📖 ZKIZ Archives

金匡：Two Man Band 何車

2005-05-22  AppleDaily

上市大企業員工眾多，似兵馬俑，如雄獅軍團。上市小公司人丁單薄，小貓三兩， 1隻手掌「數晒」。
■上周六兩條問題，今提答案。豐控股（ 005）年賺 924億元，是裕元工業（ 551）的 39倍，業務又遍全球，直覺上員工一定多過裕元，錯。裕元員工 25.2萬，較豐高出 7千 3。國內勞工市場緊張，假設每名員工月薪提高 140元，則裕元 1年的工資支出，便增 4.23億元，吃掉了裕元 1年盈利的 18%。數有湊巧，現年度首季，裕元業績倒退幅度，正是 18%。
中移動（ 941）年賺 396億元，是中國網通（ 906）的 4.6倍，直覺上員工又一定多過網通，又錯。網通員工 9.28萬，較中移動多 4千 7。
■上市公司員工最多的，是中國石油天然氣（ 857），達 42.42萬。若然請中石油所有員工吃一餐似樣的晚飯，胡錦濤要做 4百多年國家主席，所得才夠結帳；曾蔭權好得多，但也要做十多年香港特首才夠付鈔。
■上市公司員工最少的，是金匡企業（ 286），只有 2人，屬 Two Man Band，不包括執董與非執董各 3人。將軍多過兵，只此 1家。
金匡歷盡滄桑，在 73年初「盲俠」滿街走時代上市，原名夏香集團，有人叫它做「下鄉」（耕田），在海運大廈經營海天酒樓，不斷換殼， 90年重組，變東方紅地產、國際德祥，最後金匡。「神童輝」羅兆輝、「殼王」陳國強等曾是主席。金匡現價 0.275元，是細價股。但當年股價經近年併股、供股、配股、發 CB等 adjusted，奇高無倫， 90年 10月 3日最高 15294元。沒有誇張，單單 96年至 03年， 10合 1、 20合 1及 100合 1，已令當年 2萬股變成今日的 One share only。

10萬元蝕剩 Six Dollars

由逾萬五元蒸發至今日 0.275元，跌幅很易計錯， To be exact，是 99.9982%。 99年中至 00年 1月，市傳「猛人」入股及發展「能源節省器」業務，股價由 353元飛上 4608元（經 adjusted）， 7個月內 10萬元變成 131萬元；但由 00年 1月至今， 5年下來，卻瀉掉 99.9940%， 10萬元只跌剩 Six dollars only。金匡證明不是金糠，演藝界有人感受殊深。
「猛人」入股，原來是長和系公司買 CB。「能源節省器」業務，原來去年營業額是零。今天，金匡最大股東是華人置業（ 127），持 58%，其次和記黃埔（ 013）與長江基建（ 1038）共持 15%。
■金匡去年盈利 1025萬元，員工兩個， Earnings Per Staff（也是 EPS）高達 513萬元，控亦只是 38萬元，厲害吧？未算。 1家 W字頭的正常公司， Earnings Per Staff高逾 1000萬元，它的總舵主在 97年曾經競選特首。想找線索，可找來「上車落車」今年 1月上半月的剪報。答案明天揭盅。
趣味統計系列﹙之四﹚
何車

生命無take two, 內銀股有! 巴黎的價值投資

來源: http://parisvalueinvesting.blogspot.hk/2015/06/take-two.html

巴黎：

Episode Two 人在中環

1 : GS(14)@2013-05-07 01:30:17

http://ionlywanttogetmarried.blogspot.hk/2013/05/episode-two.html
我其實唔係好理解，「三十歲」這個關口對女人黎講，意義有幾大。對一個十八、九歲既麻甩仔黎講，三十歲，係件好遙遠既事情。心穎既說話，反正我記在心裡就是了。

