鄺俊宇：Keep住儍勁幫弱勢
1 :
GS(14)@2016-09-09 04:48:46【立會選戰2016】【本報訊】由最初民調支持度僅3%，到最後以逾49萬票於超級區議會功能組別膺票王，候任立法會議員鄺俊宇形容選舉過程是奇蹟，「呢一票唔係屬於鄺俊宇，係屬於香港人」。不時提到「鄺俊宇」，鄺俊宇笑稱旨在選舉中突圍，強調是次選舉有近200萬人投票，當中6成選票，投予支持「踢走梁振英」的泛民陣營，重申：「大家係希望透過呢一票，表示對梁振英不滿、對梁振鼎（周浩鼎）不滿。」記者：陳雪玲33歲的新出爐超區票王鄺俊宇，選舉翌日四出謝票，及至昨日則由早到晚都接受傳媒訪問。民主黨此仗派出兩張名單參選超級區議會，原本涂謹申支持度高達兩、三成，鄺的支持則一直維持個位數，但最後鄺卻取得49萬票，上屆票王涂謹申則只以1萬票之微，險勝工聯會王國興，這個結局可算由其餘3個泛民超區候選人在最後關頭棄選才能成就。鄺坦言：「第一件事係多謝涂謹申，因為佢係冒住一個好大風險去支持我，亦都多謝民主派嘅朋友作出勇敢而艱難嘅決定，令到力量可以集中，可以守住泛民『超區』3席。」
「要謙虛謙虛再謙虛」
鄺俊宇形容，在點票中心的一晚相當漫長，「我寧願自己輸，我都唔要涂謹申輸」，自言當時確實害怕涂謹申會落敗，但同時亦相信香港人的智慧：「面對強大中共配票系統，呢次香港人係擲地有聲講畀大家聽，守到泛民3席，亦有一個唔錯嘅成績，我真係好感激、好感動。」他明白這49萬是背負着民主派人士的期望，直言感到有壓力，惟有以行動報答，「跟住落嚟，超級區議員要做超級地區工作」。他說正備戰十月新一屆立法會開會，自言弱點在於經驗不足，惟有多聽多學，並提醒自己：「一定要謙虛謙虛再謙虛」。
「我深信港人係不怕」
2007年當選元朗區議員至今的他，跟進過近萬宗求助個案，未來除了爭取民主，他亦希望多關注青年住屋、動物權益等議題，「我從政生涯遇上菜園村、保育南生圍，到第二屆（區議會）連任，做好多求助，動物警察、泥頭山……10年從政，回頭望返，好精采，我希望未來10年更加精采，希望我嘅儍勁可以keep（保持）落去，然後幫到更多人，做更多弱勢嘢。」訪問期間，鄺俊宇不時提到「鄺俊宇」三個字，有人笑他以全名自稱代替「我」字，反映自我中心太強。他解釋，這是選舉時用上的技巧，因為參選超區一開始時支持度只有3%，要在選舉中突圍，惟有將自己的名字掛在口邊，「識我嘅朋友就知唔係（自我中心）」，隨即補充：「我都好鍾意講呢句『香港人很累，但香港人不怕』，因為呢個時代，面對梁振英、面對中央，我哋都好攰，但我真係深信，香港人係不怕。」
來源:
http://hk.apple.nextmedia.com/news/art/20160908/19764301
45歲康華keep到少婦貴氣「御用情婦」照晒長腿
1 :
GS(14)@2017-01-18 08:04:2845歲，一聽到呢個年紀，大家諗到咩樣？會唔會係好老嘅樣？但其實40幾歲都可以好靚，圈中40幾歲嘅靚女都唔少，好似有萬綺雯、黎姿等等，但唔可以唔提嘅45歲靚女，就係康華喇。康華話晒係當年TVB嘅「御用情婦」，45歲依然keep到一份少婦嘅貴氣，可以演繹「風韻猶存」呢四個字嘅。之前喺大台台慶嘅時候，45歲康華、49歲馬蹄露，45歲樊亦敏一齊唱出《伊人當自強》，仲大受好評，之後首歌仲拍埋MV，叫做《伊人當自強(PG版MV)》，當中三位女主角大晒長腿，跳下舞，而三位中最正嘅當然係康華啦。
