拍拖一年愛老公老套Celia K.嫁李冠鋒做闊太
1 :
GS(14)@2016-08-11 06:08:33■Celia K.上月跟李冠鋒註冊結婚，趕及年尾踏入3字頭前嫁做人妻。
電影《一路向西》33C僆模郭穎兒（Celia K.），趕及12月踏入3字頭前嫁人，現年29歲的她於一個月前閃婚，嫁給拍拖一年、Janice Man（JM）的有米舊愛李冠鋒，前晚Celia在社交網貼婚照公告喜訊：「一切都發生很快，幸福就是這樣，很難去捉住時間，說來就來。是的，我突然就嫁了。」兩人黐頭芒晒婚戒放閃，幸福滿瀉。
■Celia K.前日在網上貼婚照，公告結婚消息。互聯網圖片
■今年初兩人到馬爾代夫度假，李冠鋒向Celia K.求婚失敗。資料圖片
心血來潮結婚
前晚本報致電Celia恭喜，新任人妻的她開心地說：「多謝，因為幸福好突然嚟，咁就結婚啦！大家一直有傾過結婚問題，突然心血來潮就去結囉！」拍拖一年就閃嫁，Celia否認雙喜臨門：「婚後先有計劃生B，同老公都好鍾意小朋友，總之一切順其自然，好多人都話我哋識咗好短時間，點解咁快結婚，因為過去一年，佢表達到對我嘅愛，好愛護我，好照顧我。」
■Celia K.獲李冠鋒打本開手袋店，升呢做老闆娘。資料圖片
■李冠鋒是JM的舊愛，兩人曾被影到拖手亮相。
外母給予及格
今年初兩人到蜜月勝地馬爾代夫度假時，原來李冠鋒已經密謀求婚，不過未獲Celia點頭下嫁，屢敗屢戰的他於兩個月前再策劃求婚，Celia冧爆說：「佢有花心思安排，喺屋企同我求婚，有一晚我開門，見到地下有條燈路，條橋係好老套，但我受，結婚係需要衝動，冇咗呢份衝動就結唔成，媽咪都鍾意佢，覺得最緊要佢錫我對我好，外母話畀佢及格。」問到給老公多少分？Celia笑說：「畀佢90分啦，仲有10分進步空間，畀佢慢慢加上去。」由於近年Celia在幕前零工作，早前男友便打本給她在太子開店賣手袋，原來是鋪路將Celia私有化。採訪：比華利
來源:
http://hk.apple.nextmedia.com/entertainment/art/20160811/19731145
Celia K.擺酒請舊愛
1 :
GS(14)@2016-08-14 14:29:22■Celia K.前晚出席電影優先場時，大晒兩卡巨鑽和卡地亞結婚戒指（小圖）。
惠英紅、陳家樂和郭穎兒（Celia K.）前晚在尖沙嘴出席有份主演的電影《幸運是我》優先場。新婚的Celia上月閃嫁文詠珊舊愛李冠鋒，升呢李太的Celia前晚左手戴上閃爆兩卡巨鑽求婚戒指和卡地亞結婚戒指，非常搶鏡，未慣被叫李太。Celia和老公今年10月會在金鐘JW萬豪酒店筵開三十席婚宴，她謂會邀請舊愛來飲，問會否請老公的舊愛？她說：「佢嗰啲我就唔知。」同場的唐貝詩大爆張名雅婚期是下月9日，到時她會擔任姊妹。
■唐貝詩大爆張名雅9月9日出嫁，她會做姊妹。
另外，惠英紅今年入行40周年，她有意在電影宣傳後搞池畔燒烤派對慶祝，她曾想出書紀念：「寫咗十分之一，但牽涉太多人，最終打消念頭，書名都諗好叫《我的50年》，睇吓60歲時仲有冇咁嘅氣力。」採訪：卓寶花攝影：陳俊強
來源:
http://hk.apple.nextmedia.com/entertainment/art/20160814/19735291
30歲生日報喜Celia K.陀女6個月 怕痛揀開刀
1 :
GS(14)@2016-12-11 14:12:47■Celia獲老公阿鋒錫到燶，生日入迪士尼遊玩。
電影《一路向西》女主角、33C僆模郭穎兒（Celia K.），今年7月閃嫁拍拖一年的文詠珊舊愛李冠鋒。Celia前日30歲牛一，獲老公錫到燶，送上鮮花、蛋糕和Hermès手袋，她貼相到facebook留言晒命：「天天是生日有多好，原來有老公也不錯！」
■Celia在家安胎，相約DaDa（右）一齊整曲奇。
■Celia前日30歲生日宣佈陀女，明年升呢做媽咪。
■
跟囡囡爭寵
