ZKIZ Archives


三級導演刪情慾戲 齊昕淆底

1 : GS(14)@2015-02-16 17:47:59

2015-02-12  NM

懶理狼、蝦反對,決定要Be yourself、做自己的特首女梁齊昕,人類已經阻止唔到佢想入娛樂圈做明星的決心,因為稍後齊昕將會同專監製三級片如《四度誘惑》、《人頭豆腐湯》等的導演劉俊輝合作,接拍有大膽床戲的新片《男極探射燈》(暫名),進軍大銀幕。雖然齊昕拍心口話已取得父母同意,但電影公司驚有人唔高興,決定改劇本減肉搏場面,避免秋後算賬。但齊昕仍然淆底,週二(十日)臨時甩底新片記者會。夥拍李逸朗

梁齊昕承認與父母價值觀差異太大,激到兩老幾乎心臟病,但愈壓迫、愈反抗的齊昕,一心只想入娛樂圈做明星,689老豆根本阻止唔到。由於身份特殊,齊昕今次袋六位數字酬勞,接拍愛情喜劇《男極探射燈》,電影中她飾演愛心社工,男主角是憑「哭腔傻女」人氣反彈的李逸朗,其他合作演員還有陳惠敏、曹查理、樓南光、黃光亮、苑瓊丹和林子善等,而演慣社團人物的陳惠敏,將飾演齊昕父親。可是她臨時缺席記招,拍唔拍得成仍是未知之數。

怕有手尾跟

對於片中有大膽情慾戲,齊昕並不抗拒,但電影公司愈諗愈淆底,為免日後有麻煩,決定刪減所有情慾場口。「齊昕鬼妹性格,覺得拍床戲冇所謂。不過電影公司驚有人唔開心,就算齊昕敢演,佢都唔敢拍!其實同齊昕傾合作佢係好爽快,但呢幾日佢同特首夫人去外地玩,未試好晒造型,搞到電影公司好緊張,加上佢以前試過『被失蹤』,呢幾日又close晒所有社交網站賬戶,就算佢話得到父母同意,電影公司都驚最後拍唔成。」知情人說。

李逸朗:一齊唱哭腔

在片中有幸飾演齊昕男友的李逸朗,原來一直不知女主角是誰。「電影公司話俾個驚喜我。(而家驚喜嗎?)好驚喜,好特別。(聽講刪好多肉搏戲喎!)唔知,劇本未出晒!(驚唔驚特首嬲?)我聽導演安排,其他控制唔到。」至於到時會否同齊昕合唱哭腔,李逸朗說:「到時感情到,係唔會避開唔唱。(合唱主題曲?)我都好想,如果你都想,我可以反映!」將與齊昕有不少對手戲的樓南光則說:「諗唔到齊昕真係拍戲,到時都會照顧佢。(部戲有肉搏場面係咪三級?)冇講過係三級片,不過睇卡士有曹查理,哈哈哈,起碼係二級半,齊昕天生食呢行飯,性格反叛,思想又創新,都幾另類,不過套戲三、四月先開。」而飾演齊昕父親的陳惠敏亦坦言非常期待:「佢都靚女,都有睇頭。」

變靚D

齊昕話過唔介意整容入行,事實上,她的確愈變愈靚,由扁鼻、pizza面,變成間尺鼻、瓜子面。


三級 導演 情慾 齊昕 昕淆 淆底
PermaLink: https://articles.zkiz.com/?id=287874

梁齊昕拍新戲隨時泡湯

1 : GS(14)@2015-03-01 12:53:02





■梁齊昕對投身娛樂圈的興趣極濃,上月更盛裝現身時裝展。資料圖片


特首梁振英女兒、二十四歲的梁齊昕早前答應接拍劉俊輝監製及導演的新戲,而且已經簽了合約,有傳戲名為《男極探射燈》,與近日人氣急升的李逸朗演情侶,戲中還找來陳惠敏、樓南光及曹查理等演員。不過齊昕缺席月初《男》片的記者會後,其間導演還言之鑿鑿電影會預期下月八日開工。



鄭紹康:唔方便回應

近日傳出有人透過中間人和導演接觸,表示願意買下齊昕的片約,又或者以賠錢方式解除合約,不過幫梁齊昕接洽工作的好友鄭紹康昨接受電話訪問時說:「現階段好多問題處理緊,所以唔方便回應。」而《男》片導演劉俊輝日前接受電話訪問時沒有聽聞,他說:「冇聽過齊昕唔拍或者解約,等我了解清楚先,總之呢一刻冇收過呢類消息。」



