包袱,演戲更加收放自如,入行超過30年的她今年8月就首次挑戰演舞台劇,做舞台初哥,金馬影后更放下身段再培訓,繼續發揮搞笑本色,「我想挑戰同增值吓自己,有難度先好玩,如果唔係做嚟做乜!」統籌:林妙萍撰文及造型:顏英儀攝影:周樂恒化妝:Midco Chu髮型:Seiko Sin of Hip Hair Culture



入娛樂圈超過30年的吳君如,拍過無數電視劇和電影,出過唱片、電台開咪做主持,甚至棟篤笑都做過,唯獨是未試過舞台劇,8月她將首次演出舞台劇《狂揪夫妻》,君如說:「首次接舞台劇都要克服心理關口,首先排練時間長又唔係搵好多錢,感覺好負面,不過上咗個幾月堂,學習肢體語言、發音,舞台上嘅即時反應同拍電影好唔同,好有滿足感,今次合作嘅演員喺舞台劇都係神級演員,我想挑戰同增值吓自己,有難度先好玩,如果唔係做嚟做乜!」君如透露與黃秋生劇中做夫婦:「秋生佢好神化,好有性格,我識佢太耐知道點同佢相處,都唔會有太大壓力,我係舞台劇初哥冇得輸,秋生平時兇神惡煞又威武,今次就做俾我控制嘅小男人,Peter(老公陳可辛)都好支持我演呢套舞台劇,因為佢好鍾意電影版,話套劇好正,叫我做。」



■入行超過30年的吳君如首次涉足舞台劇,繼續搞笑。

■《12金鴨》反串扮Future哥。

■吳君如於《家有囍事》中的程大嫂造型,深入民心。



陳可辛話晒事

舞台劇講夫婦矛盾,君如外表強悍搞笑,大多數人會以為她會是大女人,不過現實生活卻是個小女人,「屋企冇話邊個話事,大家互相影響,生活上嘅細節當然唔會夾到,佢鍾意大魚大肉,我就鍾意清淡,會攞個平衡,但邊個話事,我覺得傳統嚟講最終都會畀佢話事,呢個係傳統模式,亦唔想改變,我覺得做個小女人幾好,好過做大女人,有時我哋芝麻綠豆都會研究一餐,乜都傾,某程度上關係最好就係咁維繫,無論大生意,其實聽唔明又傾,甚至乎一條魚、一粒豆都傾,不過有啲嘢就唔好踩到對方底線,有時over咗,一個眼神就知乜事,咁多年相處一齊磨合,都要互相遷就。」談到教育9歲的女兒陳是知,君如會跟陳可辛一齊傾,「教育同整車唔同,冇一本menu跟住啲步驟,每日面對嘅問題都唔同,所以要見招拆招,都會同自己講放鬆啲,我明白家長有好多寄望喺仔女身上,我自己就有底線,一定唔可以侵犯到日常生活同工作,例如明明要拍戲,我就為個女唔拍戲走去報8個課程,加上侵犯到小朋友嘅生活就唔係太好。」



