組超齡Twins千嬅Sammi攬走積怨
1 :
GS(14)@2015-01-30 08:19:23
■盛傳交惡十多年的楊千嬅（左）和鄭秀文，今次可謂一抱泯恩仇。
一抱泯恩仇，楊千嬅演唱會是最好的印證。繼日前十年爭獎死敵容祖兒擔任嘉賓後，前晚在紅館舉行第四場個唱，終於，另一位天后鄭秀文（Sammi）現身了。傳言二人積怨從華星年代種下，千嬅出道時被公司塑造為翻版鄭秀文，此舉令Sammi大為不滿，交惡傳足十幾年，所以當Sammi踏足千嬅的紅館舞台一刻，千嬅的確是眼泛淚光。中性打扮的Sammi唱出《終身美麗》，二人手牽手合唱後擁抱，千嬅感動得熱淚盈眶，Sammi率領全場大叫「楊千嬅你最索」，千嬅即叫觀眾大嗌「Sammi你最索」，Sammi笑說：「唔使講啦，我知呀！」千嬅坦言對Sammi答應做嘉賓感到再無遺憾，她說：「大家會覺得好奇點解我會請Sammi，因為我出道時，好多人都將我哋成為話題！」Sammi即與千嬅頭貼頭說：「真係似咩？不如我哋組成Twins啦！長做長有，不過我哋有啲超齡！」隨後她倆不斷互笠高帽，千嬅說：「我好幸福，似到一個咁堅、咁威、咁靚嘅人，仲唔係亮點？」Sammi回敬：「你請我分享你嘅成功，分享你嘅快樂，見證你努力嘅成果，好開心，多謝千嬅咁多年後畀咗呢個機會我。」
■鄭秀文（左）在台上為千嬅打氣，千嬅坦言毛管戙並感激每位朋友的支持。
■（左起）鄭秀文、陳慧琳、梁詠琪和千嬅當年因為頒獎禮而傳出是非。資料圖片
■曾與千嬅合作拍電影的五位小孩，開騷前專登往後台為她提早慶祝生日。
自爆曾被錯認Sammi
千嬅自爆曾在內地工作時被錯認是Sammi，她笑言：「我認咗呀，我怕解釋仲核突，因為我國語唔係咁堅。」Sammi即搞笑地說：「我冇俾人嗌錯做丁太，你當我隔籬嗰個流嘅咩！」Sammi離開舞台前，認真地為千嬅打氣，千嬅在台上感性地說：「我自己都毛管戙，好開心，夢想變成真！我好感激每位嚟嘅朋友，令我好溫暖。」千嬅獻唱期間，高踭鞋的斗零踭攝入舞台機關空隙，她索性除去高踭鞋，赤腳在台上又唱又跳。此外，千嬅新片《五個小孩的校長》戲中五位小演員開騷前，亦拉隊到後台探班，合唱生日歌和送生日卡預祝千嬅下星期生日。撰文：麥萍萍
來源:
http://hk.apple.nextmedia.com/entertainment/art/20150129/19020091
進化論：由Twins到準影后
1 :
GS(14)@2015-04-17 09:07:33蔡卓妍與鍾欣潼於01年以組合Twins出道時，應該沒有想過自己有一天會走到影后提名這一步，她的進步其實是從不少失敗中跨過來的。
01年《常在我心》
初演女主角的阿Sa獲提名最佳新演員，當年敗在林嘉欣手中。
02年《我老婆唔夠秤》
開始走可愛喜劇路線，一拍就拍了十年。
03年《古宅心慌慌》
首次獲香港電影評論學會影后提名。
《戲王之王》劇照
07年《妄想》、《戲王之王》
一年內憑兩片獲兩個影后獎，更首次憑《戲王之王》提名金像獎最佳女主角。
15年《雛妓》
獲第六屆澳門國際電影節最佳女主角，又在大阪亞洲電影節獲特別表揚獎，演技突破有目共睹。
來源:
http://hk.apple.nextmedia.com/entertainment/art/20150417/19115197
Twins 15周年預告片 阿嬌烏龍洩密阿Sa失手畫花面
1 :