來源:
http://hk.apple.nextmedia.com/entertainment/art/20170117/19899872
42歲楊采妮榮升媽媽 未婚懷孕若希網上互動keep人氣
1 :
GS(14)@2017-01-24 03:00:17黎諾懿同老婆李潔瑩嘅愛情結晶品，預產期約於五月，會係「雞仔」，而今年嘅雞年BB亦將會陸續有嚟！
楊采妮(Charlie)
42歲楊采妮月初公開承認懷孕5個月，而喺2016年嘅除夕楊采妮就老公邱韶智、梁詠琪、李心潔2位姊妹喺新加坡跨年，合照嘅時候佢就用個枕頭遮住個肚。
楊愛瑾
現年31歲嘅Cookies餅女楊愛瑾（Miki）同經歷8年風雨嘅永安太子爺郭永淳於上年4月修成正果，婚後不久就宣佈有喜，雖然佢冇正式公佈預產期，但推算會喺5、6月左右生B。
周汶錡
名模周汶錡嫁法籍老公Julien4年，已育有一子Jacques，早前宣佈再懷第二胎，至今已懷孕約6個月，佢仲話「生女係Perfect」。
葉翠翠
葉翠翠早前因為遭無綫減薪三分一，佢乘勢要求解約劈炮，全職做家庭主婦、照顧BB。懷孕近五個月嘅翠翠，安胎期間不時喺社交網晒幸福孕照。
吳若希
未婚懷孕嘅吳若希有指佢嘅預產期喺今年5月，佢o依家就喺澳門安胎，但久唔久就返香港出席活動之餘，仲好鍾意喺社交網同fans互動，保持人氣嘛！
車婉婉
42歲嘅車婉婉，之前接受訪問時承認同老公成功造人，預產期係明年4月。車婉婉話自從有咗BB之後，老公經常迫自己食嘢，又覺得有BB係「上天嘅恩賜」。到咗元旦日，車婉婉就喺facebook公佈話將會生個肥肥白白嘅男嬰。
來源:
http://hk.apple.nextmedia.com/entertainment/art/20170123/19906234
何琍琍為keep靚樣自爆每晚打賀爾蒙針
1 :
GS(14)@2017-02-18 00:51:21今年就70歲嘅何琍琍，作為紅極一時邵氏女星，亦係已故華光航業集團董事長趙世光嘅太太，佢對於自己嘅儀容非常着緊，對「靚」亦有一份執着。佢喺95年一個訪問入面，自爆駐顏有術嘅妙法，就係每晚打賀爾蒙針。當時47歲嘅何琍琍喺訪問中，慨嘆歲月不饒人，佢表示自己以前唔信有地心吸力，又話自己40歲前皮膚有光澤、肌肉亦有彈性；直到突然有一日發現hip位下垂，先驚覺「不得了呀！真的要去做運動。」不過，何琍琍並沒有為此而悶悶不樂，佢為咗keep住靚樣，服用一種抗衰老藥物，每晚臨瞓前都會打一支growth hormone（生長賀爾蒙）針，喺日頭就要食兩次藥。何琍琍仲話當時FDA(美國食品和藥物管理局)都未通過呢種藥物。雖然當時何琍琍用緊嘅抗衰老藥物未通過FDA檢定，不過佢一啲都唔擔心，仲好似細路女咁分享自己嘅「逆齡」心得。何琍琍話自己用咗呢隻藥兩個月後，頭髮變得光滑，皮膚有番彈性，連雀班都冇埋。除咗睇得到嘅改變，何琍琍仲話自己當時每日瞓6個鐘就夠。雖然打針唔算得係咩「皮肉之苦」，但何琍琍不惜代價去保持美貌目的係咩呢？何琍琍話keep好自己係為咗令老公覺得自己有睇頭，同老公出去見世面時亦不失禮，做到「出得廳堂，入得廚房」。
來源:
http://hk.apple.nextmedia.com/entertainment/art/20170217/19931145
《會過去的》橫掃頒獎禮車婉婉轉型拍戲keep曝光