Roksanda粉紅色背心裙/MATCHESFASION.COM

BOSS乾濕褸Tod's白色背心黃色西褲米色高踭涼鞋



女兒怕醜霸道

最近有電影公司將投資超過一億元籌拍傳記式電影《李娜》,找陳可辛做導演,君如即向老公推薦女兒做李娜的童年,她說:「嗰日見佢(陳可辛)畀記者問好煩惱,我見李娜性格好剛強,又霸氣,阿女都好霸道有呢個特質,我講笑話叫阿女做李娜童年。其實我個女好怕醜,我哋平日都會試探問佢做想唔想做戲,而家佢打死都唔肯做,不過我哋就不斷叫佢做,同佢講有乜理由阿爸係導演,媽咪喺演員,個女唔做戲?不過佢就『No』,人有個反叛心,你越叫佢做就偏偏唔做,可能有一日我覺得佢好有條件,我會諗盡辦法捧佢做超級巨星,但又唔會太鼓勵,等佢大個自己決定。」君如跟導演陳可辛一起接近20年,愛情馬拉松,雖然沒有註冊結婚,卻是圈中被認定的一對,早前君如的《12金鴨》電影首映時,陳可辛送上12卡巨鑽,到底何時結束愛情長跑?「我又唔使向人交代,又唔使同父母交代,女都生埋,如果有一日諗到一個好型嘅方法註冊,我會,大家唔使再替我擔心,啲雜誌成日話我始終都冇一個名份,我就覺得咁樣好型!哈哈哈!」



■童年李娜(圖)與陳是知有幾份相似。

■吳君如與陳可辛一起已有廿年,兩人育有女兒陳是知。

■近日以夫妻檔為珠寶品牌拍廣告。



《狂揪夫妻》講夫妻矛盾

將於8月在香港演藝學院歌劇院上演的舞台劇《狂揪夫妻》,是改編自法國著名得獎編劇Yasmina Reza的得獎作品《God of Carnage》,吳君如首次擔綱演出舞台劇,演員還有黃秋生、甄詠蓓和潘燦良,君如繼續其搞笑本色:「故事講述兩個家庭嘅父母因兒子打鬥受傷,兩對夫妻就相約商討解決辦法,點知漸漸暴露兩對夫妻之間嘅種種矛盾同問題,總之套劇有動作又搞笑,每個角色都有唔同層次。」



■《狂揪夫妻》改編自法國著名得獎編劇Yasmina Reza的得獎作品《God of Carnage》。

■君如跟黃秋生多年來合作無間,今次將於舞台擦出新火花。



更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20150528/19162628
add 紅人 主場 吳君如 舞臺 插班生 插班
PermaLink: https://articles.zkiz.com/?id=290622

【add】紅人主場:林嘉欣 華麗變身

1 : GS(14)@2015-06-04 08:49:49

Tsumori Chisato藍色網衫b+ab白色通花裙


闊別銀幕五年、息影當全職媽媽的林嘉欣最近正式復出拍戲,夥拍出道時合作過的張學友,由當年的美少女進化成美少婦,嘉欣為喜歡做的事勇往直前,只因做了媽媽令她練成大無畏精神,「我有句口頭禪:『唔使驚』,天跌落嚟都唔驚!」撰文及造型:趙潔恆攝影:郭賢興化妝:Will Wong髮型:Hin Wan服裝提供:I.T



十三年前林嘉欣憑《男人四十》連奪最佳新演員獎及最佳女配角,之後更曾連續四屆被提名影后創下紀錄,事業如日方中,可是五年前她為了照顧初生女兒而選擇退下來,由璀璨星途走向尋常家庭主婦生活,嘉欣幾年間偶爾拍雜誌封面,出席藝術活動,擔任配音工作,早前演出過微電影。觀眾以為林嘉欣歸於平淡,與世無爭了,誰知她原來一直心癢又技癢,「其實都掙扎咗一段時間,成日對自己講我已經做咗全職媽咪,唔好諗咁多,但發覺原來自己真係好鍾意演戲,喺街度見有人拍嘢,我都好八卦想睇吓。」



McQ桃紅連身裙

Izzue Collection白色恤衫ACNE Studios印花半截裙

McQ黑色背心西裝裙及銀色皮帶



丈夫撐復出

嘉欣後來發現自己壓抑住不去多想喜歡的表演工作,反而積累了負能量,幸而她的丈夫、導演袁劍偉一語道破她的心事:「佢同我講:『如果媽媽開心,家庭先會開心,你想做就做啦,可以再就時間。』好開心有佢嘅支持。」蟄伏多時的復出電影《暗色天堂》已開鏡,正是由袁劍偉執導,對於跟丈夫一起共事,怕不怕易生磨擦?嘉欣信心十足表現專業:「佢係我先生亦係我最好嘅朋友,我好清晰要一齊合作,佢就係導演,喺拍攝現場我係演員而唔係太太。我係要成日變身㗎,一時係媽咪、一時係太太、一時係演員。有時喺屋企都會傾到拍攝工作,但係由寫劇本、搵資金到搵演員、到開鏡成個過程我哋都好興奮好投入,目前都冇嗌交。」



