ZKIZ Archives


【香港勁揪】破世界紀錄 24小時不眠跑1875公里

1 : GS(14)@2016-05-19 02:23:35

「香港精神隊」14名長跑好手,由昨日早上9時至今早9時,在沙田香港體院24小時持續跑,最佳成績10人合共跑了1875.8公里,打破世界紀錄協會約1600公里原有紀錄。



破紀錄!一日流流長可以做好多嘢,但有無諗過有人可以連續24小時齋跑唔訓覺?有14名「香港精神隊」的香港長跑氣袋,噚日早上9時開始,就一直在沙田香港體育學院圍圈跑,在少量時間補給飲食情況下,不眠不休跑到今早9時,最終最好成績的10人在24小時共跑了1875.8公里,即近乎跑了4.44個全馬拉松,打破世界紀錄協會10人24小時共跑約1600公里的原有紀錄,再一次證明香港運動好手係勁揪!


今次挑戰紀錄的「香港精神隊」14名隊員,13男1女,全部都身經百戰,過往已多次成功征服比全馬距離更長的超馬賽事,隊長為曾贏得三屆毅行者香港冠軍、有「毅行者先生」之稱的陳國強(KK)。14人在體院緩步徑跑,每圈1.162公里,最後平均跑到133個至175個圈。當中跑得最多為從事特殊學校教師的施性概(施Sir),本身是超馬好手的他,今次跑了175個圈,平均每圈只是用了7分鐘左右,雖然無訓過覺,但跑完後仍然毫無倦容,施Sir說:「我覺得是一個鍛練來的,24個鐘,看自己可以跑到幾多呢。有些人會覺得,咁樣跑好似倉鼠轉圈、好悶,但過程中身邊有很多朋友一同陪跑傾計,所以我好開心一點都唔悶。」而作為14名隊員的唯一女將、任職健身教練的林靜儀,亦跑了133個圈,甚至話因為唔使跑咁快,今次比跑全馬仲無咁辛苦!至於隊員中年紀最大,今年已年屆六旬的退休人士邱國棠(棠哥),今次更是他首度24小時跑。棠哥說:「都幾辛苦,尤其半夜跑時,平時個陣已經訓緊覺,所以要不時飲咖啡捱眼訓。不過我覺得人有時點都要嘗試吓一啲挑戰,體驗吓可以點樣辛苦法。」記者:余瑋攝影:潘志恆



今次紀錄由世界紀錄協會頒發,有認證官全日從旁認證計時。

體院緩步徑跑每圈1.162公里,14人平均跑到133個至175個圈。

最犀利為任職特殊學教師的施性概(施Sir),24小時跑了175個圈之多,換言之每圈只是用了約7分鐘!



「香港精神隊」唯一女隊員林靜儀,本身任職健身教練,今次亦跑了133個圈。

「香港精神隊」隊長陳國強(右)和年紀最大的隊員邱國棠(左),年屆六旬棠哥更是第一次24小時跑。

雖然一日24小時流流長,不過今次挑戰,一眾隊員身邊不時都有跑友一同陪跑,所以一點都唔覺悶。



來源: http://hk.apple.nextmedia.com/su ... t/20160516/19613239
香港 勁揪 世界紀錄 世界 紀錄 24 小時 不眠 眠跑 1875 公里
PermaLink: https://articles.zkiz.com/?id=300287


ZKIZ Archives @ 2019