■梁齊昕早前高調現身新戲拍檔李逸朗的迷你演唱會,還出席慶功宴。資料圖片

■劉俊輝於本月初舉行新戲記者會,傳聞中的女主角齊昕卻缺席。資料圖片



電視台紛紛邀任主持

被問到假如齊昕拒拍會否令電影開不成時,他強調電影一定會拍:「部戲一定開得成,就算齊昕真係唔拍,我都會搵人代替佢,唔構成問題。」據知,不少電視台包括now、無綫及有線等在內,都對齊昕出任主持非常感興趣,已紛紛向她招手。另外,昨日在網上流傳一段英文網料,指只要捐出五千元,特首女兒齊昕便可充當寵物保母,代你照顧寵物而且不只限貓狗,甚至乎蜥蜴等較冷門的寵物亦不拘。齊昕昨日透過鄭紹康聲稱已經是兩年前的事,被照顧的寵物可入住禮賓府一晚,不過一直沒有人幫襯過。採訪:李森



■昨日網上流傳只要捐出五千元,齊昕便可為你照顧寵物一天,齊昕昨透過鄭紹康聲稱是兩年前的事。互聯網圖片





來源: http://hk.apple.nextmedia.com/entertainment/art/20150227/19056183
梁齊 齊昕 昕拍 拍新 新戲 隨時 泡湯
PermaLink: https://articles.zkiz.com/?id=288083

傳遭棒打鴛鴦 仍未忘情齊昕光復fb 晒婚照示威

1 : GS(14)@2015-03-12 19:17:27





■有指齊昕雖與Michael分手,但與對方仍有聯絡。資料圖片


【齊昕星夢之寄情工作】特首梁振英女兒梁齊昕最近新聞多多,先是因為接了三級片導演劉俊輝新片令外界譁然,但後來有周刊聲稱齊昕接受訪問,當中提及因導演曾拍三級片而不肯拍該電影,此單方面舉動惹來劉導演不滿,公開鬧爆她之餘,更計劃告她違約。進軍娛樂圈受挫後,昨日有周刊又爆料指齊昕原本與拍拖三年的同學Michael感情要好,已視對方為結婚對象,但最後分手收場。



■好友鄭紹康昨拒絕回應齊昕與Michael的感情事。

■梁齊昕被爆出與拍拖三年的前男友Michael遭棒打鴛鴦。



鄭紹康:我哋唔回應啦

該報道指梁齊昕在英國名校倫敦經濟學院修讀法律,她與同校修讀經濟的Michael在熱戀中,兩人在學校已是很公開情侶,去年男友畢業回港工作,齊昕竟然退學回港準備嫁給對方,這事令父母很不滿,再加上雙親很重視門當戶對,對出身中產的Michael做乘龍快婿有所保留,後來齊昕在家人壓力下,被迫與男友在去年佔中期間分手,之後她大受打擊。有記者曾訪問Michael是否已和齊昕沒聯絡,他無奈擰擰頭,但當問到是否梁振英反對他和齊昕婚事要棒打鴛鴦?他就沒有作出回應。不過據本報昨日得悉,雖然齊昕雙親不贊成這門婚事,但齊昕始終未能放下Michael,暗中跟對方仍然有聯絡,希望待男友事業有成後,兩人能修成正果。記者昨日聯絡了幫齊昕接洽工作的好友鄭紹康,他在電話中表示:「有關佢同Michael感情事,我哋唔回應啦!」問到齊昕父母是否嫌棄Michael出身?鄭紹康依然拒絕回應。



■齊昕昨日光復fb即貼相,更留言問人如何重開ig戶口。

■齊昕為慈善首度披婚紗拍攝。



另外,梁齊昕最近投入新工作為亞洲婚禮攝影師協會AsiaWPA作慈善攝影,協會宗旨推廣香港婚禮攝影,到海外為新人拍下美麗回憶,首次披上婚紗的齊昕感覺清新。而齊昕昨日在facebook連出四個貼文,先貼出穿透視裝和婚紗照,大晒事業線的照片,未想到平時瘦到我見猶憐的齊昕,原來身材也不錯,她還留言:「Do Fairy Tales exist?-feeling pensive.」齊昕忽然沉思這個世界有沒有童話的存在,難道她想做公主?採訪:鍾國仁





來源: http://hk.apple.nextmedia.com/entertainment/art/20150312/19072486
傳遭 遭棒 棒打 鴛鴦 仍未 忘情 齊昕 光復 fb 婚照 示威
PermaLink: https://articles.zkiz.com/?id=288416

梁齊昕有望主持旅遊節目

1 : GS(14)@2015-03-12 19:18:45





梁齊昕因為是特首女兒,加上她有意進軍娛樂圈,近日經常成為話題。據悉,無綫和Now已經向她招手,想邀請她主持綜藝節目,其暫時代理人鄭紹康已經開始與兩間電視台傾談節目的性質,原本她下月的檔期是全給了劉俊輝的電影《男極探射燈》拍攝,但如今應該已取消接拍,會盡快安排新的工作,填補空出的檔期。近期鄭紹康已積極為齊昕的演藝事業尋找機會,據悉Now的旅遊節目想請她做主持,不過她要四出旅遊介紹不同國家的風土人情,如果要做這節目,齊昕也要先徵求父母同意。採訪:鍾國仁