再遇張學友

嘉欣拍攝新片重遇舊拍檔張學友,去年尾她已捱義氣無酬為學友拍攝MV,今次再合作實在駕輕就熟。「十幾年前拍《男人四十》就係師生戀,今次我哋嘅角色係同事又係教友,有少少曖昧咁樣,但係我哋想保持電影嘅神秘感,所以都未知會發展成點呢,同佢合作係會好放心,一來一回會好合拍。」事隔多年回歸片場,嘉欣直言心態成熟許多。「以前有好多恐懼,驚自己唔夠叻,驚做得唔好,五年前嘅我好多嘢都怕。可能因為有咗家庭同小朋友,知道佢哋喺身邊,感覺好實在,就會大膽去嘗試其他嘢,『唔使驚定啲嚟』已經成為我嘅座右銘。」所以除了演戲之外,嘉欣還積極涉足不同的藝術工作,月前擔任完法國五月的活動大使,又即將首次做策展人搞書法展,向來喜愛閱讀的她更執筆寫兒童故事書,預計在年尾推出,動作多多身份百變。



■嘉欣去年尾為張學友拍MV,二人最近再於新片《暗色天堂》中合作。

■嘉欣去年十月曾帶女兒去金鐘佔領運動現場,讓她接觸社會。



科技絕緣體

要兼顧事業與家庭,嘉欣坦言還是家庭為先,絕非虎媽一族的她希望兩位女兒的成長可以與自己的童年一樣單純。「我哋係一個低科技嘅家庭,我哋唔會睇電視,唔玩iPad,唔玩電話,純粹聽音樂、睇書呀、做陶瓷、畫畫,有時去游水踩單車,我想小朋友都喺低科技環境成長。」說起女兒,她的招牌甜笑更加甜,「母親節囡囡做咗件陶瓷送畀我,係好窩心嘅。」



【愛女有限度曝光】

不少明星都愛在社交平台分享孩子的照片,向來低調處理家庭事的嘉欣就堅持未有放女兒Kayla與Sofie的正面相上微博。「都係得佢哋嘅手仔、腳仔同背影呀咁,太多attention同spotlight,係一啲好虛嘅嘢,大人都未必識分得清楚同承受到呢啲關注,始終想畀番佢哋過正常嘅童年。」



■嘉欣絕少會把女兒的正面照放上微博。





更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20150604/19171012
add 紅人 主場 林嘉欣 華麗 變身
PermaLink: https://articles.zkiz.com/?id=290668

【add】紅人主場:神級熟女劉嘉玲

1 : GS(14)@2015-09-10 07:48:52

Gucci花卉圖案入膊裙閃石手鐲


香港熟齡美魔女特別多,隨手數來,林青霞、關之琳、鍾楚紅等,個個有品味有信念。年底50歲的劉嘉玲,絕對是當中最入世、最美麗堅持的一位,入行30年,至今仍頂住壓力年年搵角色挑戰、演舞台劇練真本事、發掘各種生意,不怕老、不怕忙,韌性特強,「我而家50歲,越嚟越唔怕年紀大,畀我再返去後生時,我都唔想。」套用馬圈的術語,從容自在的劉嘉玲,現在才是大熟大勇。撰文:林妙萍造型:顏英儀攝影:周樂恒化妝:+0髮型:Ken Hui@ ii Hair& Nail有學者說,一萬小時磨練是成就一個專家的黃金定律。如是說,劉嘉玲由1984年演電視劇《新紮師兄》,到今天持續不斷演了30年,應該早就磨成專業,不過,她似乎嫌仍未磨夠。