中學畢業，心穎同我一齊考咗入同一間大學。心穎讀書一向都OK既，大學既商科順利取錄咗佢。至於我嘛…到我年紀大咗之後諗番轉頭，我有時都唔明白，果陣點解自己讀書可以懶成咁既。我掹車邊可以考到同心穎同一間大學，算係走運了。不過我成績唔好，商科唔收我。我問大學既counselor，我咁既分數，仲可以讀啲乜嘢？counselor俾咗一堆choices我…hmmm，總之係一大堆冇咩人讀既冷面科目。裡面其中有一科係有關「城市發展」既，屬地理系。我果陣好鍾意玩一個電腦遊戲，叫做《SimCity》，我心諗，讀呢科應該同我打機差唔多遮，就揀佢啦。於是乎，我就成為了一個地理系既學生。夠兒嬉了吧？

我老豆知道我揀咗科《SimCity》做主修科，當然好唔滿意。佢漏夜打長途電話過黎，開行turbo再加一輪咀粗口，鬧我點解要揀科咁既嘢：「衰仔，呢科你讀完之後搵唔到食架，醒吓啦！」

搵唔到食，我夠知啦。不過搵到食果啲科，唔收我丫嘛。我當然唔敢將呢個事實既真相同老豆講，於是乎，咪懶正義懶有道理咁駁番我老豆轉頭：「你地啲做人老豆老母既，淨係覺得讀書只係為搵錢，讀書係講興趣同理想丫嘛（妖！）。咁家陣你個仔我搵到自己既興趣，跟住呢個興趣去揀科，有乜嘢錯先…」講到咁，老豆當堂收聲啦。之不過，興趣喎…

唔知點解，咁多年黎五姨都好似好唔鍾意我老豆咁。佢聽到我響電話度同阿爸炒大鑊，本能反應係撐我同踩多我老豆兩腳：「阿橋，我撐你呀。讀書梗係跟興趣啦，唔鬼駛理你老豆，佢識乜丫。下次佢再打黎發癲，我幫你鬧番佢！」

我其實唔知，我老豆有乜嘢得罪過佢。人夾人緣，人與人之間係，有時就係咁諗唔通的。

*****

讀大學時候既心穎，依然係好多人追既。大學畢竟係一個比中學更貼近現實社會既地方，響大學校園裡面所接觸到既人，種類同階層自然比響中學既時候來得廣闊好多。至於心穎既追求者，我所感受到既，係覺得呢班「新對手」既質素，比起響中學既時候有明顯既提升。

老實講，大學果幾年，面對偶然出現既「強勁」對手，心裡面都有些少淆底的。大學既環境，亦係我初次感受到名利同階級觀念既地方。有啲有錢仔同學，喜歡響校園裡面招搖過市。我有時心諗，佢地啲老豆阿媽都唔知係咪傻既，個仔先得果十幾歲，就買架百萬名車送俾佢地用黎返學。咁佢地又懶巴閉咁，擺架波子響正lecture hall門口，塞住晒條路，我行過唔搵個銀仔刮你個車身兩嘢都對自己唔住啦下話。心穎既追求者當中，偶然都會出現一個半個呢亭敗家仔。我當然係裝出一副「睇呢班友唔起」既態度。

「又唔駛咁燥喎你…」心穎講得輕鬆：「每個人都有自己既生活方式嘛，你理得人丫。」

「咁衣家條敗家仔走黎追我女朋友喎！」我心裡有點不忿：「你仲幫住佢講嘢？你係咪心動冧人地先？」

「黐線啦你。」心穎笑著說：「你呷醋？」

「你講吓笑好，得鬼閒呷啲咁既醋。」

對於「呷醋」呢個問題嘛，我覺得其實多少係男人唔夠自信既表現黎既。呢方面，我認為自己經驗豐富。事實上，並唔係每一個追求者行埋去心穎既身邊，都能讓我產生果種呷醋既感覺。只有果啲我認為條件比我好，心穎跟住佢可能會幸福快樂過同我一齊既「高質」男仔，先會觸動我「呷醋」既神經。

至於偶然遇到既果亭敗家仔「對手」，我心裡面有時都會自我安慰：「米梓橋，論家底既話，你都唔係好削遮。掹車邊你都算係半個有錢仔丫（當然係自己以為…），只不過你家教好，作風低調…」