來源: http://hk.apple.nextmedia.com/entertainment/art/20150312/19072488
梁齊 齊昕 有望 主持 旅遊 節目
PermaLink: https://articles.zkiz.com/?id=288417

齊昕fb稱被母摑 曾偉雄不調查指非家暴「唔可能網上講過就查」

1 : GS(14)@2015-03-22 21:56:02





■梁齊昕早前在網上稱被母掌摑,引起市民關注。


【本報訊】特首女兒梁齊昕早前在網上社交平台留言,聲稱遭母親辱罵、掌摑、想自殺,其後報警召喚警車及救護車。警方以報案人毋須協助為由,收隊離開,警方被質疑無按處理家暴案件的指引執法。警務處長曾偉雄昨指梁齊昕的個案並非定義中的「家暴」,故有關指引不適用,表示「我哋唔可能就個別人士喺網上講過嘅嘢就走去調查」。記者:張婷婷曾偉雄昨出席撲滅罪行聯席會議後表示,注意到有報道將家暴和親屬之間的暴力混淆。他指,家暴是指配偶及有親密關係的伴侶,不論性別,之間出現的暴力。若非關這類個案,警方處理家暴的相關指引便不適用。家人之間的暴力是另一個問題,「當然我唔想揣測究竟有冇發生過暴力或邊種暴力」。不少市民關注梁齊昕在網上留言稱被母親掌摑,曾偉雄昨說:「我哋唔可能就個別人士喺網上講過嘅嘢就走去調查。」並反問記者:「你喺網上講過嘅嘢都唔希望警方去調查,係唔係?」



留言涉罪行 警應介入

在滅罪會的答問環節中,有委員要求警方打擊網上號召反水貨示威時,曾偉雄卻表示:「網上言論、網上世界受法律嘅約束係一樣,如果有人喺網上作出違法嘅言論,佢可能已經犯咗法,警察當然會採取執法行動。」曾稱,警方會一如現實世界警察般在網上巡邏,留意公共討論區,對違法行為採取適當行動。立法會資訊科技界莫乃光認為,不論是談及家暴或是調查網上言論,曾的言論存在雙重標準。無論以何定義家暴,若有人稱被另一人打,不管是否家人,或已存在傷人、襲擊的罪行,當然不能立即判定有人犯法,但警方有責任了解事件。至於是否調查網上留言,莫直斥曾偉雄「九唔搭八」,問題不在於是梁齊昕、記者或反水貨示威者在網上留言,而是留言內容是否涉罪行,梁齊昕的留言顯示她可能是襲擊事件的受害人,警方有責任介入。工黨立法會議員張超雄指出,警方在處理家庭暴力案件的時候,有一套內部指引,包括有警長或以上職級人員督導,及依循「行動清單」處理;對於曾偉雄對「家暴」的定義,張超雄指警方是根據《家庭及同居關係暴力條例》處理家暴案件,條例中施暴者與受害人的關係不只涵蓋配偶、伴侶,多年前已擴大至其他親屬,包括父母、兄弟姊妹及婆媳等,張指警隊未有與時並進,因應法例修訂警隊內部指引,「警察係執法者,佢嘅內部指引唔係法例,
齊昕 fb 稱被 被母 母摑 曾偉 雄不 調查 指非 非家 家暴 可能 網上 講過 過就 就查
PermaLink: https://articles.zkiz.com/?id=288763

齊昕突襲麥貝夷讚靚

1 : GS(14)@2015-05-10 23:44:13

特首女兒梁齊昕前晚突然現身中環esscentric香薰品牌活動,在場內打碟狂歡,還與歌手麥貝夷及新人向殷傾偈合照,麥貝夷說:「真人幾靚女呀,報章上見佢好瘦,而家健康咗好多。」她透露兩人有傾談:「朋友介紹我係唱《勾手指尾》嗰個,佢話唱K時都有唱,我梗係開心啦。」向殷則說:「第一次見佢真人,比想像中nice好多,全晚好多人同佢傾偈。」





來源: http://hk.apple.nextmedia.com/entertainment/art/20150510/19141847
齊昕 突襲 麥貝 貝夷 夷讚 讚靚
PermaLink: https://articles.zkiz.com/?id=290245

感冒未癒 開心玩通頂齊昕揀男友:要鍾意小動物

1 : GS(14)@2015-05-17 22:58:36

■梁齊昕昨晚一身黑色套裝,襯她的招牌「Chai」字訂做clutch bag,出席愛護動物協會活動。攝影:沈健程


特首女兒梁齊昕、傅明憲、郭秀雲及柳俊江等昨晚現身旺角,出席愛護動物協會微電影慈善活動,齊昕再度出巡公開場合成為焦點,一身黑衣及黑超打扮,由公關好友鄭紹康陪同前來,但她姍姍來遲,活動儀式結束才到達。公關表明齊昕不接受訪問,但她樂意同記者傾談,其間有紋有路,對答友善。