Elie Saab黑色喱士長裙Louis Vuitton頸鏈、金屬手鐲

Dior珠片條紋冷衫



演:下個花木蘭

二戰題材電影《開羅宣言》,找嘉玲飾演「民國第一夫人」宋美齡,導演視為不二之選,嘉玲也不計片酬、主動度期拍攝,皆因角色期待已久,「好想挑戰自己,所以好認真咁對待,想做好啲,所以又辛苦啲,壓力又大啲。」對這位精明斡旋幾國政要之間的女外交家,嘉玲開拍之前先惡補歷史、看紀錄片及學英語,「宋美齡係個好有獨特魅力嘅女人,最重要係模仿佢嘅氣場,同埋佢英文好好,我英文就非常麻麻哋,所以拍攝時我請咗個專門嘅老師教我英文,希望模仿到佢神髓多少少。」鄔君梅、蔣勤勤等多位女星也演過宋美齡,歷史人物特別難演,嘉玲說:「做咗武則天,之後宋美齡,我讀書唔多,希望知道多少少人生道理,佢哋面對人生困難時,會點樣處理,以及點樣做一啲成績、成就出嚟,令生命中能夠發光發亮呢?我演完自己都好受益。」透過角色去認識歷史、思考人生道理,如果再演一個歷史人物,會是誰?「花木蘭!後生時,我覺得自己幾似,而家應該唔似,同埋打片嘅話,要打好辛苦,未必做到。」


■嘉玲以外,《開羅宣言》的好戲之人還有陳冲(右)及于紫菲。劇照

心:要心慈貌美

大至房地產、酒吧、服裝,小到賣衫、設計錶,嘉玲近年成為商界女強人,一盤美容面膜生意,也可以賺上過億元。今年繼續以自己名字出商品,「Carina Lau」葡萄酒、「+0 IN MOTION」手錶,二、三千的手錶、幾百元的酒,親力親為試酒、設計,定位親民,「生意係咁啱有機會到我面前,唔係我特別去搵。」建立品牌做生招牌不是輕鬆事,「大家好重視我呢個品牌:劉嘉玲,所以我要好好管理,多啲進修、做完美啲。」生招牌要靚,養生重要,養「心」更重要,心慈貌美是她堅信的一套,「心態好嘅話,外表自然會靚。我覺得,一個女人最緊要係有一個好心地,慈祥啲、寬容啲,因為每個人生活都唔容易,多啲喺人哋角度諗吓,帶多啲溫暖、帶多啲陽光畀身邊嘅人。」



老:好舒服從容

訪問離不開假設性問題,如果可以重新揀選性別、職業,會改變些甚麼?「我想試吓做男人,同埋唔做呢行,想試吓其他工作。」假如可以跟少女劉嘉玲對話,「我會叫佢:你放開懷抱,跟隨夢想努力就得,千祈唔好驚失敗、挫折,呢啲係老生常談。」女人總想凍齡回春,嘉玲卻寧願不坐時光機,停留在現在今天,「我而家50歲,越嚟越唔怕年紀大,而家好舒服、好自在,個人好從容。其實,每個人都會老,呢個係人生定律,當你接受呢件事,老,都可以老得好開心;老,都可以老得好健康,快快樂樂。」



重返舞台助開竅

「第一次《花心大丈夫》時完全唔知發生乜嘢事,第二次《煙雨紅船》我亦未開竅,今次(《杜老誌》)第三次上舞台,對我係個好大挑戰,後來拎到舞台劇最佳女演員,唔敢話自己有真本事,但對得住所有血汗、眼淚。」近兩年,多了許多大卡士男女星走回舞台,劉嘉玲的《杜老誌》三度上演,未來可能演到去歐美,「我最欣賞嘅海倫亨特(Helen Hunt)、湯漢斯(Tom Hanks)、姬蒂白蘭芝(Cate Blanchett),全部都係隔一段時間就上舞台,舞台係幫助你深入去搵到一個角色嘅靈魂出嚟,你會覺得一路做,一路搵到更多、發掘同爆發出更多。」



