ZKIZ Archives


寶珠姐對阿嗲減肥有信心

1 : GS(14)@2016-03-01 18:57:37

陳寶珠和梅雪詩(阿嗲)將會在5月重演經典戲寶《牡丹亭驚夢》,主辦單位昨日宣佈第2度加場,今次會再加開5月25至28日,即合共20場。寶珠姐和阿嗲知道這個消息後感到非常開心,她們說:「好多朋友打電話嚟訂飛,多謝大家支持,我哋會更加畀心機,勤力練聲練氣,不負眾望。」阿嗲自爆農曆新年期間吃得太多,所以除了操曲還要積極減磅,她笑說:「目標要再減10磅,得到好多朋友鼓勵,我會努力!」寶珠姐當然為戲中情人兼好拍檔打氣:「我對你有信心!」不過,最令她們感到心甜的,是得到師傅白雪仙的鼓勵,她們說:「師傅叫我哋要畀多啲心機了解劇本,唔可以只係念口簧,我哋一定唔會令師傅失望!」撰文:唐琛悠





來源: http://hk.apple.nextmedia.com/entertainment/art/20160301/19510771
寶珠 姐對 阿嗲 減肥 信心
PermaLink: https://articles.zkiz.com/?id=296483

有話兒:寶珠阿嗲牡丹亭相會爆壓力

1 : GS(14)@2016-03-18 23:56:34

粵劇名伶陳寶珠與梅雪詩(阿嗲)在兩年前因為任劍輝百歲冥壽與逝世25周年,在師父白雪仙的統領下,合體演出《再世紅梅記》,最近寶珠姐與阿嗲再度合體,演出任白名劇《牡丹亭驚夢》,雖然主辦單位已經兩度加場,在票房方面早已沒有壓力,大家反而孭上一身飛債,不過這對相識超過半世紀的好拍檔,不約而同表示仍然背負一身壓力。撰文:何慧斯舞台上的才子佳人陳寶珠與梅雪詩今次合演《牡丹亭驚夢》,寶珠姐說:「我本身未做過呢個劇目,今次係第一次,對我嚟講會係一個新嘗試,好彩我哋上次合作過一次,本身已經有默契,有咗呢個默契,對大家嘅了解多咗,感覺好似親密好多,雖然呢個劇目好輕鬆,角色好得意,儍儍戇戇,但係私底下唔易做,演出唔可以過火,但係又唔可以唔到位,真係要恰到好處,呢個係最難嘅地方,你知任姐做得係好恰到好處。」不過阿嗲對拍檔兼好友當然讚不絕口,她笑說:「我哋不嬲都咁親密,佢喺台上好風流倜儻,好書生。」



■仙姐對徒弟的演出十分着緊,每次都會現身綵排及探班。資料圖片

■早前宣佈再度加場的《牡丹亭驚夢》一樣賣過滿堂紅。資料圖片

■阿嗲與寶珠繼上次《再世紅梅記》後再度合作演出自然默契十足。



仙姐監場

向來都對自己有極高要求的寶珠姐和阿嗲,每次演出的準備工夫當然做到足,從圍讀、綵排以致調理身體,兩人都一絲不苟,務求以最佳狀態站在台上,不過兩人異口同聲地表示,仍然背負一身壓力,寶珠姐說:「壓力來自多方面,可能經過上一次嘅戲,自然會要求比上次更加好,希望更加努力演出,我要求都係高,唔好話得到大家嘅認同,但求希望大家睇完之後,都不枉真係買飛入場,我仲有好多講唔出嘅壓力,呢啲人哋係唔會知,只係自己心裏知道同感受到,,最擔心係交唔準俾師父,因為仙姐都會叫我哋讀熟劇本,跟住上去排畀佢睇,呢個壓力真係好大,雖然我由出道到而家都係做花旦,但係到今時今日都做唔到仙姐所要求嘅杜麗娘。」近年有不少年輕一輩忽然對粵劇有興趣,她們作為資深的粵劇界中人,當然樂見這現象,阿嗲說:「希望年輕一輩多啲支持粵劇,始終粵劇係中國文化瑰寶,睇多啲粵劇,尤其係唐滌生啲劇本,佢啲文字真係好靚,睇完可以從中了解多啲中國文學。」寶珠姐亦說:「佢啲文采真係好好,好多人係睇佢啲戲去學中文,我都知道而家好多走去學粵劇,覺得係一門藝術,我自己都希望可以繼續做落去。」



唔敢收徒

至於會否計劃收徒弟,她們兩人耍手兼擰頭地表示沒有資格,阿嗲說:「自己都希望學多啲嘢,學無止境麻,睇多啲其他劇種。」寶珠姐則說:「我自己都仲戰戰兢兢喺度學緊,點會講去收徒弟?真係提都唔敢提,不過最好都係多啲做,當係推廣,最好政府可以俾多啲場地,我哋喺呢方面一直都好欠缺,當係支持吓!」場地提供:Hotel Icon