■傅明憲昨晚為愛護動物協會搞慈善活動,不少朋友前來支持。

■柳俊江昨晚現身支持微電影活動。



「拍戲都冇諗過」

早前齊昕曾透露身體不適,現場所見她精神不錯,她表示:「OK,仲有啲感冒,普通病,差啲嚟唔到。」記者問她有沒有其他病,她笑言:「冇,噚晚係friday night,朋友嚟咗屋企搵我,所以冇瞓。」提到特首父親現正外出旅行,問她為何不結伴出發,她表示:「冇,自己有嘢做。」記者問她會否再考慮娛樂圈工作,她表示:「冇,拍戲都冇諗過。」早前她曾聲言娛樂圈複雜,現在會否對人有信心了,她則表示OK。問到她有甚麼大計籌備中,她表示:「冇,全力照顧三隻狗,似湊仔,今晚都要返去湊佢哋,休息唔做嘢,未知道想做咩,be fabulous。」齊昕亦開腔談到感情狀況屬空白,問到她擇偶條件,她表示:「男性同鍾意小動物。」採訪:王連連



■齊昕現專心照顧家中三隻愛犬,更笑言似「湊仔」。資料圖片

■齊昕早前被爆與前男友Michael已分手,目前感情一片空白。資料圖片



來源: http://hk.apple.nextmedia.com/entertainment/art/20150517/19150170
感冒 未癒 開心 玩通 通頂 頂齊 齊昕 昕揀 男友 鍾意 動物
PermaLink: https://articles.zkiz.com/?id=290397

馮仁昭四圍超:脹爆齊昕伴母遊美睇星

1 : GS(14)@2016-03-16 14:28:13

■齊昕(中)前日被發現同媽咪唐青儀遊美國洛杉磯星光大道,戴住黑框眼鏡素顏嘅佢,精神幾好。讀者提供圖片








【爆相爆片】上年特首女梁齊昕出盡風頭,踏入新一年,齊昕好似冇晒蹤影,原來近呢幾個月,佢先後去咗澳洲、英國同美國旅行。噚日《蘋果》讀者陶小姐將前日影到齊昕同媽咪唐青儀去咗美國洛杉磯旅行嘅相透過本報「爆相爆片」開心share,見到齊昕同媽咪仲專登去咗當地著名嘅星光大道。


■相中齊昕(右)肥咗一個碼,有指係因為食藥副作用所致。

匆匆收線

有指齊昕情緒經常起伏,要keep住食藥,搞到有副作用致暴肥,相中齊昕的確肥咗成個碼,不過精神唔錯。至於行喺前面嘅阿媽,就拎住個膠袋,睇嚟兩母女啱啱shopping完。馮仁昭噚日越洋致電齊昕,問佢係咪同媽咪去咗美國散心,佢就話:「……唔,係……Sorry,我唔方便講!」然後就匆匆收線。仲記得齊昕喺舊年萬聖節當街激摑阿媽震撼全城,事隔幾個月,兩母女俾人影到喺中環酒吧消遣,搭膊頭又蹺住手,母女果然冇隔夜仇。





來源: http://hk.apple.nextmedia.com/entertainment/art/20160316/19530959
馮仁 仁昭 四圍 脹爆 爆齊 齊昕 昕伴 伴母 母遊 遊美 美睇 睇星
PermaLink: https://articles.zkiz.com/?id=298161

梁齊昕肥得來健康

1 : GS(14)@2016-09-02 05:49:39

■梁齊昕不介意因藥物引致增磅,認為健康最重要。資料圖片



梁齊昕日前現身紅館欣賞郭富城演唱會,被發現身形發福不少,日前她接受周刊訪問,直認因為服用抗抑鬱藥所致。訪問中,齊昕透露已服藥3個月,亦早知服藥後副作用會令身形發福及水腫,但她認為健康最重要,故一直乖乖服藥,無視外人冷笑。在訪問中,齊昕更自爆之前貪靚減肥,一度試過瘦剩84磅左右,沖涼見到自己得棚骨都嚇親。她又謂,現在覺得自己整個人都很平靜,又說自己好看得開,只要肥得來健康及開心便可以。撰文:李察




來源: http://hk.apple.nextmedia.com/entertainment/art/20160902/19757030
梁齊 齊昕 昕肥 得來 健康
PermaLink: https://articles.zkiz.com/?id=307188

大碼神奇女俠飲多咗齊昕腳浮蕩失路

1 : GS(14)@2016-09-04 18:03:40

■齊昕(右)直認有飲酒,步履不穩的她,要由唐貝詩扶着離開。



浩(Kenny)前晚在中環交易廣場頂樓American Club舉行44歲「超級英雄」主題派對,Kenny及太太徐淑敏一家五口以超級英雄造型示人,好友沈卓盈、宋熙年和陳智燊、唐貝詩及特首女梁齊昕應邀出席。