精神勝利法，大概莫過於此。

如是者，幾年既大學生活就係咁樣過了。到大學畢業既時候，數數手指，心穎同我原來已經拍咗差不多七年拖了。

七年，呢個數字，好敏感。

現實既故事，其實從呢一刻先真正開始。

*****

那個年代，大學考試既分數，係要打電話入個system裡面聽的。那一天我屏息靜氣地聽住電話筒裡面，一字一字所吐出既考試分數，左手一邊按著計數機。我計一計：「掂！終於夠分數畢業了！」

對那個時候既我黎講，「大學畢業」大概係我人生到果一刻為止，最大既成就，果刻超興奮既心情，實在難以形容。儘管我知道香港時間係凌晨，但心情興奮既我，仍然打算即刻打個長途番屋企，向阿爸阿媽報上「我終於畢到業」既喜訊俾佢地知，讓佢地都開心埋一份。

正準備打電話嘈醒老豆阿媽「報喜」之際，五姨突然拍了拍我膊頭。

「橋，係咪confirm畢到業啦？」五姨一臉認真地問。

「係呀…好險好險，不過有兩科都係僅僅過到關…」我還一臉得戚地答：「拎少幾分就要響大學捱多年啦。」

「畢到業就好啦。」五姨平時跟我都是嘻嘻哈哈的，今日既表現則有點反常：「阿橋，你過黎呢邊坐，我有嘢想同你講。」

我坐響梳化上，望住五姨神情好凝重。我直覺話我知，呢舖應該有啲麻煩嘢。

五姨坐響我面前，深呼吸咗一口大氣：「橋，有兩件事，你媽咪交帶我響confirm你大學畢業之後，要我跟你講的。你冷靜啲，要有心理準備。」

要有心理準備咁大鑊？我睇電視啲師拉劇集，通常呢啲時候最常出現既，係個阿媽話俾個仔聽，原來佢唔係自己生既…呢個場面，我查實細細個就認真諗過架啦。正所謂「生娘不及養娘大」，就算有一日阿媽忽然話我知，原來我唔係佢親生既，我都頂得住冇問題的。我心目中既阿媽，亦永遠只得一個。我唔知點解，當五姨同我講，要我有心理準備既時候，呢個場景就忽然閃過我既腦袋。

我深呼吸，並點了點頭：「五姨，你講啦。」

「兩件事都係同你阿爸有關既。」五姨定了定神：「三年前你呀爸間工程公司，接咗一單大job，有冇印象？」

「我有聽老豆提過。」我說：「冇記錯，應該係黃河集團果個大型樓盤，鹹蝦灣畔丫嘛。」

「九七之後樓市回落，鹹蝦灣畔啲樓賣得唔好，價錢俾原先估計低咗好多。」五姨嘆了口氣：「於是發展商就將工程大判既尾數扣起咗。」

聽到呢度，我大概已知道大檸樂了。做室內工程既，其實係一盤成本大，利潤少既生意。發展商開頭俾訂金你，你就要自己負責餘下工程既成本。工人出糧要錢，材料成本要錢，發展商初頭果筆訂金，通常都唔足夠應付工程中段既開資。有啲有良心些少既發展商，可能會響工程中段再俾多一次訂金俾啲判頭，但像我老豆呢亭中小型既工程公司，所能夠賺既錢，其實係百份之百地集中響條尾數果道。我知道老豆公司規模唔大，應該只係二判，即是佢地既利潤仲要比上一層既大判食一部份。咁照五姨咁講，今次連大判都俾發展商扣起條尾數，作為二判既老豆，肯定收唔到錢損失慘重。