■演《煙雨紅船》和《杜老誌》(右圖)都與老拍檔兼老友梁家輝合作。劇照





更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20150910/19288796
add 紅人 主場 神級 級熟 熟女 劉嘉玲 劉嘉
PermaLink: https://articles.zkiz.com/?id=292161

【add即時.尚】速學!阿Sa阿嬌飲衫 4千有交易

1 : GS(14)@2015-10-26 19:32:36

阿Sa與阿嬌大前晚孖住去飲,賀老闆楊受成珍珠婚,面對女嘉賓們動輒出動幾萬元的Valentino及Dolce& Gabbana等超級品牌靚裙,二人出奇制勝,揀中價靚衫,示範人着衫,不是衫着人的穿衣王道。阿Sa揀美牌J.Crew的金色閃片上衣,配灰色闊褲,拎可愛的Kate Spade朱古力盒手袋,每個item約價3千,平民都買得起。阿嬌就揀英倫新牌Self Portrait的lace top拼twill bottom的連身裙,索價$3,800,以飲衫來計,實在算平,襯個有助upgrade的名牌手袋就剛好,阿嬌就用Charlotte Olympia金屬環手袋,造型別緻。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20151026/19348033
add 即時 速學 Sa 阿嬌 飲衫 千有 交易
PermaLink: https://articles.zkiz.com/?id=293506

【add】紅人主場:吳雨霏 人妻重生

1 : GS(14)@2016-01-22 01:50:11

McQ金屬色皮褸Roberta Einer閃片連身裙Kurt Geiger藍色高踭鞋


如果婚姻真是戀愛的墳墓,大抵吳雨霏(Kary)因此重生。結婚一年,加了「洪師奶」身份的Kary,變了全新的一個女人,重心由工作移至家庭,享受與老公在生活小節上磨合,喜歡鑽研夫妻共識的學問,更由昔日的地獄廚神,變身「煮婦」,為老公學煮家常小菜,「好想照顧另一半,以前都仲想喺事業度爭取一啲嘢,而家唔需要爭啲咩。」為同門爭寵的傳聞,更添懸念。造型、撰文:林嘉慈攝影:周樂恒化妝:Hubei Har髮型:Kate Shek of Hair Culture指甲:EightyEight服裝:I.T
Kary與青梅竹馬的「網球王子」洪立熙(Brian),八年間三度離合,終在去年1月宣佈註冊結婚。婚後的Kary努力學做人妻,家庭放首位,「唔知點解結咗婚之後,諗嘢真係唔同咗好多,身份唔同咗,好想照顧另一半、屋企人,以前都仲想喺事業度爭取一啲嘢,而家會覺得做到自己鍾意、令自己開心嘅嘢,已經OK,唔需要爭啲咩、追尋啲咩。」



Simone Rocha黑色薄紗裙Kurt Geiger蛇紋高踭鞋

Ann Demeulemeester黑色背心黑色透視上衣綠色圖案長褸黑色皮褲Kurt Geiger黑色露趾鞋


■Kary去年初與Brian註冊,同年7月在意國舉行草原婚禮。

結婚容易相處難

兩公婆相識多年,相處方式與日常生活大致沒有改變,但原來暗藏微妙變化,「之前唔係一齊住,結咗婚一齊住,就覺得:『咦?乜你平時係咁㗎?』好似啲生活習慣,可能佢啲衫鍾意咁放,我就好鍾意好乾淨,生活上嘅小事要大家慢慢去夾。」說話開門見山,卻不會嗌交,「有時見到對鞋、對襪,零零丁丁喺條路中心,我就會話:『執起佢啦!』」
Kary坦言尚未習慣同住,但享受其中,「兩個一齊去make decision,一齊去認同一樣嘢時,會難compromise啲,呢樣係真,但我幾鍾意兩個一齊make decision,係一個學問。」