■黃浩44歲生日,大搞「超級英雄」主題生日派對。

■離場時Suki要照顧囡囡,黃浩則表示齊昕祝他身體健康。

■齊昕(左)扮神奇女俠兼穿上4吋高踭鞋,險些再仆。


「肥係因為M到」

齊昕為配合主題扮演神奇女俠,在派對上獲來賓邀合照,她在合照後要先看相後修圖。問到齊昕為何肥了一個碼?她解釋:「上次肥係因為M到,每月總會係咁,今日瘦番。」至於演唱會跌倒的腳傷,她說:「好好多,我成日係咁。」晚上約10時半,帶點醉意的齊昕,由唐貝詩攙扶離開,候車時她誤闖樓下交易廣場的巴士總站,她忽然取去唐貝詩的太陽眼鏡,又展示clutch bag說:「呢個係我最鍾意嘅clutch。」受訪時她直認飲酒:「你知我幾飲得㗎啦。」問她有否服藥?唐貝詩即代答:「冇呀,只係俾人影有啲擔心啫!」齊昕表示今次外出已通知特首夫人。


矮過四吋唔着

眼前的齊昕腳踏4吋高踭鞋,步履不穩,她說:「我從來唔會着矮過四吋嘅高踭鞋㗎,靚就最緊要!」會否做運動收身?唐貝詩又代答:「唔需要,齊昕而家好fit。」最後齊昕由司機送回禮賓府。約凌晨12時,壽星公黃浩離開,他說:「又老一歲喇,都係希望身體健康,都想追番個仔,但唔係今年,過兩年啦。」梁齊昕到賀,黃浩說:「Suki同佢啱傾,好好朋友。佢都有祝我生日快樂,身體健康咁。」採訪:卓寶花、黃曉程攝影:沈健程、羅德光




來源: http://hk.apple.nextmedia.com/entertainment/art/20160904/19759214
大碼 神奇 女俠 飲多 多咗 咗齊 齊昕 昕腳 浮蕩 失路
PermaLink: https://articles.zkiz.com/?id=307449

【馮仁昭四圍超】齊昕開P 禮賓府劃集郵區

1 : GS(14)@2016-09-13 00:19:16

■有線主播可宜(左)前晚孖住唐貝詩(右)陪齊昕喺禮賓府慶生。互聯網圖片





特首梁振英(CY)女兒梁齊昕出親去蒲都成為焦點,令父母擔心,齊昕噚日25歲牛一,前晚就喺禮賓府開P,CY兩公婆仲傍實壽星女揸刀切蛋糕,一家三口難得合照,齊昕阿媽梁唐青儀着住紅色「龍蝦裝」贈興。齊昕開P,獲邀嘅友人都集郵打卡,有線主播可宜、唐貝詩同唐貝欣兩姊妹、黃浩同老婆徐淑敏(Suki)帶埋三個囡囡、現代美容老闆娘曾裕同老公Francis,仲有電影製作人Sasha Waseem等都係座上客。



■Suki同黃浩前晚帶住三個囡囡賀齊昕。

■齊昕噚日喺Ig貼出特首爸爸梁振英,同阿媽夾住切蛋糕嘅相。


貼相晒溫馨

據知齊昕喺花園BBQ,佢貼心搞咗個影相攤位,有埋道具同飾物提供畀賓客攞住嚟影相,玩即影即有,開完P就帶埋張靚相回家留念。壽星女齊昕雖然因為食抗抑鬱藥產生副作用,出現水腫同發胖,但佢前晚都好悉心咁化濃妝戴后冠,着咗條銀色吊帶裙,打扮搶鏡。佢呢次喺禮賓府開P,最安全不過,即使玩到high爆都唔怕畀狗仔隊追訪。齊昕噚日喺Instagram貼出同父母切餅相晒溫馨,仲留言感謝大家嘅祝福,CY兩公婆都有幫手招呼齊昕嘅朋友。問到唐貝詩送乜嘢畀壽星女,佢話:「我同妹妹送咗我哋公司嘅護膚品同埋首飾做禮物。」撰文:馮仁昭




來源: http://hk.apple.nextmedia.com/entertainment/art/20160912/19767721
馮仁 仁昭 四圍 齊昕 昕開 禮賓府 禮賓 集郵
PermaLink: https://articles.zkiz.com/?id=308766

【馮仁昭四圍超】齊昕祝自己身體健康

1 : GS(14)@2016-09-13 08:04:31

前日係梁齊昕(右)25歲生日,噚日馮仁昭搵過佢,問到今年嘅生日願望係乜嘢時,齊昕話:「最緊要開心同身體健康,希望自己個病快啲好番。」至於佢生日前一晚喺禮賓府舉行嘅生日派對,齊昕話玩得好開心,又話請咗四十個朋友出席。問係咪父母驚佢飲醉,所以安排喺禮賓府搞生日會?齊昕即笑住話:「吓!完全冇啲咁嘅事喎!」撰文:馮仁昭




來源: http://hk.apple.nextmedia.com/entertainment/art/20160913/19768945
馮仁 仁昭 四圍 齊昕 昕祝 自己 身體 健康
PermaLink: https://articles.zkiz.com/?id=308935

