50年龍記麵家 七月講拜拜
1 :
GS(14)@2013-05-12 14:05:10http://hk.apple.nextmedia.com/news/art/20130509/18254007
龍哥名叫賴達芳，63歲，13歲入行在黑布街賣麵大牌檔卲敬記學師，與老闆女一麵結緣，老闆變外父。他說，當年學國術、玩健身，大熱天時在大牌檔赤膊炒菜，露出紋身，「大隻佬」之名不脛而走。好景不常，大牌檔遭清遷。龍哥與太太跑到現址門外做車仔檔，取名龍記，「我原本叫達芳，女仔芳，小學俾人笑，出嚟做嘢同人講叫賴龍，車仔檔咪叫龍記。」
龍哥憶述，31年前開車仔檔那天，碰巧是三號風球，幾乎開檔不成，「好在有我太太，夾手夾腳，終開到舖。」守業一年，生意有點起色，「街坊街里傳開去話大隻佬返嚟，生意越做越多。」之後租了現址門面，「由最初日做200蚊生意，到90年代最好景，有三千幾蚊。」
生意興旺，龍哥拉親兄弟幫手，「我有十兄弟姊妹，最唔放心係排第十嘅細佬；佢好反叛，紋身比我多好多。」人稱阿細的義芳，浪子回頭，一做近30年。兩個紋身漢會否嚇怕街坊？龍哥笑說，最初一些OL也不敢入店，阿細送外賣人家不敢開門，「日久見人心，同街坊熟咗，話嚟而度食麵有安全感」。
並非因業主加租
龍記的湯底熬三四小時，招牌菜有辣牛筋麵、柱侯豬手，以至獨創豉油王炸醬撈河粉。記者昨採訪，熟客Michael到來，龍嫂為他叫一碗Michael麵，「即係辣味牛筋麵，啲牛筋要腍啲。我哋知熟客口味。」難怪Michael天天來吃牛筋麵，大讚麵條彈牙。
老店結業，龍哥說並非業主加租，大學畢業的子女也願接手，但他認為急流要懂得勇退，「做龍記做咗大半生，太忙，我唔想佢哋好似我咁斷六親；太太同我捱咗一世，希望留番啲時間陪佢，過埋最後安樂日子」。
英雄氣短，兒女情長，龍哥收工，煮牛筋麵給龍嫂，龍嫂吃了這碗麵半世紀，喜孜孜說「好吃」。龍記真的結業嗎？
2 :
GS(14)@2013-05-12 14:05:25http://hk.apple.nextmedia.com/news/art/20130509/18254010
【遠近馳名】
龍記結業消息，來自藝人林子善的微博。事實上，龍記有不少明星藝人捧場，林子善最愛吃豬手撈麵。
十弟義芳笑言很多明星來龍記，「佢哋由未紅，食到紅透半邊天，好似大家熟悉嘅王祖藍。」現場所見，店內貼有扮鬼扮馬的王祖藍，與龍哥及義芳兩個大隻佬合照。義芳說，狄龍也是熟客，昨晨從內地拍戲回來，吃了碗麵才回家。
義芳又指黃子華也是常客，「黃子華有好多內地粉絲，遠到北京都有，每次佢開棟篤笑，佢啲粉絲就走嚟想撞吓子華；又話子華鍾意食乜，佢哋就食乜。有啲仲要坐子華坐嘅位，都幾瘋狂」。
龍記不但本地有名，亦有不少外國遊客光顧，美國名廚Anthony Bourdain便曾多次來龍記拍攝，品嚐牛筋麵等港式麵食；龍哥望着店內掛上受訪的報道欷歔地說，龍記第一家受訪的報紙是《蘋果日報》，想不到報道結業消息的報紙，也是《蘋果》。
《蘋果》記者
3 :
亞力士(1473)@2013-05-24 19:59:14其實好一般, 份量少不特止, 不論牛根定雲吞, 個湯都無乜味.
4 :
龍生(798)@2013-05-25 18:57:49我都食過, 非常普通, 簡直係有少少難食
5 :
b.c.(30644)@2013-05-26 01:21:35龍記麻麻哋, 佢附近間通記好食得多