GS(14)@2015-05-11 22:16:49【慘變花面貓】■Twins坐車時搽唇膏，可惜一個掟彎令阿Sa（右）變花面貓。互聯網圖片
今年成軍15周年的組合Twins，將舉行連串活動大肆慶祝，蔡卓妍（阿Sa）和鍾欣潼（阿嬌）再度合體，並於12月踏入紅館開紀念騷，年尾更會推出全新大碟。近日網上流傳一條Twins的預告片，兩人在片中濃妝艷抹，坐在車上塗唇膏搽粉扮靚，戴浮誇耳環襯烈燄紅唇的阿Sa，搽唇膏時更搽到飛出界變花面貓，十分搞笑。
【孖妹爭平板】■阿Sa（右）坐車時玩平板電腦，阿嬌見狀出手搶。互聯網圖片
【戴超做巨星】■臨近片尾，Twins齊齊戴上黑超，星味即現。互聯網圖片
【15年前青春可人】■15年前Twins初出道時，不時以水着示人，記憶猶新。資料圖片
試片變預告
據知，Twins於下周一（18日）才會派新歌《LOL》，並於下月到台灣拍MV，今次曝光的是一條未完成的宣傳預告片，導演剪輯了一分鐘初版給工作人員先睹為快，怎知阿嬌擺烏龍以為是完成作，隨手將短片放上網宣傳，由於短片同時用了新歌初版做背景，無意間令未完成的新歌曝光，工作人員知道後都被嚇壞，急急通知阿嬌刪除，可是已有fans快手下載在網上廣傳。有看過短片的網友留言讚：「Twins返來囉，好聽！」有網友則嫌：「感覺這妝容把蔡太老化了！」昨日記者向Twins了解，阿嬌在電話說：「條片唔係MV，而係teaser，條片點解流出呢，因為助手將link send畀我，我以為要發（派歌），興奮得滯就發咗出去，之後同事見到同我講，我即刻拿拿臨刪咗去，但冇法太多人睇到，不過冇嘢嘅，大家鍾意就開心。」
■阿Sa昨日在微博上載與婆婆、媽咪及姨媽的合照，做個孝順女。
阿Sa則說：「其實呢段係預告片，唔係我哋嘅MV，首歌叫《LOL》，即係laugh out loud嘅意思，年底演唱會都係以開開心心為主題，所以預告片比較天馬行空，都係想幽默啲，希望大家睇完會笑吓。」至於被網友嫌化妝老，阿Sa說：「初版啫，顏色全部都未整，大家睇埋完成版先再評論啦。」採訪：皓騫
來源:
http://hk.apple.nextmedia.com/entertainment/art/20150511/19142822
Twins為韓火火捱義氣阿Sa 33℃焗汗濕晒
1 :
GS(14)@2015-06-04 08:45:36■Twins今年成軍15周年，阿Sa（右）同阿嬌會孖住工作。
【尖沙嘴】今年係Twins成軍15周年，雖然近年蔡卓妍（阿Sa）鍾欣潼（阿嬌）分開發展，但今年佢哋會再度合體，除咗會派新歌《LOL》之外，兩個人仲會無時無刻黐到實，除咗會一齊去台灣拍MV，年底又會一齊舉行跨年演唱會，相信好多Twins迷都會超級開心。
■日前天氣高溫，阿Sa仲要着住件毛毛褸喺空曠地方拍攝，熱到成頭汗。
■Twins合體幫韓火火拍Fire Bible。
■未埋位嘅Twins，有多個工作人員幫佢哋撥扇補妝。
撥扇降溫
日前本報發現阿Sa、阿嬌一齊喺尖沙嘴出現，原來佢哋繼樂基兒之後，幫韓火火就嚟推出嘅Fire Bible擔任模特兒，阿Sa仲好有義氣，烈日當空下着咗住厚衫開工，認真唔話得。呢排天氣時晴時雨，當日氣溫就高達33°C，阿Sa、阿嬌以一金一銀高踭鞋襯到絕出現，雖然工作人員已經好醒目，明知喺戶外拍攝會好熱，早就準備晒小風扇同遮畀佢哋降溫同擋太陽，但阿Sa、阿嬌依然流到成臉汗，化妝師不停幫佢哋印汗同補妝。