【爆相爆片】林海峰寸粒粒皆辛苦 齊昕笑不停

1 : GS(14)@2016-09-24 23:30:48

■齊昕前晚跟妹妹頌昕一起欣賞Sammi演唱會,表現雀躍。讀者提供圖片



特首梁振英女兒梁齊昕本月11日剛度過25歲生日,一向對娛樂圈有濃厚興趣的她,近日經常在紅館亮相。今個月初齊昕到紅館欣賞郭富城演唱會時,因心急入場弄致在場外仆傷,但無阻她看表演的興致。前晚她帶同剛剛從英國回港的妹妹頌昕,孖公仔欣賞鄭秀文(Sammi)的演唱會。最抵死是嘉賓林海峰當着梁特兩位女兒面前,引用梁特日前在元朗橫洲發展計劃記者會所講的「粒粒皆辛苦」。



■林海峰前晚擔任Sammi個唱嘉賓,引得現場觀眾及Sammi大笑。

Sammi尖叫

之前梁特以「粒粒皆辛苦」形容官員找地建屋,林海峰在台上開解失聲的Sammi說:「你流嘅眼淚,大家會畀好多掌聲去鼓勵你,感受到你心裏面嘅愛,同埋愛你嘅人畀你嘅愛,大家見到你嘅眼淚係真,你嘅眼淚先至係真真正正『粒粒皆辛苦』!」即時全場歡呼,連Sammi都話:「You are right!yeah!」而前晚兩位特首女兒齊昕及頌昕亦在台下。之後Sammi跟林海峰在台上合唱,林海峰又改歌詞唱:「火速救災,請將安仔擘開,劈開……個袋」令到Sammi尖叫又喪笑。



■齊昕(右)與妹妹散場後坐在紅館外,重溫演唱會所拍的照片。讀者提供圖片

■齊昕(左)前晚即時在網上分享跟妹妹看Sammi時的自拍照。互聯網圖片

■林曉峰(左起)與老婆康子妮、容祖兒及蔡一傑前晚亦有捧場。


頌昕甩鞋

讀者李小姐前晚透過本報「爆相爆片」,分享她見到齊昕化上濃妝、着住露肩花花上衣配以黑色legging現身紅館,反而身旁戴着眼鏡的妹妹打扮較樸實,兩姊妹坐在紅區45段的前排位置。李小姐表示前晚Sammi的演唱會氣氛非常好,加上有林海峰擔任嘉賓,整晚笑不停,而拿着扑扑棒的齊昕,不時開懷大笑,表現雀躍。到11時左右開燈散場一刻,齊昕兩姊妹隨人潮步向出口時,頌昕忽然甩鞋,要姊姊扶着穿回。二人離開紅館後,並沒有立刻離開,而是坐在一旁,開電話看相,重溫剛才演唱會的片段。約10多分鐘後,人潮開始散去時,她們才慢慢朝港鐵紅磡站行去。採訪:李森




來源: http://hk.apple.nextmedia.com/entertainment/art/20160924/19779990
爆相 相爆 爆片 林海峰 林海 寸粒 粒粒 粒皆 辛苦 齊昕 昕笑 不停
PermaLink: https://articles.zkiz.com/?id=309862

【馮仁昭四圍超】齊昕血痕相似鎅手

1 : GS(14)@2016-09-28 05:04:29

資料圖片





梁齊昕成日都係社交網上載跌傷流血相,但噚晚佢喺Instagram上載咗一張左手手腕有超過6條血痕嘅相,明顯唔係跌傷造成,其中一條打橫嘅血痕仲超過3吋長,有鎅手前科嘅佢就留言寫:「What unhappiness look like……」



互聯網圖片

關心佢嘅網友就紛紛留言問佢發生乜嘢事?有啲就留言話會support佢,所以齊昕真係要加油呀!撰文:馮仁昭




來源: http://hk.apple.nextmedia.com/entertainment/art/20160928/19783793
馮仁 仁昭 四圍 齊昕 血痕 相似
PermaLink: https://articles.zkiz.com/?id=310435

【宣誓風波】齊昕fb食花生被網民圍攻雙親

1 : GS(14)@2016-10-27 05:51:20

立法會昨日中午11時開大會,青年新政梁頌恆游蕙禎在民主派議員築起人鏈方式下,成功進入會議廳,主席梁君彥要求二人離場不果,情況膠著,最終梁以未能宣誓為由宣佈休會。休會後不久,特首梁振英女兒梁齊昕在fb發帖,指覺得很歡樂(feeling entertained),又寫下一句「好睇過睇戲」。帖文發出不足半小時已引來大批網民留言,有人笑指「你屋企都係」,又有人問齊昕「今日打咗你老母未」、「幾時搞打老母一週年慶祝會」,更揶揄道「你老豆釘蓋果日仲好睇。」【網民點講】
Wai Shakalaka:都係你地屋企好睇啲~
Edison Keiko Chan:始終唔夠你屋企大龍鳳
Tommy Chan:你老豆出年有咩下場先真係好睇
Jason Aj Li:被泰博迷倒?佢之前話過好欣賞你的。
Calvin Chan:你老豆做編劇
Chi Wai Lau:睇你全家,重好睇呀??
Fung Yiu Man:好想睇返你打龍蝦嗰場,幾時再有??