1 :
GS(14)@2017-03-04 00:34:45今年42歲嘅車婉婉，2013年嫁俾澳洲藉游泳好手Johnathan，快將成為人母嘅佢，預產期係下個月。相對組織家庭，車婉婉喺事業上算係較早起步。92年，車婉婉參加無綫電視及華星唱片合辦嘅第11屆新秀歌唱大賽，憑著《我不得不放棄》一曲獲得冠軍入行。隨後無綫安排車婉婉參與電視劇演出，但大多屬客串或閒角，到95年約滿無綫後離開，專心做個全職歌手。6年後重返無綫演出長壽處境喜劇《皆大歡喜（古裝版）》，劇中飾演毒辣貴妃「萬貴妃」一角，無心插柳竟成演技上嘅代表作。不過一直恨做番歌星嘅佢，始終留戀舞台。2000年車婉婉終於扑中首hit歌，同許志安合唱《會過去的》唱到街知巷聞。呢首歌亦令佢橫掃當年各大頒獎禮，包括奪得無綫十大勁歌金曲頒獎典禮「最受歡迎合唱歌曲」金獎。可惜，呢首hit歌之後，車婉婉嘅歌曲同專輯產量都每況愈下，幾乎等幾年先出到一隻專輯，而且歌曲上榜次數亦不及當年勇，反而近年佢轉型拍電影，每年都有一至兩套作品，keep住曝光率。
來源:
http://hk.apple.nextmedia.com/entertainment/art/20170303/19946205
【海底撈足本睇】冧豬八大服務照keep 自選醬料勁貴每位$28
1 :
GS(14)@2017-10-15 16:35:33海底撈香港店10月8日開始試業，記者立即去實試。
內地爆紅的四川麻辣火鍋店「海底撈」，香港分店位於油麻地彌敦道，於10月8日上午10時正式開業。記者於10時開店準時到場，未見有人龍排隊。而與傳聞中的海底撈一樣，以貼心服務做噱頭，甫到門口店員已大呼「歡迎光臨」！而提供膠袋給食客將手機放入袋及橡筋紥頭髮等，一樣有得留低。與內地分店一樣，雖是自助點餐，但有專人從旁推介特色配料，亦有專人服侍，幫你淥嘢食。
總括來說，講服務大致上與內地差不多，但以食物來看，香港近來開了不少麻辣火鍋店，海底撈的配料選擇似乎較失色，選擇較少。而價錢呢，預計一定會較內地貴，但究竟貴多少呢？
即席拉麵在香港有得留低，不過店員似乎不太熟手，有待改進。
如朋友未到或是單人匹馬幫襯，店員會借出公仔陪食。
修甲服務在開業首日已有，記者約等了30分鐘才可試玩。
埋單計數，記者三人同行，點了四宮格湯底加八款半份配料，已經要700多元。記者亦試過在深圳食，四人同行點四宮格湯底及超過十款食物，而且是全份上碟，埋單不用700人民幣。而最意想不到是，香港的調味料每位需要28元，內地只需約十元，貴了足足兩倍，似乎在內地吃較划算。記者︰黎婉婷、許嘉欣、黃依情攝影︰許先煜
來源:
http://hk.apple.nextmedia.com/su ... t/20171010/20177523
小蝸居大裝修 Keep住清新乾淨零中伏
1 :
GS(14)@2017-12-04 23:48:56香港地的住宅單位越來越細，但其實識得善用空間，小蝸居都可以住得舒舒服服。今次設計師Andrew會分享怎樣將這個位於西環海旁的單位，變成一個乾淨簡潔的空間，並教大家裝修後的清潔打理小貼士。
簡潔日系家居 善用地台增加收納空間
這間屋主要以日式現代風格，再配搭工業的元素作為主題，而睡房加上衣帽間則以地台呈現出來。廚房方面採用了半開放式的外觀，增加了互動性和趣味。至於浴室設計則利用企缸，亦加上了日系浸缸，來提升生活的品質。由香港許多新樓的面積都比較細，樓底比較高，使用地台空間可以增加儲物容量，除了令空間更簡潔外，亦可以減少積塵。