默契十足
今次係阿Sa第二次同韓火火合作，嗰日佢着咗一件好厚嘅毛毛外套，仲要不停企高踎低影相，見阿Sa拍咗一陣就已經熱到大汗叠細汗。至於未埋位嘅阿嬌，雖然已經全程攞住風扇仔狂吹，但汗水都係唔受控咁不停流落嚟，真係見到都替佢哋辛苦，好彩佢哋兩個人好有默契，大約拍咗半個鐘頭就已經拍晒，難怪工作人員都好開心，收工嗰時個個大聲讚好。採訪：盧妹 攝影：葉君海
來源:
http://hk.apple.nextmedia.com/entertainment/art/20150604/19171222
Twins遇冷戰靠死忍
1 :
GS(14)@2015-06-18 08:39:09今年是Twins成立15周年紀念，日前蔡卓妍（阿Sa）和鍾欣潼（阿嬌）接受新城節目訪問，兩人表示眼見近年香港充斥很多負能量，想藉Twins的快樂氣氛為港人打氣，阿Sa說：「阿嬌嘅笑點真係好低，人哋可能以為我每日塞500蚊畀佢，日日走埋一齊都可以乜都笑一餐。」回想入行至今，她們覺得彼此都沒變過，阿Sa說：「Twins從來冇諗過要解散，其實我唔係迷信嘅人，但以前試過去求籤，籤文話我同阿嬌係注定一齊嘅緣份，雖然有好多經歷，但最後都係happy ending。」阿嬌則爆兩人曾冷戰：「我好清楚如果鬧交，Twins就會散，所以大家都會忍。」撰文：皓騫
來源:
http://hk.apple.nextmedia.com/entertainment/art/20150618/19187974
Twins跨年騷 趕衰氣
1 :
GS(14)@2016-01-04 14:54:37■Twins前晚在紅館舉行跨年演唱會，阿Sa（左）和阿嬌都來個集體回憶大唱舊歌。
組合Twins一連五場的演唱會前晚在紅館開鑼，這次是2004年後，Twins第二次舉行的跨年演唱會，今次共開四面台，全場爆滿，老闆楊受成與太太、經理人霍汶希、蔡卓妍（阿Sa）和容祖兒的媽媽全程在台下欣賞，Shine任嘉賓。
■阿Sa可任摸半裸男舞蹈員，卻令她尷尬。
■Shine任首場嘉賓，Twins無限感激。
■阿嬌被抬起打側手翻險些跌落地，有驚無險。
側手翻好險
阿Sa和鍾欣潼（阿嬌）甫出場先來一個集體回應，唱出多首快歌，包括《明愛暗戀補習社》、《二人世界盃》、《愛情當入樽》等，唱到《熱浪假期》時，阿Sa和阿嬌與半裸的男舞蹈員有掃胸摸腰的動作，但統統點到即止，玩招牌動作側手翻時，男舞蹈員抱起阿嬌360度轉的時候甩手，阿嬌險些飛落地，幸好最後都有驚無險。演唱會上不乏感動位，阿Sa在台上感謝這十多年來有個好拍檔，阿嬌聞言眼紅紅，接着阿Sa在倒數前夕說：「喺2015年發生咗好多事，有啲開心同唔開心，但你知人生唔會咁風平浪靜，所以啲唔開心嘢就抹咗佢，正所謂舊嘅唔去，新嘅點嚟。」阿嬌即說：「大家都支持你㗎。」阿Sa再說：「你講咩呀，我都好支持你㗎。」接着二人合唱《你不是好情人》，未知是否與舊愛陳偉霆有關。最後二人手拖手合唱《女校男生》，作為演唱會的總結。
尷尬摸裸男
完騷後Twins在後台接受訪問，問阿Sa「舊嘅唔去，新嘅點嚟」是否與陳偉霆有關，阿Sa說：「我係同所有人講嘅，一啲唔開心嘅嘢，要踢走佢，大家都應該有。」再問與半裸男舞蹈員跳舞，她們均表示有點尷尬，阿Sa說：「佢哋要特登練，我摸嗰個啲肌肉最大，冇話有乜嘢位唔摸得，叫我哋隨便摸，佢哋好開心。」採訪：唐琛悠攝影：陳慧安