來源: http://hk.apple.nextmedia.com/news/art/20161027/19813934
宣誓 風波 齊昕 fb 花生 網民 圍攻 雙親
PermaLink: https://articles.zkiz.com/?id=313610

齊昕早於10月已入院

1 : GS(14)@2016-12-10 13:01:40

■昨晚梁振英再次往威院探齊昕(圓圖),並未有回應傳媒任何問題。



【本報訊】梁特昨午突宣佈不爭取連任,理由是擔心家人要承受一些他們不能承受的壓力。梁振英二女梁齊昕不時會在網上張貼受傷相片,據本報收到消息,其實早於兩個月前、即10月7日齊昕已入住威爾斯醫院住院主樓暨創傷中心大樓6樓。入院之初,齊昕精神狀況一度令人擔心,其入院消息亦遭封鎖。大前日,本報獨家拍到梁唐青儀去醫院探女,才令事件曝光。前晚本報拍得梁振英現身上址探齊昕,同樣由殮房出口的升降機步出離開。昨晚9時許梁再往醫院探齊昕。昨午梁振英宣佈不再角逐連任,3日內事情有戲劇性化發展,是否巧合?


唐貝詩:情緒病需要空間


齊昕一向與父感情要好,據其身邊人透露,齊昕一直不想父親出任特首,更不想他競逐連任,可以多點時間陪她。如今梁振英退下,相信齊昕會很開心。另外消息指,齊昕未知何時出院,因醫生需評估其情緒狀況。另外,齊昕好友唐貝詩昨在演藝學院欣賞舞台劇,表示有機會會約齊昕看舞台劇,她說:「都知道你哋會問齊昕,不過我唔方便講人哋太多嘢,其實情緒病好需要有多啲自己空間,作為公眾人物成日收到批評,對康復有影響。」■記者孔志豪、徐錦豪




來源: http://hk.apple.nextmedia.com/news/art/20161210/19861105
齊昕 昕早 早於 10 月已 入院
PermaLink: https://articles.zkiz.com/?id=319005

稱女兒健康 不滿被指母女不和齊昕病情羅生門 梁太怒轟李慧琼

1 : GS(14)@2016-12-27 12:15:05

■特首夫人梁唐青儀昨點名批評李慧琼對其家事發表的言論武斷,屬私下揣測。夏家朗攝



【本報訊】特首梁振英早前以照顧家庭為由不爭取連任特首,當時有指其女兒梁齊昕因病入院,特首夫人梁唐青儀更被發現到醫院探病,但梁太昨指齊昕身體健康,更點名批評民建聯主席李慧琼早前公開指齊昕病情差、與母親不和的言論武斷,並表示遺憾。身在外地的李慧琼僅回應稱衷心祝願梁齊昕早日康復。記者:廖梓霖梁唐青儀昨日主持香港女童軍開放日的開幕禮後,主動向記者回應有關齊昕健康的提問,指齊昕「健康狀況好好」,惟不肯回應齊昕是否已出院、為甚麼入院。



■李慧琼上周受訪時指梁齊昕病情差、母女關係欠佳,觸怒梁太。

李:祝齊昕早日康復

其後梁太語氣轉強硬,點名指摘李慧琼評論齊昕的健康狀況和母女關係。李慧琼上周在網台受訪時指齊昕「病情好差」,又指「齊昕同佢媽媽唔啱亦都係事實,係人都知嘅」;梁太直斥李慧琼不清楚事情,更指在李發表該番言論前一周曾與她用膳,「我向佢(李)表達過齊昕嘅健康狀況係好好嘅,我從來冇同佢透露過齊昕嘅病情」。她批評李慧琼根據片面認知妄下武斷言論,並表示遺憾。問及是否梁振英或其他人向李慧琼透露齊昕情況,梁太指:「我相信梁特首絕對唔會評論我哋嘅家事同埋佢仔女嘅健康狀況。」稱僅為李慧琼私下揣測。至於齊昕入院是否涉政治因素,梁太拋下「你哋問返李議員」一句便轉身離開。身在外地的李慧琼回覆時稱:「我樂意知道齊昕身體好好,亦衷心祝願她早日康復。」特首辦未有回覆查詢。不少建制派立會議員曾評論梁齊昕的健康狀況,民建聯蔣麗芸本月中到禮賓府出席聚會後,於電台節目指一個多月前(約10月底至11月初)向梁太問候齊昕,形容當時梁太皺眉搖頭,透露「情況比較嚴重」;身兼行會成員的經民聯林健鋒在梁特放棄連任後稱,知悉齊昕已入院一段時間。惟兩人均沒被梁太點名「鬧爆」。