■Kary努力學煮飯,笑稱現時廚藝合格。

地獄廚神揸鑊鏟

最意想不到的是,曾在電視節目煮食捲起火舌,被封地獄廚神的Kary,今日竟會拿起鑊鏟,婚姻威力真大!「好多時候錫嗰個人,先為佢做呢樣嘢,見佢返工放工,唔想佢食出面嘅嘢,盡量學到嘅都學。」多得好友真人教學,進步神速,現在自認廚藝合格,「前排聖誕節,食西式嘢多,學識煮蒜蓉烤雞,啱啱研究咗個海膽菠菜意粉,聽落都覺好味。」兩公婆較深閨,閒時愛躲在家玩煮飯仔、睇戲,下月農曆新年,也寧願邀朋友在家吃飯、玩board game。做了煮飯婆,Kary不抗拒被稱師奶,「又唔使完全變咗喺屋企嘅太太,呢個年代,結咗婚都可以做自己鍾意做嘅嘢,可以好型,好潮,有自己事業。」


■Kary兩公婆上月聖誕,到蒙古做義工。

蒙古探訪暖在心

新時代女性兼顧家庭和事業,Kary日前才與公司開會,希望今年作出有新鮮感的音樂及搞演唱會,老闆與同事亦體諒她,規劃工作時會問她要否先徵求老公同意。有傳Kary為與新加盟的李幸倪爭寵而扭計,缺席早前的四大頒獎禮,工作人員在訪問前已擋駕。之前Kary請假,與老公到蒙古,為受家人酗酒問題困擾而流浪街頭的小朋友送愛,身穿六層厚衣,帶小朋友滑雪、開聖誕派對,「雖然負30度,但就好溫暖。」事隔一年再會,小朋友主動上前攬實打招呼,衝破語言障礙,令Kary充滿滿足感。「佢哋從來冇踏出過蒙古,復活節好希望請到十幾個小朋友嚟香港,等佢哋見識吓,當係鼓勵乖嘅小朋友。」小朋友激起Kary母愛,但無促進生B計劃,「我哋真係好鍾意小朋友,但真係唔想set個期限畀自己,好好彩雙方屋企人都冇催,我哋順其自然,好free。」



人妻的OOTD

Kary的轉變從內到外,skinny jeans死忠派變陣,「而家鍾意oversized少少嘅嘢,襯對sneakers都幾型。襯西裝褸,好多人都覺得要襯高踭鞋,其實襯sneakers都可以有型,又casual。」這日的off duty造型,就是鬆身Ports1961直身恤衫,配Victoria Beckham闊褲。愛着鬆身衫,不代表鬆懈瘦身,Kary堅持一星期做一次瑜伽,收靚線條。



■Kary婚後頻晒泳照。

■拍攝當日,Kary的私服十分鬆身。



更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20160121/19459909
add 紅人 主場 雨霏 人妻 重生
PermaLink: https://articles.zkiz.com/?id=294745