壽星女Celia前日與老公拍拖入迪士尼，表面過二人世界，其實是「三人行」，因為Celia陀B已6個月，她前晚在Instagram上載兩夫妻肚皮相，開心宣佈將為人父母，腹大便便的Celia在肚皮寫上：「I'm Mom and baby！」而阿鋒肚皮則寫上：「I'm Dad！」Celia表示腹中塊肉是囡囡，預產期是明年3月，她昨日在電話中說：「7月註冊後第二日，我就發現有咗。我好鍾意生女，可以同佢扮靚，老公又恨女。」囡囡是爸爸的前世情人，Celia笑言會跟囡囡爭寵，她說：「老公去到每個地方都話出年帶埋囡囡去。」
一日食5餐
不過，Celia謂生完女後不心急追仔，她說：「唞吓先，湊BB都應該好忙好辛苦。」她怕痛打算剖腹產女。陀女後食量大增的Celia，特別鍾意食麵包，她說：「有咗成日都餓，好食得，一日可以食5餐，直到而家重咗10磅，不過可能我骨架細，睇落去個肚唔算好大，但醫生話正常size。」
Celia最近跟經理人施念慈完約，暫時先安胎，產後才復出工作，冇約一身輕的Celia說：「呢段期間生BB啱晒timing。」Celia安胎不忘增值，她早前獲老公陪到台灣學飄眉和植眼睫毛等美容課程，閒時又約陳靜（DaDa）一齊整曲奇。採訪：楊定
來源:
http://hk.apple.nextmedia.com/entertainment/art/20161211/19861685
Celia K.影宮廷孕照
1 :
GS(14)@2017-01-31 03:13:29■Celia K.日前穿上宮廷晚裝影大肚寫真留念。
?模郭穎兒（Celia K.）去年閃嫁拍拖一年圈外男友李冠鋒，婚後成功造人，現已陀B女八個月，預產期是今年3月。
Celia夫婦日前入影樓拍大肚寫真留念，Celia肚大如籮，大玩宮廷晚裝主題，她接受訪問時表示：「呢輯相影咗四個鐘，老公好緊張。可能個肚特別重，所以影咗幾個鐘就好攰，我覺得自己好論盡，以前影相前一定會縮肚，唔會俾人睇到自己有肚腩仔，或者有肥肉，但係今次個主角就係個肚，感覺好奇妙。」她又透露已重了30磅：「越近倒數，我心情都驚驚哋，嬰兒用品都買得七七八八，開始佈置囡囡房。」採訪：楊定
來源:
http://hk.apple.nextmedia.com/entertainment/art/20170130/19912611
Celia K.囡囡滿月放監洗頭
1 :
GS(14)@2017-04-08 19:39:54?模郭穎兒（Celia K.）去年嫁給圈外男友李冠鋒，上月初誕下囡囡李明芯（Galia），轉眼囡囡今日滿月，將會跟爺爺嫲嫲三代同堂吃飯慶祝。Celia坐月跟足傳統，所以昨日B女滿月，她十分興奮，更在facebook分享母女相並留言：「衰豬，今日滿月喇！媽媽放監，重點係可以轟轟烈烈沖次涼、洗個頭。」她表示坐月後首要減肥變回索媽。
Celia和老公阿鋒有女萬事足，不介意被囡囡搶鏡，其中有一張相是B女躺在賤熊公仔Ted旁邊，更學足賤熊公仔Ted表情，Celia取笑：「呢個表情我畀滿分，天然呆。」Celia希望囡囡長大後，一家三口可以外遊。採訪：陳杰
■Celia與老公有女萬事足，囡囡更穿「PRINCESS」衫仔。互聯網圖片
■囡囡學賤熊公仔天然呆，Celia笑言表情滿分。互聯網圖片
來源:
http://hk.apple.nextmedia.com/entertainment/art/20170407/19982115
Celia K.粉紅BB宴
1 :
GS(14)@2017-06-23 01:44:38郭穎兒（Celia K.）今年3月為圈外老公李冠鋒生了囡囡李明芯（Galia），前日兩夫妻在酒店舉行囡囡百日宴，更特別邀請了百位賓客出席，包括李蘊及囡囡羅紫晞以及C AllStar的梁釗峰等。
Celia將芯芯打扮成pink baby，芯芯日前感冒，還交叉感染爹哋媽咪，幸好趕及百日宴前痊癒，Celia昨在電話說：「芯芯仲有少少流鼻水，但好合作，任抱任影，完全冇扭計，四小時派對，佢尾聲先眼瞓。」Celia更親手花了九粒鐘給囡囡整了立體旋轉木馬蛋糕，她說：「囡囡雖然淨係飲奶，冇份食蛋糕，但將來佢睇番相，一樣好開心。」採訪：陳杰
來源:
http://hk.apple.nextmedia.com/entertainment/art/20170619/20060453
Next Page