ZKIZ Archives


【飲食籽】保鑣大廚「食神」韜哥入室弟子 自小喜歡烹調食勻全世界

1 : GS(14)@2017-11-05 17:32:30

玫瑰龍蝦海膽汁燴伊麵

【飲食籽:識飲惜食】現年37歲的私房菜行政總廚梁浚銘(Leo)兩年前由保鑣轉行當廚子,Leo之所以用「回歸」來形容自己走上流動形式私房菜廚師之路,皆因在他做保鑣前,曾經跟人學過廚,而他的師傅,正是香港著名廚師梁文韜(韜哥),Leo絕對是韜哥正式的入室弟子,他想起當時,一次機緣巧合下認識韜哥:「2005年,經一位叔叔介紹,就識咗『食神』韜哥,之後跟佢拜師學藝,佢會帶我一齊見識唔同食物,講解每道食物背後的文化及由來。」


Leo自小已經非常喜歡烹調,跟爸爸四處找尋美食,其間,他發現自己對烹調有非常濃厚的興趣,便決定用心走上廚師之路,「我一開始是從食開始,唔係煮開始嘅,咁食吓食吓,就食遍全世界,因為爸爸帶我四處搵嘢食,慢慢,我發現自己原來對煮嘢食好有興趣。」學廚之路,除了皮肉可能受傷如意外被刀割、火燒等,也可能要面對心理層面的傷害,在Leo跟韜哥學廚前,作為廚房學徒的他常被「廚房大佬」作為發洩工具,「例如逢星期三、星期六,佢賭馬輸錢,一返嚟已經燶口燶面,跟住見你不爽就會鬧你,會鬧得好難聽,粗口就一定啦。」

對食材要求高 廣東河源尋靚雞

自從跟韜哥拜師後,Leo便明白食材是廚師的靈魂,所以他對食材有非常高的要求,曾經有一次,他在香港一食店食到一隻雞,便決定隻身前往廣東河源,找尋這河源雞,並用幾天時間觀察牠的生活,「呢隻係好有雞味嘅雞,咁我就搵個食店老闆傾偈,識到佢之後,就去到河源一個有水庫嘅地方,睇睇呢隻雞點樣生長,點解咁好食。」「溝通可以聽到食客唔同意見,可以掌握自己嘅技術,又可以同佢哋互相分享生活、鍾意嘅運動、心情同健康,同埋知道佢哋點解咁鍾意叫廚師上門煮畀佢哋食。」這些便是Leo堅持以流動形式為大家烹調私房菜的原因。「日出莎莉」及「玫瑰龍蝦海膽汁燴伊麵」是Leo的獨家秘製菜式。前者用新鮮黑毛豬腩,釀入兩隻鹹蛋黃,經過焗、急凍及冰鎮後切片上碟,味道相當出眾,豬味及鹹蛋香味濃郁,但食落口絕不油膩;後者用海鮮及龍蝦殼炒香後再燜,燜完焗,焗完再燉成龍蝦汁,撈在伊麵上,配上龍蝦及新鮮海膽,非常鮮味,龍蝦汁百分百保留了龍蝦本身的鮮味。各位如果想預約私房菜廚師,收費以人頭計算,每個菜單有不同的收費,大約每位$888,配以前菜、甜品及飲品。


日出莎莉(鹹蛋釀五花腩)

河源走地雞配籠仔荷葉飯

Leo曾經向香港著名廚師梁文韜(韜哥)拜師學藝。


日出莎莉套餐:

湯:美顏花膠湯前菜:日出莎莉、青瓜雲耳、意式香草芥辣炸軟殼蟹主菜:酥炸荔芋鴨、河源走地雞配籠仔荷葉飯、羅勒酥皮焗黑松露雜菌甜品:杏汁金絲燉燕盞每位$888,6位起接受預訂查詢:https://www.mobichef.hk/採訪:黃希文攝影:劉永發(部份圖片由受訪者提供)編輯:陳慧玲



來源: https://hk.lifestyle.appledaily. ... e/20171102/20201317
飲食 保鑣 大廚 食神 韜哥 入室 弟子 自小 喜歡 烹調 食勻 全世界
PermaLink: https://articles.zkiz.com/?id=343814

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019