ZKIZ Archives


寫真風波一鑊粥美心妹妹又出書 阿媽被轟吸水

1 : GS(14)@2016-01-18 19:00:42

■今年7歲的美心妹妹Celine,去年寫真風波前,有指她一年拍近五十個廣告。又要返學,又要出活動都咪話唔辛苦。資料圖片


美心妹妹楊鎧凝(Celine)去年書展出寫真,但由於寫真中有幾張相被指意識不良,結果寫真被抽起冇得賣,攝影師事後還被重案組調查,至於Celine媽李珈珈就更加成為千夫所指,被指是見錢開眼的星媽。去年出寫真已經搞到一鑊粥,但未知Celine媽媽是否覺得外界已開始淡忘寫真事件,近日竟然捲土重來再幫囡囡出書,前日她在自己Instagram貼了Celine新書封面相,並指新書會在本月31日面世,同時留言力sell此書入面的插圖和內文都是囡囡親自操刀,又煞有介事話書入面會有亮點,叫大家要大大力支持。



■在新書中,會交代去年「寫真風波」的來龍去脈。互聯網圖片

■Celine媽媽指新書是講親子和囡囡由細到大的成長片段,會將賣書收益作為慈善用途。資料圖片



網友勸罷買


可是不少網友見Celine妹妹再出新書,都鬧爆Celine媽媽今次又借個女吸水,還留言說只要冇人幫襯買書,Celine妹妹就不用再當大人的搖錢樹,唔……看來新書銷情都……!對於Celine再出新書,Celine媽媽以短訊回覆記者說:「之前一路都有寫網誌,一路都有整理文章同相片,書入面係關於Celine快樂成長嘅內容,今次本書扣除成本,會將收益捐畀兒童慈善機構。」問到會否擔心外界反應,她說:「本書講親子嘅,都冇乜嘢特別驚唔驚!」其實自從去年寫真風波之後,Celine妹妹的確靜了一段短日子,就連原本代言開的「美心」都冇得撈,不過件事隔了不久,Celine妹妹又開始出現於不同廣告和商場活動中。7歲人仔,又要返學、又要吸金,都咪話唔辛苦。採訪:王梓嫚



■不少網友知道Celine妹妹再出書,都紛紛鬧爆她的媽媽又借個女去賺錢。





來源: http://hk.apple.nextmedia.com/entertainment/art/20160118/19456142
寫真 風波 一鑊 鑊粥 美心 妹妹 出書 阿媽 被轟 吸水
PermaLink: https://articles.zkiz.com/?id=294491

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019