ZKIZ Archives


葉劉:不查特首是建制底線 林卓廷轟不問是非保皇 違《基本法》精神

1 : GS(14)@2016-09-13 00:13:52

■葉劉淑儀昨在《講清講楚》節目上承認,建制派要保護政府。無綫電視畫面



【本報訊】剛於港島區立法會選舉成功連任的新民黨主席葉劉淑儀昨日指,建制派底線就是要保護政府,不可用特權法調查特首、索取行政會議文件,因此給人罵是保皇黨並非沒有道理。民主黨候任立法會議員林卓廷批評葉劉不問是非地保皇,甚至違反《基本法》訂明立法機關監督政府的精神:「葉劉嘅意思就係唔理特首做過乜,只要佢係特首就要保皇到底。」記者:姚國雄


泛民主派已打算在新一屆立法會,動議以《立法會(權力及特權)條例》調查梁振英收取澳洲公司UGL5,000萬元涉貪案,又會調查廉署高層人事調動、離職的風波是否與廉署調查UGL事件有關,但葉劉昨接受無綫節目《講清講楚》訪問時稱,做建制派就是要保護政府,不可支持立法會以特權法調查特首、索取文件:「建制派俾人鬧保皇黨唔係冇道理,我哋係保政府,最終嘅底線係保政府,例如唔可以用特權權力去查特首,唔可以用特權權力去攞行會文件睇,呢個係最基本嘅底線。」但葉劉淑儀不認同梁振英在選舉後指「反對我(梁)嘅人都冇當選」的言論:「因為好多反對佢(梁)嘅人都當選,有一個明顯反對佢嘅人(王維基)唔當選,但係咁係好多原因,因為王維基俾好多人圍攻佢,連泛民都圍攻佢,佢自己都犯咗好多選舉錯誤。」


指容海恩不及陳玉娥


她指,要令「保皇黨」建制派受歡迎,首要責任是政府做好一些。對於今屆立法會選舉,建制派在超級區議會界別得票率較上屆低,葉太認為責任在政府,要解決困局,應增加特首的認受性:「經過一場普選,(特首)有民意授權,經過選舉嘅洗禮,就增加佢嘅公信力,我相信中央係有誠意嘅,除咗行政管理,施政嘅努力,仲要畀佢更多嘅公信力。」至於新民黨在新東當選的容海恩被指在選舉論壇中表現不濟,又被指因是西環契女、獲中聯辦動員支持才能當選,葉太不諱言自己也不滿意容在選舉論壇的表現,甚至認為她與陳玉娥、李偲嫣「冇得比」:「佢要多下苦功,始終佢嘅從政時間短,而且佢唔係牙尖嘴利、識得攻擊人,佢同劉小麗冇得比啦,佢同陳玉娥、李偲嫣冇得比啦。」


林:扭曲香港是非觀念


民主黨候任立法會議員林卓廷指,葉太的言論令人吃驚,形同不問是非地保皇,扭曲香港是非黑白的觀念:「葉劉嘅意思就係唔理特首做過乜,只要佢係特首就要保皇到底。」他指《基本法》訂明香港的立法機關職責是要監督政府,如今葉太表明立法會的建制派要保政府、不能查特首,明顯違反《基本法》精神。前行政立法兩局議員李鵬飛則指,林卓廷進入議會追究梁振英收取UGL5,000萬元及廉署人事變動等是好事,直言建制派阻撓調查將是千古罪人。




來源: http://hk.apple.nextmedia.com/news/art/20160912/19768249
葉劉 查特 首是 建制 底線 林卓 卓廷 廷轟 不問 是非 保皇 基本法 基本 精神
PermaLink: https://articles.zkiz.com/?id=308695

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019