來源:
http://hk.apple.nextmedia.com/entertainment/art/20160102/19435725
Twins搶錢被壓扁
1 :
GS(14)@2016-02-09 12:17:00Twins、林欣彤、馮允謙及組合A2A等，前晚在旺角出席倒數活動。Twins透露前一晚去了老闆楊受成家中過節：「我哋冇賭錢但都有斬穫，因為老闆一贏錢就派錢，好多人爭住去搶，我哋差啲俾人壓扁，不過都搶到，仲幾可觀㖭！係自己爭取返嚟。」問到情人節有否約會？鍾欣潼（阿嬌）透露會到加拿大探親，而蔡卓妍（阿Sa）則會和朋友到日本旅行。提到陳偉霆日前拍戲受傷，但阿Sa乍聽舊愛名字即封口唔答。
■林欣彤（左）新年照開工，任溫拿個唱嘉賓。
此外，林欣彤表示年初一至初三會為溫拿演唱會擔任嘉賓，對於之前傳出有新戀情，她否認拍拖，更直言擔心緋聞影響別人。採訪：譚倩宜攝影：沈健程
來源:
http://hk.apple.nextmedia.com/entertainment/art/20160209/19484451
百歲Twins共度一世紀同衫同住不分離
1 :
GS(14)@2016-05-08 01:56:09「我們總是在一起，我們從不分離。這就是我們所知道的－－愛對方。」美國肯塔基州一對百歲孿生姊妹花，從不分離，一起活過一個世紀仍感情要好，見證難得姊妹情。瑪麗貝兒（Mary Belle）及梅貝兒（Mae Belle）兩姊妹，至今不時穿上一模一樣的衣服、一起弄頭髮、住在兒時同一間屋、睡同一間睡房，甚至一起上健身房。兩人月前才齊齊慶祝踏入100歲生辰。兩姊妹生於1916年3月25日，少女時代經歷經濟大衰退，後來分別下嫁青梅竹馬的好朋友，並在同一間小學做老師。二戰時間，兩姊妹的丈夫雙雙上戰場，她們就改赴工廠工作。戰爭結束後，兩對夫婦一同遊遍全國50個州，並到訪過歐洲8個國家，後來姊妹亦雙雙成為寡婦。梅貝兒說只要瑪麗貝兒不在身邊，就會感到不自在：「我任何時候都需要她。我們一直有段精彩、精彩、精彩生活。」她又將兩姊妹的長壽，歸功於活至97歲的媽媽的良好基因，又說：「我們不吸煙、不吸大麻，永不飲啤酒。」英國《每日郵報》
來源:
http://hk.apple.nextmedia.com/international/art/20160505/19598995
Twins廣州騷挑戰公安
1 :
GS(14)@2016-05-24 10:45:14Twins前晚在廣州舉行巡唱，適逢今年5月是她們成立15周年紀念，開騷時觀眾興奮大合唱，不少歌迷起身跳舞被場內的公安和保安阻止，Twins在台上忍不住幫口：「我哋難得15周年大派對嘛，唔好理咁多，大家一齊起身跳舞啦！如果佢哋唔畀你企，你咪扮坐低後再起身囉！」完騷後蔡卓妍（阿Sa）說：「眨吓眼就15年，好開心阿嬌（鍾欣潼）一直喺身邊，同我度過好多日子。」阿嬌則說：「呢15年我最想同阿Sa講──我愛你！」至於大膽挑戰公安叫歌迷起身跳舞，最近才發生劉亦菲被狂迷抱跌事件，阿Sa笑言：「唔驚啦，難得15年，我都試過被男歌迷衝上台呀，好彩助手眼快拉走佢。」阿嬌則指粉絲好乖，所以好放心。撰文：皓騫
來源:
http://hk.apple.nextmedia.com/entertainment/art/20160523/19623156