「咁老豆蝕咗幾多？」我問。

「實際數目我唔知，總之好多。」五姨答：「呢件事其實發生響大半年前，你阿爸間公司一下子週轉唔到，俾人清咗盤了。」

我聽罷，人忽然彷了一彷。

「你屋企本來住緊，響干德道果層樓，半年前其實都已經賣咗用黎還債。」講到呢度，五姨既講話變得越黎越吞吐：「你阿爸，申請破產了。」

破產？我覺得自己暈了一暈。五分鐘前我仲以為自己仍然係一個有錢仔，五分鐘之後，你話俾我知我屋企破產了？

我開始懷疑，自己係咪發緊一個惡夢，我期望我一覺訓醒之後，一切又會忽然回復正常。逃避現實，係我呢亭港孩最經常做既事情。

「事情其實發生咗一段日子，你阿媽怕會影響你讀書既情緒，所以吩咐我，千祈要等你確定畢到業，先至好話你知。」

我能夠想像，呢件事屈響五姨既心入面成大半年，唔講得我知，佢都應該幾難受。不過我幾分鐘前先剛剛因為「畢到業」而興奮到極點，五姨將我既情緒，一下子從山頂轟落山腳，也太殘忍了吧？

「還有第二件關於你阿爸既事。」五姨又再次嘗試深呼吸去讓自己平靜一點。我望見五姨既面容，直覺話我知，第二件佢準備講我知既事，可能比第一件更難讓我接受。

「你並唔係你阿爸唯一既獨生子…」

「你阿爸響出面仲有另一頭家。」

「你有兩個你未見過既妹妹。大果個妹，只比你細三歲。」

「What?」

---

【韓國人氣】Two Two炸雞店10月炸到　港店特色有炒飯炒麵！

1 : GS(14)@2016-09-24 23:31:28

雞，全部都係雞！講起韓國炸雞店，香港越開越多，BBQ Chicken、Goobne、NeNe……，未必使走轉韓國，已經可以食晒當地最出名嘅炸雞名店。最近又有一間會進駐香港，就係有30幾年歷史，喺當地有超過300間分店嘅“Two Two Chicken”。韓國的Two Two是沿用傳統秘方炸雞，先在雞肉內加入蒜料，然後在外皮抹上特製料粉再炸，用的壓力炸雞爐亦是自家開發，而來港後炸雞方法會依足韓國配方，味道選擇也不少，如有原味、蒜香、酸甜醬及辣味等。而較特別的就有香港限定的炒飯、Taki-Soba炒麵及幾款雞尾酒。



Two Two Chicken地址︰大坑書館街15-16號地下記者︰黃依情


為了配合港人口味，店家新增了香港限定的Taki-Soba炒麵。

紅卜卜以為是Bloody Mary？其實是加入自製辣汁及泡菜調製的Bloody Kimchi，究竟味道會是怎樣？



來源: http://hk.apple.nextmedia.com/su ... t/20160924/19779966

---

【韓國炸雞】Two Two十月炸到　限定辣椒炸雞最啱配啤酒

1 : GS(14)@2016-09-27 08:02:59

辣椒炸雞$78屬於香港限定炸雞款式，最好加杯啤酒品嚐，超爽！



炸雞迷要留意，以後食雞又多幾款選擇了。因於韓國有近30多年歷史、當地設超過300間分店的『Two Two Chicken』炸雞店，將於10月炸入香港。



香港『TwoTwo Chicken』的炸雞依足韓國配方，沿用傳統秘方炸雞，先在雞肉內加入蒜料，然後在外皮抹上特製料粉再炸。至於所用的壓力炸雞爐，亦是自家開發。至於初來「炸」到，炸雞口味有4款，花心的的你嫌原味太悶？放心，蒜精可嚐嚐蒜香炸雞，夠晒香口；若你好酸酸甜甜，亦可選調味炸雞，特製的酸甜醬料搭上蒜料，口感豐富。若你食到口乾乾，又不怕古怪的話，可試試 Bloody Kimchi，聽落似Bloody Mary，實則用上其製作方法,加上自製的辣汁和泡菜調教而成。飲落似泡菜汁，挺新鮮，不過就未必每個都接受到了。就算唔食雞，亦有其他選擇。當中包括Golbang-I香辣海螺冷麵，韓國辣粉配煙韌海螺肉，食落挺香辣過癮。另外，分店為配合港人口味，亦而加了只有香港限定的炒飯以及Taki-Soba炒麵。
Two Two Chicken地址︰大坑書館街15-16號地下記者﹕湯珮然拍攝﹕潘志恆