來源: http://hk.apple.nextmedia.com/entertainment/art/20160318/19534100
話兒 寶珠 阿嗲 牡丹亭 牡丹 相會 壓力
PermaLink: https://articles.zkiz.com/?id=298398

寶珠阿嗲未達仙姐要求

1 : GS(14)@2016-03-19 22:16:36

陳寶珠(右)同梅雪詩(阿嗲)昨日到新城宣傳5月份公演的《牡丹亭驚夢》,兩人現在經已不時在師傅白雪仙面前作排練,問到師傅會否滿意?阿嗲笑說:「擰頭,又係咁,師傅話我嘅問題都係十年如一日。」寶珠姐說:「師傅對我哋有要求先會有進步,我哋又點會做到師傅嘅要求,只係盡量做到稍為貼近佢嘅要求。」稍後她們會正式響鑼排練,到時師傅也會親往監場。





來源: http://hk.apple.nextmedia.com/entertainment/art/20160319/19535740
寶珠 阿嗲 未達 達仙 仙姐 要求
PermaLink: https://articles.zkiz.com/?id=298518

馮仁昭四圍超:寶珠姐阿嗲輪流變傷兵

1 : GS(14)@2016-05-21 13:13:48

陳寶珠、梅雪詩(阿嗲左)前晚喺灣仔演藝學院演出粵劇《牡丹亭驚夢》第10場,不過劇組呢排諸事不順,寶珠姐重感冒,阿嗲就俾的士撞傷腳,阿嗲話:「係我唔好,抵我受傷,為咗避車自己撞埋的士泵把度,自己唔小心。」趁住噚日唔使演出,阿嗲同寶珠姐都話要爭取時間休息。寶珠姐話要去做facial,而阿嗲就話要去洗頭同大覺瞓。撰文:馮仁昭





來源: http://hk.apple.nextmedia.com/entertainment/art/20160518/19616025
馮仁 仁昭 四圍 寶珠 阿嗲 流變 傷兵
PermaLink: https://articles.zkiz.com/?id=300579

【馮仁昭四圍超】寶珠阿嗲加場孭飛債

1 : GS(14)@2016-06-21 07:39:15

陳寶珠(左)同梅雪詩(阿嗲右)嘅《牡丹亭驚夢》上月做咗20場,8月會喺文化中心加開6場。佢哋同多位名伶前晚出席慶功,而師傅白雪仙(中)亦有現身,兩位愛徒還親吻師傅臉頰,非常溫馨。對於再度公演,寶珠姐話:「戲迷嘅熱情令我好感動,所以想再過戲癮。」阿嗲就笑話:「今次暑假開鑼,我有好多朋友嘅仔女同孫仔可以陪睇粵劇,我又孭咗一身飛債。」撰文:馮仁昭





來源: http://hk.apple.nextmedia.com/entertainment/art/20160621/19662553
馮仁 仁昭 四圍 寶珠 阿嗲 加場 飛債
PermaLink: https://articles.zkiz.com/?id=302405

陳寶珠阿嗲奪獎謝恩師

1 : GS(14)@2017-02-12 13:52:42

陳寶珠、陳好逑、梅雪詩(阿嗲)、龍貫天、汪明荃及阮兆輝等粵劇名伶,昨日在銅鑼灣出席「戲曲天地梨園之最2016」頒獎典禮。陳好逑和尤聲普獲頒「梨園驕子」獎,羅家英獲頒「梨園金鳳凰」獎,陳寶珠早前和梅雪詩演出的《牡丹亭驚夢》奪得「梨園之最粵劇」和「最受歡迎粵劇」兩獎項,寶珠姐和阿嗲皆表示要感謝任劍輝及白雪仙兩位師傅。撰文:馮仁昭




來源: http://hk.apple.nextmedia.com/entertainment/art/20170212/19925423
寶珠 阿嗲 奪獎 獎謝 恩師
PermaLink: https://articles.zkiz.com/?id=326557

寶珠阿嗲難忘林家聲

1 : GS(14)@2017-08-06 18:41:27

粵劇界一代宗師林家聲逝世兩周年,演藝學院將會為林家聲舉行兩場紀念會,昨日陳寶珠(寶珠姐)、梅雪詩(阿嗲)、吳美英等粵劇名伶和楊天經出席,寶珠姐和阿嗲對聲哥尊重至今,寶珠姐難忘多年前到聲哥家帶他出街食飯。阿嗲更感激聲哥教導,當年演《紅樓夢》到聲哥家排練,獲對方指導:「佢係好好嘅前輩,教我好多,教後輩不厭其煩,所以我好鍾意佢,好細微嘅事我都唔會忘記,我哋一直好尊重同難忘。」眾人有感時間飛逝,轉眼已兩年,但心中仍然懷念。採訪、攝影:王連連




來源: http://hk.apple.nextmedia.com/entertainment/art/20170806/20112710
寶珠 阿嗲 難忘 家聲
PermaLink: https://articles.zkiz.com/?id=339904

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019