沈卓盈遊日本孖人妻Suki扮Twins
1 :
GS(14)@2016-08-13 14:59:41沈卓盈（沈大師）之前俾《蘋果》發現同四眼男食雪條，跟住就俾周刊報道話兩人喺紅磡同居，佢前日回覆《蘋果》就例牌否認，不過就開綠燈，話遇啱都想組織家庭，做個賢妻良母。雖然沈大師唔認同居，不過就一定係同徐淑敏同遊日本！日前沈大師喺Instagram貼咗張同徐淑敏喺機艙自拍相，之後仲一齊貼超勁人氣嘅CREMIA雪糕相。玩咗兩日睇嚟佢兩個未玩夠，前日佢哋去過竹林，昨日就繼續漫遊日本，沈大師啱啱更新Instagram，貼咗張兩人側面照，仲以Twins嘅飲歌《風箏與風》留言，唔通佢哋覺得自己似Twins？
來源:
http://hk.apple.nextmedia.com/entertainment/art/20160813/19734425
哈里王子一腳踏兩船？兩女似足twins
1 :
GS(14)@2016-11-08 05:54:08英國哈里王子正與美國女星梅根馬克爾(Meghan Markle)傳緋聞，但英國《星期日郵報》發現，這位風流倜儻的王子，原來同時多次約會英國一名模特兒，而最吊詭的是，這兩位緋聞女友的樣貌很相似。據報道，當梅根馬克爾6、7月間到倫敦遊覽時，哈里經常與她把臂同遊，但同一時間，他也多次約會名牌Burberry的27歲模特兒麥克林(Sarah Ann Macklin)。麥克林的朋友透露，現年32歲的哈里在私人派對上認識麥克林，把握機會「抄牌」，之後不斷以短訊轟炸她，追求手法與對梅根馬克爾同出一轍。暫時未知梅根馬克爾是否知道哈里正「一腳踏兩船」，而她的情敵竟與自己「撞樣」。消息人士說，哈里追求麥克林，曾令她的前度男友馬莎的內褲模特兒甘迪(David Gandy)醋意大發，一度想把她追回，不過麥克林最後選擇了王子而放棄美男。麥克林的朋友形容她的生活非常健康，甚少飲酒，似乎與哈里有點「不夾」，哈里亦似乎未「揸定主意」。《星期日郵報》昨晚查問麥克林有關她與哈里的戀情，但她表示不會談論自己的私人生活。哈里上星期才爆出與35歲的梅根馬克爾發展姊弟戀，女主角在緋聞曝光後接受訪問時雖沒有直接提到哈里，但甜笑形容自己是最幸運女孩。英國《星期日郵報》/《蘋果》資料室
來源:
http://hk.apple.nextmedia.com/international/art/20161107/19825553
祖兒Twins賣衫行善
1 :
GS(14)@2016-12-11 14:12:46容祖兒、鄭希怡（Yumiko）及Twins合作賣二手衫，昨日起一連兩周在銅鑼灣皇室堡開舖，祖兒和Twins的收益會捐予容祖兒慈善基金，Yumiko則捐去女兒「梁浸浸」的教育基金。舖位由榮升劉太的甘比免費提供，她更帶女兒到場支持。
Twins成員蔡卓妍和鍾欣潼主要義賣手袋及鞋，祖兒則透露準備了約一千件物品作義賣，她笑說：「太匆忙，有啲鞋連鞋墊都未拎走。人生有好多嘢都係身外物，拎得起放得低，藝人啲衫唔可以着好多次，變得冇用，而家又可以延續物品用處，一舉三得。有啲一百蚊一件，深圳東門都做唔到呢啲價。」採訪、攝影：王連連
來源:
http://hk.apple.nextmedia.com/entertainment/art/20161211/19861565