原味炸雞$78嫩滑的雞肉裡加入蒜料，外皮抹上特製料粉後炸製而成，外皮脆口，內層嫩滑多汁。

蒜香炸雞$78炸雞外層抹上香濃蒜香汁，油膩感盡消，比起原味炸雞更惹味。

甜辣炸雞$78炸雞上甜辣醬的兩種味道，讓兩種極端味覺相互提升，帶來更佳滋味。


香蔥炸雞$78香蔥較為清新，夾着炸雞一起品嚐，能中和油膩感。

眼前的炸雞山，於客人落柯打後，就會拎去即炸。

Golbang-I香辣海螺冷麵$78用韓國辣粉配煙韌海螺肉，辛香辣味與冷麵能互相平衡配合，口感食得過癮。


Bloody Kimchi$98
Bloody Mary的變奏版，加入自製辣汁和泡菜，喜歡kimchi的朋友不妨一試！



來源: http://hk.apple.nextmedia.com/su ... t/20160927/19782794

---

TWO X恨拍周星馳

1 : GS(14)@2016-10-11 08:12:03

由智有、恩、秀潾、恩永組成的韓國女團TWO X，日前來港接受本報訪問，她們呻因工作太忙未能到尖沙嘴鐘樓等地觀光。問到想與哪位藝人合作時，智有最想拍武打港產片：「如果有機會的話我想和周星馳合作拍戲。」另外，對於心目中的理想型，恩竟然自爆是《原罪犯》的已婚男星劉智泰，又說：「我鍾意可以照顧到我的男仔，感覺上他會做得好好。」採訪：文凱靈攝影：林德雄




來源: http://hk.apple.nextmedia.com/entertainment/art/20161011/19796685

---

星展租Two Harbour Square 7層涉近20萬呎

1 : GS(14)@2018-05-10 05:49:23

https://www.mpfinance.com/fin/da ... 4089&issue=20180510
【明報專訊】市場錄得大手商廈租務成交，世邦魏理仕香港顧問及交易服務—辦公樓董事陳洛奇表示，星展銀行落實承租觀塘偉業街180號Two Harbour Square 3至10樓共7層樓面，涉197,037方呎，星展租用上述樓面主要是配合業務擴充需要，並作整合業務之用，把集團的多個中間部門整合在一起，預計於2018年第四季起分階段遷入。

相等於現租創紀之城樓面3倍

新地（0016）代理寫字樓租務部總經理盧經緯表示，是次星展租用Two Harbour Square的面積是現時租用創紀之城6期寫字樓近3倍，集團將繼續與星展銀行合作，以配合其未來業務發展所需。

朗豪坊高層意向呎價4萬

另中原寫字樓部副營業董事許榮偉表示，旺角朗豪坊高層15室放售，面積約1652方呎，意向呎價約4萬元，意向價約6608萬元。資料顯示，業主2007年以1235.696萬元購入，若是次按意向價售出，帳面將獲利5372.3萬元或逾4倍。

市區核心舖再錄劈租個案，喜來登旺鋪聯席董事劉兆偉表示，萬寧以月租125萬元租用尖沙嘴廣東道文利大廈地下4、5號舖，以舖位面積約2518方呎計，呎租近500元。此舖位對上租客為周大福珠寶，於2013年以月租450萬元租用，舖位自2016年9月丟空至今，最新租金較當時回落325萬元或72%。

萬寧125萬租廣東道舖

另外，全幢物業成交活躍，由興勝創建（0896）及安祖高頓持有的上環皇后大道中338號Queen Central全幢商廈，以11億元成交，據悉買家為木薯資源（0841），興勝等於2016年10月以6.338億元購入該項目，未計翻新等費用，持貨1年半帳面獲利4.662億元，賺幅73%。

---