■梁齊昕近月被傳入住威院,梁振英夫婦曾往探望。

或證梁特遭中央勸退

被指曾入住威院的梁齊昕,近期在網上非常活躍,經常更新facebook及Instagram,平安夜當晚在fb稱:「Merry X'mas bitches!」(婊子們聖誕快樂),又上載壽司相、問網民香港哪裏能購買貓屎咖啡。梁振英一直暗示因齊昕病情而棄選,梁太卻突然指齊昕健康良好,羅生門引起政界熱議,有政界中人指由此證明梁振英講大話,根本是中央勸他棄選;另有人指李慧琼指梁氏母女關係欠佳觸怒梁太,若只談及病情未必惹來梁太如此反彈。


識睇睇留言

Leung Tak Lau:發律師信畀佢(李慧琼),告佢,你老公最鍾意發律師信。
Ng Kwok Cheung Alex:咁我好驚呀,齊昕冇事,689又改口爭取連任啦!
George Wong:李議員亂講嘢,DQ佢!
Carmen Lei:咁快玩反面,仲有半年特首夫人做喎。
Justin Yang:落個台都要鋪咁多嘢,你哋唔攰咩?做得唔好落台係合理應份!資料來源:《蘋果》facebook




來源: http://hk.apple.nextmedia.com/news/art/20161227/19877806
女兒 健康 不滿 被指 母女 不和 齊昕 病情 羅生 梁太 太怒 怒轟 李慧
PermaLink: https://articles.zkiz.com/?id=320144

齊昕返港展示新髮型

1 : GS(14)@2017-01-14 12:25:37

互聯網圖片



梁齊昕去年10月入住威爾斯親王醫院,留院兩個月,有消息指她入院初時情緒狀況一度令人擔心,之後她上月底在facebook貼相,在倫敦打卡,未知真偽。昨晚7時許,她在Instagram「快閃」,上載了一幅selfie,更留言:「New Year New Hair!」髮型巧妙地將頸遮住,而下巴仔位更有改圖。相片上載了5分鐘就刪走,她回覆本報時表示已返到香港,表示剪短了少許頭髮,問到刪圖原因,她表示:「Haha!唔靚吖嘛!」




來源: http://hk.apple.nextmedia.com/entertainment/art/20170114/19896128
齊昕 昕返 返港 展示 髮型
PermaLink: https://articles.zkiz.com/?id=322639

揀齊昕合唱:等佢開心啲

1 : GS(14)@2017-01-22 02:17:10

特朗普(Donald Trump)於香港時間今日宣誓就任美國總統,問假如特朗普邀達明做嘉賓,兩人異口同聲拒絕,劉以達說:「去到真係瘀爆!」問選擇跟特朗普還是特首梁振英女兒梁齊昕合唱?達哥一臉茫然:「邊個係『齊蔭』?」明哥提醒達哥的新歌《排名不分先後左右忠奸(係人定係鬼)》內唱過,達哥才如夢初醒:「哦,齊昕,我以為邊個『齊蔭』。」達明意見一致揀跟齊昕合唱,明哥說:「等佢開心啲,唔好成日出啲派嬲嬲嘅po。」




來源: http://hk.apple.nextmedia.com/entertainment/art/20170121/19903831
揀齊 齊昕 合唱 等佢 開心
PermaLink: https://articles.zkiz.com/?id=323551

梁特認齊昕曾住院兩月

1 : GS(14)@2017-01-23 07:41:56

【本報訊】特首梁振英早前宣佈因家庭理由不爭取連任,昨日他接受訪問期間,首次開腔提及次女梁齊昕(圖)早前曾住院兩個多月,其間每晚都會到醫院陪伴女兒約一小時,直至女兒睡着才返禮賓府。梁指目前梁齊昕已出院,自己最近也給予家人更多時間,認為有效果。


稱每晚到醫院探望


梁振英在電台節目中,重申不競逐連任是因家庭問題,反駁坊間傳聞指中央政府要求換馬之說。他指,自他上任後,社會上多次有傳聞稱其不能完成任期,直至去年底仍有分析稱,中央不容許他做到任期結束。他認為既已決定不連任,就應盡早向支持者交代,以及令其他有意參選特首人士可及早表態,於是宣佈不角逐連任。梁振英又透露,女兒齊昕留院兩個多月期間,每晚都會到醫院探望一小時,試過在禮賓府舉辦宴會期間,致辭後中途離開,到醫院探望女兒後,再趕回禮賓府繼續宴會。他形容自己比較重視家庭責任,當時要兼顧工作和家庭感吃力,萌生放棄爭取連任念頭,取捨之下決定放棄。他續指,齊昕現已出院,自宣佈不連任特首後,可給予家庭更多時間,使他安心,「屋企每一個人支持我嘅決定」。■記者鄭啟源




來源: http://hk.apple.nextmedia.com/news/art/20170122/19905018
梁特 特認 認齊 齊昕 昕曾 住院 兩月
PermaLink: https://articles.zkiz.com/?id=323616

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019