設計師將日式現代風格融入工業的元素。
廚房方面設計採用了半開放式的外觀，增加了互動性和趣味。
許多新樓都面積細樓底高，善用地台空間可以增加收納，又可以令室內空間更簡潔。
地台及家居裝修後 怎樣保持清潔乾淨
升高地台後會有許多把手位，以及木器與木器之間的接駁位會有很多窿窿罅罅，用布未必抹得乾淨。所以可以用吸塵機清潔，減少塵埃和致敏原積聚。另外，木器會用膠水做固定，裝修時會使用油漆，這些都會產生難聞的揮發性氣體。加上裝修時所留下的粉塵，不單止影響室內的空氣，這些粉塵加上氣味，亦是刺激氣管引致過敏的致敏原。所以，可以用有HEPA濾網的空氣清新機，過濾空氣中的粉塵和揮發性氣體。而有些機種更可以智能偵測空氣質素，將全屋空氣清潔淨化，保持全間屋清新乾淨。至於有小朋友的小蝸居，要慳位又要善用空間，一部多功能吹出冷熱風，以及過濾空氣的空氣清新機，就更加合用。
升高地台後會有許多把手位及窿窿罅罅，用吸塵機清潔就可以減少塵埃和致敏原積聚。
使用有HEPA濾網的空氣清新機，可過濾裝修後空氣中殘留的粉塵和揮發性氣體。有些機種更可以智能偵測空氣質素，將全屋空氣清潔淨化。
設計單位檔案物業：西環城暉大廈實用面積：475呎設計師：Andrew Lam(am PLUS Designs Ltd)（特約報道）
來源:
https://hk.lifestyle.appledaily. ... e/20171128/20227619
【過年前開】中環蓮香樓荃灣開分店 水滾靚茶推車仔有得keep
1 :
GS(14)@2018-01-22 05:46:00早前曾有傳中環蓮香樓因租約期滿，有機會於2019年搬遷重建，仍是未知之數。但其集團「香港蓮香飲食集團」facebook就公布，將攻入荃灣開設分店，取名為「蓮香棧」。我們向負責人林壯大查詢，新分店位置在綠楊坊，大致根據蓮香樓的出品及格局，極大程度保留蓮香樓菜單，甚至做法、水滾茶壺、推車仔等，預計會於農曆新年前開。至於是否舊班底，他則說下星期將會決定。
推車仔亦是蓮香樓,特色，大機會在新店保留。
蓮香樓老店前身在廣州，於1889年開業，由於當時蓮蓉製作出色，被當時為翰林學士的陳如岳欣賞，命名為「蓮香樓」。輾轉來港開店，首間店在中環皇后大道中成立，九龍分店則位於旺角。1952年內地解放後，廣州蓮香樓被收歸國有，自此與香港分店各自經營，其後旺角分店亦告結業，中環在1996年遷至現址經營，位於上環的蓮香居則為姊妹店。
蓮香樓是最早提供免切叉燒飯的現存酒樓之一，至今從未停止供應。
食物方面，蓮香樓至今已保留傳統茶樓格調，有不少懷舊點心，像豬肚燒賣、雞球大包等等，現已見少賣少。它亦是最早提供免切叉燒飯的現存酒樓之一，至今從未停止供應。用新鮮的脢頭肉，以秘料醃製，再入爐燒約45分鐘，將叉燒斬成兩大嚿，放上白飯便成。懷舊點心贏盡茶客青睞，名人周星馳、張瑪莉、蔡瀾及朱玲玲等，亦是座上客。蓮香棧荃灣蕙荃路22-66號綠楊坊P9號鋪記者：何嘉茵全新旅遊專頁，即like籽想旅行：
https://fb.com/travel.appleseed
來源:
https://hk.lifestyle.appledaily. ... e/20180119/20278852
Next Page