【add】紅人主場:一年 蘇麗珊

1 : GS(14)@2016-02-04 17:24:43

Chanel飛機圖案針織衫閃石手


《十年》的明日想像,可能是最壞的時代。但同一時間,23歲的蘇麗珊卻正創造她最好的時代,因為《哪一天我們會飛》上映而由無名小女生躍升成為影壇新星,一年內,極速的成名歷程對她來說,卻仍然像一場超現實的夢。統籌:林妙萍造型及撰文:趙潔恆攝影:郭賢興化妝:Jan Chan of Annie G. Chan髮型:Nat Chan蘇麗珊一片成名,在電影《哪一天我們會飛》中演年輕版楊千嬅,演清純學生妹自然討好,繼早前獲台灣金馬獎提名後,也剛獲提名香港電影金像獎最佳新演員,「之前去金馬獎都過咗幾個月,都仲覺得好似唔係真嘅一樣。」出戰金像獎,她不好意思地笑着說:「我覺得(得獎)機會真係唔大,因為今年實在有好多實力更好嘅演員呀!」即使沒有獎座加持,蘇麗珊卻賺了不少工作機會,更被封為新一代宅男女神,「的確好感恩,身邊有好多人幫我,不過我又唔覺得知名度高咗而令生活有大轉變,我出街又唔會特登化靚啲妝,着靚啲衫。如果喺街度有人望住我,可能係因為我着得好醜樣,哈哈!」



Red Valentino黑色皮外套車厘子圖案短褲Love Moschino白色恤衫Giuseppe Zanotti黑色高踭鞋

Alice+ Olivia間紋襯衣間紋長裙Giuseppe Zanotti桃紅色高踭鞋

Lanvin藍色連身裙


■蘇麗珊形象清純,出道即被封宅男女神。

Po文要小心

蘇麗珊不怕開始被大眾認得而沒有私隱,但發覺在網上世界,自己原來post甚麼都有可能成為新聞,「試過有媒體會拎我喺facebook寫嘅嘢做報道,好似有次係一張無聊嘅自拍,話我心情唔受影響之類,我發現原來咁樣都會引起興趣喎。都覺得喺網上要慎言,因為媒體係水能載舟亦能覆舟,可能會將我句說話解讀成唔同意思,都要小心。不過我又好少發表啲好激烈言論嘅,都冇呢方面嘅顧慮。」


■去年11月參加金馬獎首次行紅地毯。

男神要靚仔

因為《哪》片,蘇麗珊還得到了愛情,跟戲中拍檔游學修戲假情真,講到當初公開戀情又笑笑口:「我諗係唔識死啩,其實又唔係主動公開,係黃修平導演喺訪問中唔覺意講咗出嚟,咁我哋抱住唔想講大話嘅心態。」早前男友在港台節目《我係乜乜乜》中競選男神,在她心目中的男神卻不是游學修,「我又唔好男神呢一味,不過真係要我揀一個,咁我揀彭于晏啦,因為佢好靚仔,男神係觀賞嘅,唔可以親近。揀男朋友就係另一回事啦,要睇性格啦、價值觀啦。」那麼男友游學修為甚麼會得到女神芳心呢?「佢好好笑囉!我好鍾意做無聊嘢,佢又會同番我講白癡嘢,啱channel呀!」



唔同港女爭

有些人選男友要看package,蘇麗珊都對這樣的用字反感,「的確係要睇好多方面,但又唔可以用package呢個字,好似唔係好尊重,好似貨品咁sell。我又唔會有張checklist,有家底嘅剔,有樣剔,我唔覺得要係咁。」對於有些港女被看成好現實,她也有自己的見解,「其實冇問題㗎,每個人都有自己想要嘅嘢,可能佢哋成長嘅時候被灌輸一啲想法,佢哋冇錯,係價值觀唔同,仲好啦,大家唔使爭。」


■在IG公開同男友的合照,甜蜜放閃。

理想情人節

情人節就到,女士們都愛收花,但蘇麗珊卻耍手擰頭:「我唔鍾意收花呀,因為送花唔環保。如果種嘅花都得,不過要易種嘅,因為我試過連仙人掌都種死。」至於要怎樣過情人節,「一諗起浪漫嘅地方就會聯想起沙灘,兩個人行沙灘係好浪漫,不過唔知咁嘅天氣行沙灘會唔會凍死?」



更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20160204/19477950
add 紅人 主場 一年 蘇麗 麗珊
PermaLink: https://articles.zkiz.com/?id=295293

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019